عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ازيكم يااجمل بنات …
صحيح ان مصر ام الدنيا بجمالها وروحها الحلوه وطيبه اهلها 🙁
قلت انهارده اخدكم معايا رحلتى لعاصمه مصر ام الدنيا ( القاهره ) طبعا القاهره رحلتى ليها
دايما فالقلب 
لانى طبعا مش بروح ليها غير نادر فبنسبالى زيارتها حدث واحتفال جوايا كبير 😈
تعالوا اقولكم ازاى بدأنا الرحله بتاعتنا
طبعا صحينا كلنا بدرى دا لو كنا نمنا اصلا 😆 🙄 اتجمعنا حوالى 6 ونص صباحا ل 7 واتحركنا 7 بالضبط
الحمد لله الطريق كان مش ممل فوسط طبعا العيله الحلوه والاصحاب وتبادل النكت الحلوه الخفيفه
وصلنا الحمد لله القاهره بعد 3 ساعات كانت تقريبا 10 صباحا رحنا اول حاجه حديقه الاسماك علشان نفطر
وطبعا نشوف الحديقه باسماكها التحفه 😛
قعدنا تقريبا حوالى ساعتين استمتعنا طبعا بالجو وكنا كلنا مبسوطين اوووووى
بعد كده الساعه كانت حوالى 12 الظهر ركبنا ورحنا الرحله النيليه الرائعه طبعا اتصورنا للذكرى والحمد لله
لسه محمضناش الفيلم 😡
خلصت الرحله النيليه وتقريبا بقينا الساعه 3 اتجهنا علطول للمتحف المصرى طبعا كنت بشوف صوره بس
وكنت متشوقه جدا اروح لمكان دا بس طبعا كان مليان سائحين اكتر من المصريين ..
بعدها اتجمعنا تانى بعد ملفينا جزء من المتحف لانه ضخم جداااااا ورحنا جوله حره فالحسين وخان الخليلى وطبعا كنا اتغدينا بس فين مش فاكره 😛
جو الحسين كان رووووعه بجد بما انى كمان كنت اول مره اروح فكنت فمنتهى الابنهار 
