عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
شحالكم بنات ؟
بحكي لكم بعض من الشقاء اللي أعيشه وأبي نصيحتكم ودعاويكم لي لعل منكم وحده لو أقسمت على الله لأبرها
أنا أعاني من (الرهاب الاجتماعي)
لي 25 سنة أعيش بخوف من الناس أخاف أتكلم مع الناس وخصوصا الواثقين بأنفسهم تلاقيني إذا جلست في المجلس قلبي بيتوقف من الخوف وأرتجف وإذا أحد سألني أو كلمني الصوت كأنه على الهزاز يرتفع وينخفض وأخاف أطيح أو يغمى علي ماأطول في المجلس أبداً دائماً متوترة وقلقانه
يطلعون أهلي ويتمشون ويروحون ويجون وأنا ماأروح لأي مكان00الأعياد ومناسبات الفرح تصير بالنسبة لي مناسبات شقاء أحس فيها بالحزن والضيق وأقعد أبكي
أنا ميته بين الأحياء أي والله حتى مع أهلي خايفة 00أخاف ماأعرف أرد على اللي قدامي الرد المناسب حتى القصص إذا جيت أقولها لهم أرتجف وخايفة <عذااااااااب الله لايوريكم
جالسة 24 ساعة على النت لأنه أهو الشي الوحيد اللي أعبر عن اللي في نفسي من خلاله <أمي تضايقت من الوضع اللي أنا عليه ودايم تقط علي كلام وتخانقني تبيني أغير وضعي <أهي معها حق لكن اللي أنا فيه شي مو بيدي
قريت وسمعت الدروس والمحاضرات حتى الأدوية استخدمتها لكن بدون فايدة تذكر ورحت للمستشفيات ^^اسمي انكتب في مستشفى الصحة النفسية مع الأسف
المفروض أنا الحين مدرسة لكن المرض موقف حياتي ماأقدر أشرح قدام أحد سواء مدرسات أو طالبات أحيانا قدام أهلي بعد
كل شي في حياتي متوقف وبالفعل ميته بين الأحياء
أنا انسانة متوسطة الجمال لكن إذا شفت الأجمل أو الأكثر ثقافة أو علم أو موهوب يقل تقديري لذاتي وأشعر أني ولا شي قدامه وتزيد حالتي سوء على السوء اللي أهي عليه
عمري راااااااااح وأنا مكانك سر 00 عندي طموح وأتمنى أتوظف وأحقق النجاح والتميز في وظيفتي لكن الرهاب مو مخليني أسوي اللي أبي !!
تكفوووووووووووووووون أدعو لي بالشفاء العاجل والعوض في عمري اللي راح وأبي نصايحكم وأنا محتاجة لأحد يقنعني ويوجهني يمكن فيه شي في تفكيري غلط أو قناعة ماانتبهت لها
ياااااااااااارب توفق كل وحده من أخواتي دخلت موضوعي ودعت لي من قلب وقالت لي الكلام اللي احتاجه:)
