عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يسعد مساء كل الفراشات الحلوات الطباخات 😀
اليوم وأنا ابحث بالنت ,, لقيت اخت لنا في الله عارضة طريقة عجينة للفطائر ولما قريت المقادير .. عاديه يعني مافيها شي زود ..
ولكن يوم جربتها يابنات .. ماشاءالله خطيرهـ وخيااالية وطعمها جناااان .. تقل قطنة من خفتها ماشاءالله ..
سويتها اليوم لنا عشاء .. سويت منها بيتزا وفطائر جبن
وانهبلوا عليها كل أهلي ..
لكن زوجي خسارهـ ماكان معنا ➡
وهذي المقادير :
3 كاسات طحين أبيض
ملعقتين كبار خميرهـ
ملعقة كبيرهـ بيكنق باودر
ملعقة صغيرهـ ملح
فنجال قهوهـ سكر
فنجال شاهي زيت
كوب حليب
نص كوب ماء
وبس طبعا الطريقة لاعتياديه .. حطي كل المقادير بكاس الخلاط ماعدا الطحين والبيكنق باودر ولما تخلطينهم صبيهم ع الطحين والبيكنق باودر واعجنيهم لما تتماسك وخليها 20 دقيقة بمكان دافي وبعدين استخدميها ..
وهذا عشانا اليوم :
ويلا وروووني ابداعاااتكم ❗
