كلمتني قبل زفتها بدقايق!!!

ماقويت أنطق ولا أتكلم،،
ماعرفت بهالظروف وش أقول؟!
كنت دايم أسمعها ضحكتي،،
كنت دايم أناوشها بلهفتي،،

واليوم جتني تعذبني تسمعني صوت الدفوف،،
قالت:
حبيبي هذا صوت أم العريس
تنادي علي وتقول يالله تعالي عجلي،،
ودي حبيبي هالحظه تطول وأبقى مع صوتك دهور،،،

وين راح الحكي مني وين ألقى الحروف،،

قلت:
أرحلي عني والحقي صوت الدفوف،،
وأتركيني بوحدتي أنسج أبيات الحروف،،
يمكن ألاقي مع الوحده صدى للي بأقول،،

((قفلت))

ورحت انا وحدي ويملى مسمعي صوت الدفوف،،
صوتها بعثر أوراقي وخلاني مع همي أطوف،،
بين الشوارع والمداين نحتري موكب عروس،،
قلت يمكن تلتقي بهاللحظه
العيون!؟!
وأنتحاكى مابين كل الخلق بعيون ودموع،،
للأسف ماكنت أدري أن قلبي بهاللحظه يحتضر،،
وكان الكفن صوتها والدفن موكب عروس،،
شلت قلبي وسط كفي ورحت أمشي،،
أدور مقبره أدفنه فيها وأستريح،،
شفت كوشتها منصوبه على أعلى الدرج،،
وانحنيت أحفر وأدفن القلب الجريح،،
شفت في الحفره قلبها مدفون،،
وانكتب في وسط الحشا كلمتين:-

*(حبيبي مستحيل يعيش في هالقلب غيرك مستحيل)*

وبعد دقيقه رجعت تتصل،،
هي تقول ياحبيبي أسمع مني شوي؟؟؟
لا تصد ولاتضايق،،
كلمتين أقولها لك وأنت رايق،،

مثل حبك مالقيت ومالقيت،،

مثل إحساس الجنون اللي بحبك مانسيت،،
كل مابي قد تغير يوم شفتك،،
كل كذبي هو تحول من عرفتك،،
بس لازم تستمع لآخر كلامي!!
وش نهاية عششق جايع،،حب ضامي!!!
ودي أغير حياتي كلها،،
ودي أنسى كل شي،،
وحتى أنت أبدى في نسيان حبك!!!
**أيه وربك**
بكفر بكل الحلوف اللي هديتك،،
بس أنا بطلبك طلبه!!!

في زفافي ماأبي غيرك يقول أحلى قصيده،،
زفني فيها بصوتك خل كل الناس تفرح،،
((وأنت أفرح))
وخل هالكوشه تبسم
في وجودي،،

هي تقول!!!
وكل مافيني من الصدمه ذهول،،

أنربط كل الكلام،،
صار الإحساس يصرخ،،
وش أقول!!
((((ياربي ماأصدق))))
هو كلامها أو أنا في حلم مزعج،،
ماأصدق لاوربي ذا كلامها،،
حتى أذكر يوم تبدى في سلامها كانت ترجف!!!
ألا والله رجفتها هذي أنا أذكر،،
يوم تبكي لي وتحلف،،،

~~~ماأبيعك،،ماأبيعك~~~

لو تموت أحلى سنيني،،
لو يذوب العمر فيني،،
ماأعيش الا بربيعك،،
بس أنا كيف أبتديها،،
ياقصيده طالبك طلبة سنيني،،
ياجنوني طالبك طلبه تجيني،،

هي تقول:
*يالله أبدأ*
لاتقول الموت يعني لي قصيده،،،،

قلت:

أقسم بربي وربك لأبتليها

!!

وش يعني بعدها ممكن يصير؟؟

يالله أوبقى شي خطير،،
%%**ممكن أبدأ**%%

‏(‏(ليله ماهي مثل كل الليالي
،،ليلة تبكي على مجنون ليله))

قالت:
يالله كمل
قول يالله لاتلعثم
كل هالصاله على حزنك ترنم
لاتنمل،،،

‏(‏(ليلة فيها رخص من كان غالي،،ثم شالوا في عزاه ألفين شيله))

قالت بس تذكر هي حبيبتك،،
ياجنون الشعر خلها في سعاده
لاتعكر جوي الصافي وتذكر أنها الغاليه حبيبتك
أو من كانت تسمى ابنصيبك

كمل الزفه،،
((يالله كمل))

‏(‏(ليلة فيها الفرح لامايبالي،،يوم بانت شيخة الزين الكحيله
جت تمايل والهوى صدره شمالي،،
واللقا زغرد على خل وخليله
أقبلي ياماسة التاج الخيالي،،
وأنثري زينك على من هو يكيله))

هي تقول:
أدري قاسي حكم هالدنيا عليك،،
بس أنت أكبر وأكبر،،
أنت ناسي!!
هي ترى والله تحبك،،
أختم الزفه وبارك
وانسحب في صمت عاشق!!

سكت وقلت:
مابحثتي بأسباب موتي
لا أبد ماني بعاشق
من يقول أني أحبها أقسم بربي وربها،،
ماأحبها!!!

بس أنا أمووووت لو أقفيت عن دربها،،

ياجنوني لاترفق خلني أختم قصيدة زفتها ببيت واحد!!!
لو تبي تعرف غلاها،،،

((لاتروحي طااااااالبك يالله

تعالي،،
لو تروحي كيف اعيش العمر ليله..؟))..