ابغى رأيكم : احضر فرح صحبتي او لا ؟؟

بنات انا مدري اش صاير لي اليوم فقلت افضفض لكم مرررررررة متضايقة يارب فرج همي,,

في البداية عشان تفهمون كويس احنا كنا شلة بنات صاحبات طبعاً انا كانت علاقتي قوية بشروق

والباقي عادي صاحبات دراسة ولما تخرجنا استمرت علاقتي مع شروق بس وهيا اقرب لي من روحي

والباقي اكلمهم في المناسبات يادوب ثلاث او اربع دقايق بس,, في هذيك الفترة انا انخطبت وابداً ماكنت

زي باقي البنات اذا انخطبت يكون كل كلامها سويت وعملت لان صحباتي ماحد فيهم مخطوبة فقلت يمكن

اجرح مشاعرهم من غير مااحس فمالو داعي الاحسن اخلي فرحتي بنفسي يكفي اني خبرتهم وباركوا لي

وبس المهم انا صارلي ثلاث سنين مخطوبة وماتغير شئ وماشاء الله خلال هالوقت كلهم ماعدا شروق

اتزوجوا الله يوفقهم وبعضهم خلفت وبعضهم لسى الله يرزقها ,, ويشهد علي الله اني دائماً ادعي لاختي

ولشروق بالزوج الصالح << عشان لا احد يقول اني حاسدتها وقبل فترة انخطبت شروق وامس جابت لي

كرت زواجها والله يابنات مااعرف اش صار لي لما اخذت الكرت برد جسمي فجأة وصرت ارجف ودموعي

حتنزل بالعافية مسكت نفسي عشان اهلي جنبي والله ماني حاسدتها وفرحانة لها الله يوفقها ويسعدها

ويتمم لها على خير بس ماادري اش فيا يمكن انقهرت بس مو عليها لا انقهرت من حالي من وضعي ليش

يصير معي كذا انا اول وحدة فيهم انخطبت والحين كلهم تزوجوا وانا بعدي على حالي الحمد لله على كل

حال انا راضية بحكم ربي بس والله مو بيدي صار لي كم شهر والله ماتجف عيوني من الدموع في كل وقت

والكل لاحظ عليا وكل الي حولي يسألوني اش فيها عيونك ماعندي رد الا اقول صار لها فترة عيوني تدمع

شكلو فيها التهاب ولما يقولوا لي روحي المستشفى اقول في قلبي ياليت احد فيكم يحس فيا يمكن انا

حساسة مرررة وهذا احد اسباب مشكلتي والسبب الثاني انا مااقدر اقول كلمتين على بعضها على طول

ابكي ياربي ارحمني انا افكر اني مااروح فرح صحبتي لانها قالت لي كل البنات حيجوا وانا بصراحة خابفة

انهار قدامهم لانهم كل ماشافوني يسألوني متى فرحك ؟ ومرة واحدة منهم دوبها والدة سألتني ماحددتوا

الفرح قلت لها لا قالت خلاص خليه لما يكبر ولدي عشان ازفه معك !! تخيلوا انا اش صار لي وقتها وربي

تمنيت الارض تنشق وتبلعني بعضهم يتكلموا بمزح بس مايعرفوا انهم بمزحهم يقتلوني آآآه يارب رحمتك ..