جارتنا اكلت وجهي بالكلام

السلام عليكم يا الغاليات
انا ما راح اطول وراح ادخل بالموضوع على طول الي هو جارتنا الفضولية تدخل بالكبيرة و الصغيرة رغم اننا مو مندمجين معاها المناسبات و الاعياد فقط بس مشكلتي يوم تزوجت لمدينة بعيدة عن اهلي و يوم اجيهم اجلس اقلها شهر طلعت اشاعات اني مو متفاهمة معاه و اني على خلاف مع اهله .قلت اطنشها احسن بس لظروف حملي الثاني و امي مريضة ما تقدر تجيني و ما كو احد يقابلني وزوجي هو ولدي صارو ضعاف و هو حاير معاي ومع شغله والحمد لله ما يشتغل مع الدولة تفاهمنا انا وياه اني اجلس عند اهلي لغاية ما اولد تقريبا ادا ما حسيت بتحسن و هو يجيني اسبوع بالشهر تقريبا و نجلس ببيت ثاني عشان ناخد راحتنا المهم هو مرتاح انه في احد يقابلني و يقابل ولده احسن من التعب والوسخ الي كنا عايشينه هنا بدت المشكلة يوم شافتني طولت يوم تلقاني شفتك طولتي ليش ما رحتي مع زوجك و هدا جعلها متاكدة من تكهناتها مع اني شرحتلها مليون مرة و هي شايفة حالتي وصحتي شلون
النقطة الي افاضة الكاس و خلاتني افكر اني راح ارد عليها و وقفها عند حدها لقتني عند جارتنا و قالتلي عسى ما شر ليش لسى عند اهلك اخافك تكونين تطلقتي و خاشا عنا قلت ما هو فالي انا زوجي يعاملني احسن معاملة وتقولي انت مخبولة هو عنده صاحبة اكيد و كلام كثير انا ما جاوبتها و خرجت بس انغثيت
انا زوجي متاكدة منه يكلمني كل ساعة و ادق عليه دوم بالشغل المهم ما اشك فيه و هو صابر معاي لاقصى درجة وما ابي بشكي ادمر حياتي .
بنات ترجيتكم عطوني حل مع طويلة اللسان ايش اجاوبها و كيف اعاملها فقعت مرارتي من كلامها و هي كدة مع الكل مو انا بس بس اشوفها مستانسة وهي تتكلم تبغا تقول جلستك عند اهلك تاكد كل الي قلته
اخخخخخخخخخخخخخخخخخخخخخخخ يا القهر جاوبوني 😡