و الله عيييييب

السلام عليكم و رحمة الله و بركاته

امس الظهر نزلت الاخت ام مجتوم موضوع عن مكرمة الشيخ محمد للوافدين بالسماح لهم بالدراسه ويا المواطنين

هالخبر صعق واحد من الاعضاء اسمه ( بلادي )
و رد و قال لا حول ولا قوة الا بالله

و كلام بمعنى ان 98 بالاميه من العادات السيئه و المشاكل في المدارس من ابناء الوافدين

(( المهم غلط على اخوانا الوافدين ))

انا ما رديت عليه
بس اقتبست رده و كتبت تحته ( من كان يؤمن بالله و اليوم الآخر فليقل خيرا أو ليصمت “. ) لان مب اخلاق عيال زايد الكلام اللي هو قاله

و شكرت الاخت على نقل الخبر

فيه اعضاء غيري ما عيبهم كلام الاخ و علقوا عليه بعد

—

اليوم شيكت ع الموضوع

1) استانست يوم شفته منزل اعتذار عن الكلام اللي كتبه و كبر في عيني

2) بس الشي الغريب العجيب هو ان الردود انحذفت و منها ردي
السبب ماعرفه

يعني ردي مافي شي غلط
و اخس شي عندي في دنيتي يوم اشارك في منتدى و ينحذفلي رد فيه

مادري جان عطيتوه انذار ولا لا

بس الاولى كان ينحذف رده و ياخذ انذار هو بس لانه هو اللي غلط عليهم مب نحن
و هو اللي قاعد ينقل هالانطباع الغلط عن اهل الامارات انهم عنصريين و انهم ضد كل وافد

—-

موضوع ثاني لاخت ( الورده ) منزلتنه للبنات عسبت تحذرهن من الغلاء في المهور

دقايق ولا هي دخلت سالفة ان الزلمات مادري اللبنانيين يستغلون المواطنين يوم يزهبون للعرس
و شوي و دخلت في سالفة الهنود و فجأه زواج الاندونسيات و الفلبينيات

مع العلم ان الهندي هو الدريول مالها و هو الخياط و هو العامل و هو البائع
و الاندونسيه هي البشكاره و هي اللي شايله لها البيت على كتوفها

طبعا محد عدل لها الرد

و لا فيه منهم ينزلون مواضيع يسالون ليش يوظفون الهنود و ما يوظفون مواطنين ؟؟

يعني اذا عرضت على واحد مواطن يشتغل دريول بيوافق ؟؟
وان حصلت لكم وظيفه معززين مكرمين بس ب 2000 ردهم ؟؟ جم مواطن بيقدم ؟؟

ياخي خلكم واقعيين
شرات ما كتبت امس

حياتنا بدون الهنود سلطه

و بدون تصميم اللبنانيين و ذوقهم في الاكل … بعد حياتنا سلطه

و بدون خفة دم المصريين سلطه

.
.
.

المهم انا ابا اعرف الحين ليش انحذف ردي ؟؟؟؟؟؟
و ليش المشرفين يشوفون الردود اللي تحمل العنصريه و الاراء المتخلفه و يسكتون ؟؟؟؟؟

انتظر رد مقنع لو سمحتوا