الله يعافيكم تعبت ساعدوني…بنتي كيف اتعامل معاها؟

عندي بنت عمرها سنتين ونص…محبوبه ماشاء الله لكل من يقابلها لكن مجرد ماتظل في المكان ربع ساعه او نص ساعه احس ماحد يقدر يتحملها يقولون لي الله يصبرك عليها…بنتي مو شقيه بنتي اللي فيها فوق كلمة الشقاوه احس مو عارفه اوصف اللي فيهااحس انها شاقه الأرض وطالعه منها اتصور يوم من الايام اشوفها معلقه في السقف من التنطط…تسوي اشيء عمره الواحد مكاتيتخيلها مكن طفل صغير…ياريتها وقفت على كذا…عنيده ومافي مثل عنادهاالى درجة اذا حست اني مبسوطه من شي هي سوته تبطل ماتسويه من العناد….تضرب اي احد ومايهمها ان كان غريب او امها او ابوها كبير والا صغير عساه شايب ….تضرب من دون سبب وتحرجني في كل الاماكن ….اختها الصغيره تضربها على وجهها وتشد شعرها وترفسها برجولها على وجهها مسكينه صغيره عمرها تسع شهور من تقبل عليها اختها ترتعب وتخاف ….اذا منعناها من شي تصيح بشكل هستيري لدرجة تلطم على راسها حتى لو كان الشي تافه واصير انا اخاف عليها يصير لها شي والبي طلبها….مااقدر اطلع بها سوق او مطعم او اي مكان لأنها مستحيل تجلس…في المطعم وراها من غرفه لغرفه واحيانا تبي تطلع الشارع…وفي السوق طول الوقت وراها ومااعرف اسوي شي تطيح الملابس وتضايق العالم…احس انهاماتحبني لأني صرت عصبيه عليها مع اني كنت هادئه حتى اهلي يضحكون علي يقولون مو لايق عليك العصبيه…صرت اصارخ عليها واضربها …. تحب ابوها ومتعلقه فيه مرررررررررره…هو يحبها مره ويدللها بس الفتره الاخيره صار يعصب عليها ويضربها ومابتحمل ياخذها مكان….صرنا نطلع ونصرفها بس انقهر عليها لأنها مهما كان هي طفله وتبي تطلع تشم هو احس بتأنيب الضمير صرنا نخلي طلعه لنا وطلعه لها هي خاصه نلاحق وراها…حتى في السياره شقاوه ودي اعطيها حبة منوم وتنام طول الطريق….احس انها تكرهني مع اني حتى انا ماارفض لها طلب بس اعصب عليها وهذا شي طبيعي لأنها لاتحتمل….احيانا انحرم من اشياء بسببها…ماتبي اغيرها حفاظ والملابس على كيفها ولا ترضى امشط شعرها…كل شي تبغاه على مزاجها….

اختها صارت متعوده على الشغاله اكثر مني لأني بصراحه مشغوله في الكبيره وماخذه كل وقتي…اول ماولدت بالصغيره ماكانت عندي الشغاله مع اني كنت عندي بس كنت احس اني بدخل مستشفى الامراض العقليه قريب….