يآبنااات وِشّ أَسمّيه هـ الوضّـع ؟! والله إِحترتّ !!

السلآم عليكم ورحمة الله وبركآته

أسأل الله في هذا اليوم الفضيل ان يتقبل منا صالح الأعمال
ويغفر لنا ذنوبناا ويجعلنا ممن يقول لهم يوم القيامة إدخلوها بـ سلآم آآمنين

آآمين يارب

..

ماكتبت هنا لا أشكي لكم الحال لااا بس أبي اعرف الوضع اللي انا فيه وش اسميه

هل له سبب او لا

انا متزوجه من ولد خالتي الكبير هو إختارني رغم ان خالتي ماكانت حاطتني في بالها والله اعلم ..
لأن أيامها عمته ( أخت ابوه) ساكنه معهم بالبيت إختارت له وحده غيري حتى كلمت اهل البنت انها بتجيب ولد اخوها ومن هالكلام يعني من غير علمه
لان هو يشتغل بمنطقه ثانيه ينزل بالاجازات بس هو رفض
وإختارني اناا والحمد لله ربي تتم علينا ب خير
وأبوهم متوفي الله يرحمه
وبعدها بسنتين اخوه الثاني تزوج اختي والحمد لله وبرضوا بعدها بسنتين اخوهم الثالث تزوج بس مو من عايلتنا من عائله ثانيه المهم هذا كله مقدمه بسسسس
وطبعا اختهم اصغر مني تزوجت بعدي والله يوفقها ياااارب
وماشاء الله كل عيال خالتي موظفين وموفقين في حياتهم الحمد لله والناس عينهم عليهم

وانا من يوم تزوجت والله وربي الكل حاسدني الكلام يوصلني لين بيتي ونظرات الناس لي أكلتني
على بالهم عندي كنز والا العب بالفلوس لعب وانا من طبعي مااحب اطلع مكان الا وانا حدي كاشخه( اللهم أتمها نعمه)
واللي تقول هي سحبت الرجال وخلته يتزوجها واللي تقول عمتّ عينه خلا بنات عمته واخذها و و و و و

انا بالبدايه كنت أتاثر بعدين خلاص صرت جماااااااد عادي صار كل شي
والحين صرت انا واختي سلآيف وسلفتنا الثالثه مر ه عسل يعني مافيه اي خلافات
( كلامي مخربط بس تحملووووووووووووني )

المصيبه الأطم والأدهي
ان كلنا بلا عيال تخيلووووووووووا
انا قلت اختي بتجيب عيال وتسكت ألسنة الناس والحين لها 3 سنوات
واخته ( حمآتي ) لها حول الاربع سنوات ولا قد حملت
وسلفتنا لها الحين فوق 5 شهور ولا حملت .. بنت عمي تزوجت معها بنفس الفتره وماشاء الله تبارك الرحمن الحين حااامل

يابنات والله ماخليت ولا علاج الا اخذته وسويت تحاليل قالوا لي عندي ضعف تبويض ومره بسيط وزوجي طلع سليم ومتلهف ع العيال وكل ماناظرني كاني انا اللي مأخره الحمل
وأتعالج حاليا بس سبحان الله مايحصل شي لدرجة صرت احس اني كل مارح اسوي شي رح يفشل
قبل يومين جت اختي تقولي ان زوجها يقول شكل عندكم وراثه ( قصده علي ان عندي ضعف ) مع ان اختي حللت وططلعت الحمد لله سليمه اللهم هرمون الحليب وعالجته وزوجها مو راضي يسوي تحليل دائما يتحجج بأعذار وهي ساكته
ورحت انا وامي وأختي عند شيخ وزوجي وزوجها مو مقتنعين مررره
قال لنا عين وحسد بس ماقتنعت لانه ماحسيته دقق معنا كذا بس يقرا وبس ماقال تعالوا مره ثانيه او او

والله من الحيره وش اسميه هالوضع اللي حنا فيه
بسم الله علينا والله الناس صارت تناظرنا بعين الشفقه يارب الهمنا الصبر
والله كريييييييييييييييييم قادر انه يعطينا

ماابغى منكم الا دعوة صادقه في هذة الأيام العظيمه
وفي يوم عرفه اتمنى ربي يستجيب دعواتنا ويغفر لنا وينظر لنا بعين الرحمه يارب
دعواتكم ان يرزق كل محرومه بالذريه الصالحة السليمه المعافاه
رب أشفي أمي وطول بعمرها وارفع عنها ياكريم
واغفر لها وللمؤمنين والمؤمنات الأحياء منهم والاموات
سامحوني اذا طولت عليكم
..
قال النبي صلى الله عليه وسلم

“خير الدعاء دعاء يوم عرفة، وخير ما قلت أنا والنبيون من قبلي:

لا إله إلا الله وحده لا شريك له ، له الملك ، وله الحمد ، وهو على كل شيء قدير”

الله اكبر الله اكبر الله اكبر
لاااااا اله الا الله
الله اكبر الله اكبر ولله الحمد