عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
اول مادخلت هالقسم كانت المواضيع اللي بالأول عن فرحة الاخوات بحملهن والكل يبارك لهم طبعاً فرحت لهم وااااااايد ودعيت أن ربي يرزقني مثل مارزقهم
ندخل للموضووع !
وقلت لكم اني عندي موعد الى أخذ الأبرة التفجيرية
المهم أنا رحت عشان آخذ الأبرة التفجيرية وكشفت علي الدكتورة أول بس قالت لي كلام حبطني
قالت لي عندي تكيس وااايد وحجم البويضات وصل الى 14 والدم بسبب كثر عدد البويضات والأبرة التفجيرية طبعا ماعطتني اياها لأن تسبب تضخم مبايض زيادة
بس قالت لي آخذ حبوب الدفاستون من نفس اليوم وبعد 5 ايام ارقد مع زوجي عشان تمديها حجم البويضات تكبر الى 16 – 18 – وانشاءالله يصير حمل !
بكمل لكم اللي صار بعدين
وحده من الأخوات هني قالت لي بأن التبويض على حسب برنامج فيتا على مااعتقد اسمه هو يوم 18 من الدورة وصار جماع مع زوجي وبعد 3 ايام صار جماع مرة اخرى وبعدين جا يوم الدورة حقتي وهو 17 يناير 2010م (يوم الأحد اللي فات) ومانزلت الدورة ولاكانت عندي اعراضها ابداً او حتى على الأقل مغص مافي ولاالم بالصدر ولاشي
وطنشت وقلت مابحلل ولاشي انا من النوع اذا حللت انصدم ,
المهم جاء اليوم الثاني وانا على نار قلت بحلل وبشوف ولااقعد على اعصابي ورحت للمختبر
خذوا مني دم وقلت لهم ابي التحليل رقمي عشان تكون النتيجة مائة بالمائة وماأشك فيها
وانا انتظر شفت عيوني اليسار ترف وترف قلت يمكن النتيجة ايجابيه؟ لأن عيني اليسار دايما ترف لما يصير شي حلو
اما عيني اليمين ترف اذا يصير شي سئ اوووووووف
المهم اخذت لي نص ساعه انتظر وجاءت مالت المختبر وهي تطالعني وقلت حتى لو النتيجة سلبية ماراح اتضايق خيرها بغيرها
الا تقول لي النتيجة سلبية قمت ورحت البيت الا احس بآلام بصدري واستغربت ليش يعني للحين الدورة مانزلت وانا ماخذة ابر منشطة وعشرين بويضة يمين وعشرين بويضة يسار وحجمهم صار كبير يعني من الابر
وليومكم هذا اليوم الاربعاء 20 يناير 2010م ماجاتني الدورة !
ادعو لي ياخواتي الفراشات
ربي يرزقني انشاءالله بالذرية الصالحة
