ابي رائكم يافراشات مشكله صديقتي احترت بحلها وهي مومقتنعه ابداا بكلامي>>تعبت معها

السلام عليكم ورحمته الله وبركاته…
اخباركم فراشاتي خواتي ربي يحفظكم جميعااا ويسعدكم والله من دونكم مدري
وش اسوي من جد انتم مثل خواتي اقراء كثير مواضيع وتحلونها بهدوء وبمحبه اتمني تفيدوني
مشكله صديقتي وراح اقولها لكم وابي كلام تجبر الخاطر واللي تبي تقول كلام جارح
بليز ربي يخليها لاتقول ولاتجرح بكلمه يمكن مشكلتها بالنسبه لكم بسيط
بس بالنسبه لها لاوالله كبيرر..
القصه انا تخرجت من الجامعه وانفصلت منها بس مومره بحكم ضروفنا ماقدرنا نتواصل مثل اول
وهي بنت مرره طيبه وايمان بالله قوي والحمدلله من فضل رب العالمين بس حالتها الماديه مومره
والفقر مو عيب وابوها مريض مررره ومن كلامه تقول من بعد مامرض ابوي اقاربنا مايتواصلون معنا
واكتشفنا انهم اهل مصالح وبعدها فترره جاني خبر انها تزوجت ومرره فرحت لها والحمدلله رجال صالح
وراعي دين ومحترم ومقدر الحياة الزوجيه وشايلها من الارض شيل وكانت تكلمني وهي طايره من الفرحه
وبعدها ماكلمتني انفصلت واستغربت انقطاعها.
جاء بالي اكلمها لانها طوولت ماكلمتني كلمتها واصدمتني مشكلتها والله مانمت جلست ابكي
وهي الله يهديه مكبره السالفه بقوووه والمشكله يابنات طلع زوجها مو قبيلي وهي قبيليه
ومحد يدري بس اهي اللي تدري ورحت اتاكد من كلامه وصار الكلام اللي قالته صح زوجها موقبيلي
ورجعت ودقيت عليها وقلت لها هذا مومشكله تعرفين مشاكل اقاربك ومرض ابوك وحالتك الماديه اهم
شي الرجال راعي دين ومحترم قالت كلامك صح بس خايفه من نظرت قبيلتي لي وكلامك
قلت لها من ناضر وراء الناس مات هم الان مافيه رجال صالحين ومقدرين الحياة الزوجيه الاقليل
وينعدون بعد بلاصابع اتوقع تسمعين مشاكل العالم وحياتهم الزوجيه الجهنميه مو حياة
فرشاتي اخواتي مومقتنعه ابد بكلامي وقلت خلاص اطلبي الطلاق اللي خاطرك فيه
قالت ماقدرت مرره محترمني ورجل مستقيم ومحترم امي وابوي واهلي وحاولت اواسيه
وتتوكل علي ربها وتحل مشكلتها بهدوء وتقبل الوضع ومرره مو راضيه علما بان حريم اخوانه كلهم بنات قبايل
وشلون مو قبيلي مدري وشلون اقبلو زوجاتهم مدري من جد سالفتها ملخبطه
وهو ماشاءالله رجال بمعني الكلمه كل المواصفات فيه ومثقف وفاهم الحياة ومومتشدد بس صديقتي مو
مقتنعه وتبي تطلب الطلاق والان بيت اهلها وزوجها مايدري انها درت ولاحتي اهلها
وانا من راي اهم شي الرجل بصراحه مو عيب ولاحرام انه قبيلي او مو قبيلي
بس كلامها رفع ضغطي اشوي تفكر بالناس واقبيلتها ومافكرت مستقبلها ياخوفي
تطلق وتتزوج واحد موكفو خائن وراعي شراب انا مادري وش اقول اكثر من كذي
ومومقتنعه من كلامي ومدري يافراشاتي هل تتطلق ام تجلس معه وربي حيرتني معها
البنت مررره نحفتتتتتتتتتتتتت وبشرتها انعدمت من كلامها لي من جد من جد مو مرتاحه وقبل كانت
تكلمني مرره مبسوطه وتقول ربي عوضني بالدلع والدلال من بعد هم اقاربي وقسوتهم لي
الحين كل وحده تدخل تقولي نصيييييييحه اوجها لهاا ويارب يارب يفرج همهاا..