معقول كذا يصير ..ومن مين ؟؟..من الغاليه..:( ساااعدوني

اتمنى الجميع بصحه وعافيه
انا صديقه العضوه قلاريوس وعندي مشكله اتمنى حلها
على فكره انا عضوه معروفه هنا :Pومعارفي كلهم يعرفوني فأضطريت اخذ معرف صديقتي الحبوبه ,

هنا مشكلتي
انا اسكن في مدينه غير مدينه اهلي
علاقتي كوووويسه مره فوق الممتازه مع كل الي حولي ..اهلي .اهل زوجي ,,صديقاتي
الحمد لله احبهم ويحبوووني بدون استثناء..من يومي طفله مالي عداوات مع احد احب الكل واعتبر الجميع احبابي
المهم بما اني بمدينه ثانيه فما اجي لديرتنا الا بالاجازات والعطلات عشان دوام عيالي وشغل زوجي..مره من المرات الاخيره الي زرت فيها الديره فيه وحده من الاقارب صارت تسوي لي حركات غريبه ومواقف ابد مو حلوه وانا امشي لها لان عارفه انها طيبه واكيد خانها التعبير,,وبرضوا بينا علاقه اخويه طيبه والحمد لله نحب بعض والشي هذا واضح للناس الي حولنا
يعني نقدر نقول صديقات اكثر من اقارب
فعشان كذا صرت امشي لها..خصوصا انا كنت في وضع صحي ونفسي شوي مو مضبوط فقلت يمكن الخطا مني واني انا الي اتحسس منها ..المهم تحملت لين سافرت لديرتي ومع كذا ما كلفت عمرها تجي تسلم علي ولا تودعني مثل الكل ➡ ..لدرجه وحده من الي جو يودعوني تسألني عنها تقول عسا مابينكم شي والا زعلانين من بعض..خصوصا ان علاقتنا كويسه فأستغربوا ..قلت لا والله مدري عنها …

انا خلاص تركتها قلت لابد يوم ترجع بخليها يمكن فيه شي مضايقها ولا ابي اضغط عليها
بعد فتره ارسلت لي انها تتعذر عن عدم توديعي وانها جتها ظروف ومن ذا الكلام
انا فرحت برسالتها وفرحت انها بخير ورجعت على طبيعتها واكيد قبلت اعتذارها..
الي حصل انه تكررت منها مواقف وتجاهل بالاتصالات والرسايل وكذا بس عادي الدنيا تلاهي وحطيت لها العذر
بعد فتره صرت بس احلم بذا الانسانه حلوم مره غريبه وتخوف
واقوم اتعوذ من الشيطان واقول هذا ابليس بيخرب علي
المهم زادت الاحلام وانا حلومي ما تكذب يعني الحمد لله نعمه من ربي دايم حلومي صادقه ما شاء الله ,,
قلت لابد افسرها عن احد فاهم اتصلت على مفسر وقلت له الحلوم ولا قلت له صلة قرابه ذا الانسانه فيني
سألني قال وش تقرب لك ؟؟
قلت تقرب لي وخلاص ,,وش تشوف؟؟
قال والله اعلم ان ذا الانسانه حاقده عليك..وتراقبك في حياتك وجدا مغتاضه وتبي تسبب لك مشاكل..قلت كيف اساسا انا مب بنفس ديرتها عشان تراقبني ما تعرف وش يدور بحياتي
مستحييييييييييييل
بقوه وبوجه الرجال ..قلت مستحيييييييل هذا الانسانه عزيزه علي وبينا علاقه كويسه
قال مب كل شي تشوفينه بعيونك يصير الواقع..يمكن تظهر لك شي والي بقلبها شي ثاني
تخيلو يابنات شعوري بذيك اللحظه..
انهرت.. 😉
شكرته وسكرت

جلست افكر كيييييييييف مستحيل هذا الحبيبه الطيبه ..بينا مواقف حلوه وتوافق كبير بكل شي تقريبا
المهم تعوذت من بليس وقلت مصير الايام تبين المستخبي..
صبرت لين يوم من الايام وصلني كلام من وحده انها قايله عني كلام..
قلت للي وصلت لي لو سمحتي ما ارضى تقولين كذا 😡 ..حلفت لي وقلت لها اوكي يكون خير وانتي اذا تبين علاقتنا تستمر لا عاد توصلين لي كلام عن اي احد..
قالت انا من حبي لك ومن ذا الكلام الي مأخوذ خيره..
انهيت المكالمه وقام بليس يلعب فيني

قلت انا بقول عنها كلام مو حلو وبشوف هي لو تحبني بتجي وتفاهم معي او على الاقل تسكت وخلاص تكون العلاقه رسميه..
وان كانها فعلا كارهتني وتراقبني بتسبب مشكله وبتفضح فيني
اهااا
الي حصل انها فعلا سببت مشكله وفضحتني وحاولت تكره ناس كثير فيني بحكم انه انا منيب معهم بنفس المدينه فهي ماخذه راحتها
..
يوصلني كلام عن كيف هي الحين معاديتني وكارهتني ومفهمه الناس كلهم اني انا راعيه مشاكل ومره موكويسه.. انا مره مقهووووره من الي حصل ..ليش كذا؟؟