ضايقه فيني الدنيا

صباح الخير
شخباركم ساعدوني بمشكلتي اللي كرهتني بحياتي
انا يتيمه الام والاب
وعندي اختين اوسخ من قلوبهم مافيه اختي الكبيره الله لايسامحها قطعت نصيبي كذا مره ماتبيني اتزوج مع انها متزوجه وعندها عيال بس تبيني اجلس نذاله فيني قسم بالله احرقت قلبي اكثر من مره
تخيلوا مره جاني خاطب فيه كل المواصفات اللي يبونها البنات قسم بالله ماعمري تعلقت في خاطب زيه مع العلم اني مو صغيره تخيلوا يابنات حرضت اخواني وحطت فيه اللي ماينجط واتهمتني ان لي علاقه معه حسبي الله وانا والله اشرف من الشرف
بس دعيت عليهاتضوفها في بنتها وطلعت بنتها تغازل تخيلوا
وتم رفضه وعشت اتعس ايام حياتي ذيك الفتره تخيلوا ماعاد اقدر اتكلم وقاطعتها شهر وبعدين ولدت وزرتها في المستشفى عشان الرحم والله ولا في قلبي ماسامحها ليوم الدين وبعد فتره طويله جاني خاطب الحمدلله بس تأخرت الملكه شوي وفي اثناء هذه الفتره جاء اختي اللي اصغر مني بكثير خاطب عن طريق صديقتي >> على فكره اختي هذي بعد مثلها في سواد قلبها ولولا الله ثم انا مانخطبت بس نكرت المعروف وقالت هذا رزقي انا عارفه انه رزقها بس بسسبي بعد الله واستعجلت اختي الكبيره على ملكة الصغيره قبلي عشان تحرق قلبي الله يحرق قلبها وتزوجت قبلي حتى
تخيلوا وش تقول عني وش تبي بالعرس ليش انا مو انسانه وعندي مشاعر
والحمد لله جاء الخاطب وكانت ساكته طول الفتره اللي راحت
وفي يوم الملكه دقت على اخوي قالت لاتملكون زوجها فيه وفيه وبغت تفركشها بس الله اذا اراد للشي يقول كن فيكون يارب لك الحمد والشكر تملكت
يابنات كل هذا احاول انساه بس كل يوم تجرحني جرح يزيد على اللي قبله تراكمت في قلبي وصرت اكره الارض اللي تمشي عليها ادعوا عليها تكفون ان الله يشل اطرافها
تخيلوا يابنات عشان مااخذتها معي للسوق سوت مشكله هي واختي الثانيه الي مثلها ويقولون عني اني مو بنت الله يشهد اني طاهره ماقد احد لمسني ولاسمع صوتي رجال قولوا لي وش اسوي اكتب ودموعي على خدي بموت من الهم والله اني اتمنى الموت وارتاح من هالحياه مع خوات زي كذا لاتقولون طنشيها ترا انا حساسه وقلبي ضعيف مره تخيلوا ضغطي ارتفع وخشمي قام يصب دم