عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
أسأل الله العظيم رب العرش العظيم ان يرزق كل وحده منكم بالزوج الصالح الي يسعدها
😆 🙂
حبيت احط اليوم تجربتين للاستغفار بين يديكم
طبعا القصتين وحده لي والثانيه لصديقتي
😆 hy:
***قصتي***
انا وزوجي عيال عم حبينا بعض 
طبعا من بعيد بس كلنا ندري ببعض وجا خطبني يمكن 3 مرات وانا مره مو داريه واهلي كل ماجاء رفضوه <<<ليش مدري 😆 hy:
بس ماسألوني ولا مره اذا تبغينه ولا مع اني اجزم انهم يدرون اني ابغاه
مرت الأيام والكلام يجيني من الناس ليه ترفضين ولد عمك وش السبب وانا كذا 😈 مو داريه عن شي
حزنت مره:D وتوقعت انه مالي نصيب معاه
وقررت اني التزم بالأستغفار وكنت استغفر كل يوم 500 مره واحيانا انسى
واللهم لك الحمد والله ماكملت شهر من الاستغفار جاء خطبني وقالو لي اهلي ووافقت والحمد لله انا متزوجه الحين من ولد عمي
الله يبعد عنا الحساد ويرزقنا الذريه الصالحه
❗
***قصه صديقتي ***
طبعا صديقتي نفس الشي تتمنى واحد من اقاربها وهو كمان يبيها
المهم نفس الشي يخطبها واهلها يرفضون وهي مره تبيه
وطبعا تشكي لي كل مره وتبكي قلت لها حبيبتي لاتحتارين استغفري بنيه ان الله ييسر لكم واهلك يوافقون
اقسم لكم بالله ان نهايه الاسبوع الي استغفرت فيه ربي ييسر لها وصار شي هي مو متوقعته عندها عم في بريطانيا جا ذاك الاسبوع وكأن ربي سخره لها
تقولي والله عمي هذا مابينا انا وياه اي ميانه
فجأه ناداني عمي قالي بسألك سؤال انتي تبين فلان قولي والله ما يجيك الا كل خير
وبعد تردد قالت له ايه ابيه بس اهلي عقدو الموضوع قالها ابشري اني لاقنع ابوك
ولاعدى شهر الا هي مملكه وزواجهم قريب ان شاء الله
انا كتبت لكم موضوعي بس ابي كل وحده يائسه تعرف ان الله مايكتب الا الي فيه الخير
وتجربون الاستغفار لان والله انه راحه عجيبه بغض النظر عن حاجات الدنيا
سبحان الله مع الاستغفار تتيسر امورك تحسين نفسيتك ترتاح وكل شي حلو بعينك
سبحان الله ما اعظم هذي الايه
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
احس اذا قريتها تجيني راحه عجيبه
(((( اللهم اني استغفرك واتوب اليك))))
اسأل الله التوفيق لي ولكم
