ممكن مساعدتكم

” ابي ولا عليكم امر مساعدتكم من بعد الله

انا متزوجه لي 6 شهور

الحمدلله وحيدة ابوي ومدلعني
احسن التلفونات احسن الابتوبات وطلعات وروحات وجيات

تزوجت واحد كويتي يقرب لنا

يحبني بس من خذيته وانا بمشاكل وهواش
1/ مايعطيني مصروف ومن خذيته مارحت للسوق الا مرتين يمكن بس
2/ بخيل عندي ماعمره حط شي بيدي الا اذا لحيت علي ولاحط مايكثر
3/ تمر ايام مثل الحين اكون مهمله شعر جسمي ولا اشيله ولا شي بسبت انه مايعطيني فلوس
ولاعطاني دينار ولا دينارين ولا خمسه بس
4/ حتى الحين جا الشتا وملابسه ماشريت ولا شي

الزبده انسسسان بخيل معي

ثاني شي اهله
اهله راعين حكي وسوالف وكلام ويحطون من الحبه اووبه على قولة خوانا المصاريا 😀
وانا موب مدحه لي بس معتبرتهم اهلي
حتى امه
ادهن رجلينها وادلكها وابوسها بعد
وربي اني حاطتها مقام امي
وخواته 9 بنات لاجو
مايسمعون مني هم وبناتهم 3غير لبيه وابشرو وحاضر وان شالله

ودايم انا وياه مشاكل

المهم امس طفح الكيل اخته ماتحترمني الصغيره ارسلت لها مسج كتبت بيني وبينك ميانه بس عند الناس احترميني شوي

ارسلت تهاوش وتتكلم
ووالله اني قعدت مع زوجي ولا قلت له اختك هاوشت ولا شي
جت امه دخلت علينا وقالت زوجتك نفس زوجة اخوك اللي طلقها راعية حكي وسوالف

” هم الحمدلله فيهم صفه الله لايبلانا كل الناس عندهم ياسحره او .۔ خربانين وهم احسن ناس
وسكت ولاقلت شي وثاني يوم بست راسها

ورحنا انا وياها لمخيم خوالي وتغدينا هناك
ونزلني زوجي وقال لاتطلعين برا المخيم
وعادي دايم يقولها بس نروح نتمشى
لاكن هالمره كل الحريم اللي بالغدا حتى امه راحو يتمشون
رحت انا ركبت مع خالتي وبناتها سيارتها وقعدنا نتمشى
راحت امه دقت عليه
يوم رجعت لين الدنيا قالبه
وهو يهاوش ويصارخ
وجدتي هاوشت امه وتقول لها ليه تحرشين
وقعدت اهديه قال روحي الله يستر علينا وعليك
وراح عند امه وخواته وقعدو خواته يحرشونه علي 😆 hy:

المهم قلت له خلاص بس جيب جوازي وخوالي بيودوني الرياض
قال لا
انا بوديك وبمرك
والحين مرني امس
وللحين ماوداني ويحاول يراضيني

انا شاريته

بس جهزت شناطي وابي اروح لاهلي بالرياض
ابحط شروط
مثل انه يمشيلي معاش شهريا

وانه يحطنا بشقه بروح
اول عرسنا هو اقترح علي بس انا عييت لاني معتبرتهم زي اهلي واكثر
لاكن الحين انا اللي بقول له

وترا قد كلمته مليون مليون مره
بس كل ماكلمته يقاطعني ولا يقول انتي نفسيه الحمدلله 😆