خوي مات من سنة ونصف وكانه ميت اليوم ..!!

لاحول ولاقوة الابالله

انا لله وانا اليه راجعون

بنات انا لي اخو مات من سنة ونص ع بداية دخول 2009 وكان فرحان متفاائل فيها اح بس
بنات فيني حسره وحررره وقهر ساعات اووون لابكيت لاحول ولاقوة الابالله قسمن بالله اني ابكى هالحين وانا اكتب عجززززززت انساه يطلع لي في كل حلم , هو مات ورتاح وحنا نتعذب عذاب مايعلم به الا الله
انا متزوجه وكان عندي مشاكل حالى حال كل بيت كنت ابكى من مشاكلى وحزن احيانآ وشكى بس بعد ماتوفى جربت الحزن الاكيد الى يقولون عنه لاحول ولاقوة الابالله يارب نسيناه وريحنا بنات كل شي تغير فيني البكاء عندي بحسرره وحررره لدرجة الونين اون زي المريض تخيلوو العذاب والحزن حززن يذبح
قلت بيني وبين نفسي اثاريني كنت اتدلع يوم ابكى واشتكى من مشاكلى العائليه اثاريني في نعيم عقب وفاة اخوى جربت الحززن الاكيد الى يتكلمون عنه حتى اغنية الاماكن كانت اتحزني اول ماسمعتها بس عقب مامات لاسمعتها عن طريق الصدفه وانا اصلا بطبعى ماحب الاغاني لانه تزيد الهم والله اني ابكي بحرقه حتى اني اهاوش بنتى واقول لها طفى التلفزيون من غير شعور اااااااه شفته بعد وفاته سلمت عليه وودعته مسحت ع خده وهو نايم حبيبي قلبي الى جنات الخلد يالغالى ياعز الناس ربي خلقك في هالدنياء عمرك قصير’ انا لله وانا اليه راجعون ’ هو اصغر مني عمره ماتعدى 28 سنة حتى ابوى مرض من بعده وصابه السكر هو ولده البكر كان متئمل فيه وكان يقول هو الى بيمسك البيت من بعدى بس هو الى دفنه دفن ولده بيدينه ’ ساعات اقول ليت ربي ماخلقنا ولا عرفنا هالحياة ’ هالحياة الغداره الى تعطيك كل شي وفجئه تدخل يدها في جووفك وتنتزع قلبك من مكانه بلا رحمه حتى ماعطتنا مهله او حتى مهدت علينا حززنا
بس علمتنا ان مانثق فيها وان نتوقع الاسوء من بعد اخوي الى راح في حادث سياره الله يرحمه ويسكنه الجنه علمتنا نكون حقين واجب واي احد يتوفى عنده قريب او صديق نروح نعزيه ونبكي معهم بحررقه لدرجة هم يبكون من بكاءنا ع بالهم احنا نبكى ع ميتهم لكن احنا نبكى ع ميتنا ونبكى ع حالهم بعد كم شهر وش راح يصير فيهم بعد ماتروح السكره وتجي الفكره بعد مايفقدوونه صح ويصيرون في حالة ذهول بين مصدق ومكذب وكل اشوى وهم عينهم ع الباب يمكن يدخل عليهم ويطلع هذا كله وهممممممممم ااه ياقلبي بس
يارب ارحم اخوى دخيل وتجاوز عنه سيئاته وونسه في وحدته هو محتاجك هالحين يالله ’ شكرآ لك ياخوى انك علمتنى ان هالدنياء زايله وعلمتني كيف اشتد في ديني واستغفر ربي كل يوم وتصدق وساعد المجحتاج وتقرب للمنكووب شكرآ لك انك علمتنا الى ماعلمتناه الدنياء ولا التجارب البسيطه الى مرينا فيها لولاك ياخوى ماشتدينا في دينا ولا زهدنا وانشاء الله انها في ميزان حسناتك ’’’
الله يرحمك ويرحمنا حتى احنا الاحياء احنا صرنا من بعدك محتاجين الرحمه اكثر منك ’ يارب ارحم المسلمين والمسلمات الاحياء منهم والاموات ’ انا لله وانا اليه راجعوون ’

معليش يابنات كنت مكتومه وحبيت افرغ الى في قلبي والله يوفقك ويسعد من فتح هذا القسم تكفون كل من تقرا رسالتي تدعى لخوى المتوفى بالرحمه والمغفره ’ وتدعى لنا بالصبر والثبااات
اختكم في الله