عالم البنات النسائي كل ما يخص المرأة العربية من ازياء وجمال والحياة الزوجية والمطبخ
وحشني المنتدى ووحشوني البنات العرايس:(
المهم أنا غايبة من فترة ومابدخل عشان البيت صار فاضي على ماما
ومافي غيري .. وصرت أحاول أغطي وقت الفراغ اللي اختي تركته من بعدها 😆
الله يسعدها يارب .. ويتمم لنا على خير جميعآ
نجي للمهم
زواج أختي كان من اسبوعين ونص 😆 🙂
وعشان أفيد البنات بكتب لكم اللي يخص زواج أختي 😳
وخصوصآ زي ما انتوا عارفين انه كان فيه عروسة تانية >لأنه العرسان أخوان<
ومرة شي يقهر لمن يكون زي كدة 😉 يعني طول حياتهم الأخوان مافكروا يتزوجوا
ولمن يتزوجوا .. يفكروا مع بعض ؟؟ والعرايس مساكين 😡
وأنا من جدة طبعآ < مدري ليه طبعآ 😥
الفستان
من اليمامة , نفسي أنزل لكم صوره .. بس أول شي اخذ منها الإذن ويصير خير
بصراحة وهيا تختاره أنا ما كنت مرة مقتنعة فيه
بس يوم الفرح .. الكل أنهبل عليه من وقت الزفة وإلى اليوم الكل
يسألنا فين عملنا الفستان
خصوصآ ان العروسة التانية عملته عند المصممة “هبة جمال”
السعودية اللي تقدم كلام نواعم
ودفعت حول الـ 10 الاف .. وكان فستانها سكري ..
ومرسوم ع الصدر شخص لابس بدلة
< وكأني شفتهم شخصين 😆 لمن يطلع الألبوم أجي أحكيكم بالظبط ههههههه
هو بصراحة يبرق برق مو طبيعي ماشالله وناعم بحد ذاته مع فخامة
بس الكل قال فستان أختي غطى على فستانها
(موديل فستان العروسة التانية كان سمكة .. وبصراحة العروسة مو حلو فستانها
إلا يكون أبيض ومنفوش بالطريقة التقليدية …) 😛
الله يعجل بأفراحنا يارب 😎
الصالون (التسريحة -الميك اب)
رحنا (جمانة سنتر) .. في حي الشاطئ مقابل قصر الأمير سلطان
أكتشفنا يوم ما رحنا نحجز إنه صحبة الصالون (زوجة أمير)
وصادف يومها إنها جاية تشيك ع الصالون واستقبلتنا بنفسها
وصاروا كل العاملات هناك طول فترة زياراتنا وتنظيفاتنا يعاملونا كأننا أميرات ..
على بالهم جايين من طرف صحبة الصالون 😆 🙄
المهم صحبة الصالون قالت اللي تعمل للعرايس ميك اب (لمياء) وشفنا شغلها كذا يوم
وشفنا شغلها على عروستين ومرة كان خيال وربي
وتممنا عليها وكل شي .. بس يوم الفرح كان عندها ظروف وجات بس عشان تعمل لأختي .. يعني ما مسكت غيرها
بس تخيلوا جت مستعجلة مرة وأنا وماما لسا نعمل اظافيرنا
وفجأه الساعة 5 العصر أختي خلصت ميك اب 😀
وياليت شي عدل .. وقسم بالله طول عمرها تعمل مكياج ولا في الخيال .. بس المرة دي مافيها أي شي يدل إنها عروسة
وكان شكلها حلو بس مرة مو عروووسة
حتى بعد ما حطت لها رموش ما حطت لها ماسكرة من عجلتها
طبعآ انا انصدمت وأختي طالعت فيا وصارت تبكي
وبعد ساعتين يمكن
وحدة من اللي برضو يشتغلوا هناك اسمها (منى) كانت بتعمل وقتها لأختي الصغيرة .. فزعت ووقفت وقفة رجاجيل 😛
وقالت لها امسحي الميك اب وغسلي وجهك وأنا أعيد لك الميك اب كله وما كأنه لميا عملت فيك شي
كنا وقتها احنا خلصنا ورايحين القاعة ..
(يعني أختي بدأت الساعة 10 …………. تخيلوا المأساة ؟؟؟ 😳 )
والشعر عملت لها (سناء) < مغربية الأصل
وحطت لها الطرحة بالطريقة المغربية
والكل اتجنن على الطرحة وحطتها
^^^
^^^^^
أدري بتسألوا كيف طلع الميك اب اخر شي
حأقولكم أخر الموضوع < تسمع بالأكشن 😐
المسكة
عملناها عند أزهار لمى
شارع صاري قدام مخبز مرحبا
كانت لونها أحمر كلها ورد جوري وشكله شكل دمعة .. < ثلاثية الأبعاد طبعآ
وكاسة العصير
برضو عند أزهار لمى
كاسة كبيرة ثبتلنا جوتها كاسة عصير عادية
وكل الكاسة مزينة ورد جوري أحمر
الكاسة الصغيرة فيها العصير
والكاسة الكبيرة فيها موية يتحرك فيها سمكة 😛
كانت حركة مجنونة بس خيال
خصوصآ انه طاولة الإستقبال اللي عليها صورتها
كان فيها كاستين كبيرة برضو فيها سمك ➡
مرة كان حماس
BRB
