وشلون اقنع اهلي باللي ابيه :(

سامحوني يمكن موضوعي كله فضفضه
بس بجد احتاج افضفض
احتاج دعواتكم
بنات مره زعلانه انا
ليه أهلي اذا طلبت شي منهم ققالو لي اذا تزوجتي 🙁
مااطلب الا شي معقول
فيه مناسبه قريبه و اقول ل أمي ابي اشتري شي البسه مو معقول لا اسواره ولا تعليقه ولا ساعه ولا شي علي 🙁 و انا مو صغيره عمري 25
تقولي وش دخلني شايفتني زوجك 🙁
سبحان الله ما كأنها هي السبب في الموضوع هذا بعد ارادة الله طبعا
كل ماجاني احد بعد ماتطلقت أختـيـ تقول لا ماازوجها قبل أختها تبون اختها ايه بس جواهر لااااااااا
بدون ماتشاورني تحول الي يجوني على اختي
و تروح تقول ل أبوي الكبيره جاها فلان الفلاني وهم جايني انا !!
و اسكت اقول امي ادرى بمصلحتي
الين جا اليوم الي تعايرني فيه تقول محد يجيك
ولا تطلبين مني شي اذا تزوجتي خلي زوجك يشتري لك
يا الله
طيب اذا الأهل ما عطو بنتهم مين يعطيها ؟
الله كريم و الله هو الرازق لكن البنت اهلها ملزومين يصرفو عليها
و انا الي طلبته بحدود قدرتهم الماليه
الحمدلله يقدرون يشترون لي حلق ولا خاتم
ماطلبت طقم ألماس ولا طلبت ساعه بالألاف 🙁
لا حول ولا قوة الا بالله
و الله اني مستحيه احضر المناسبه و كأني بزر ماعلي شي ولا قطعه 🙁
كنت استعير من خواتي المتزوجات بس باين عليهم مايبغون يعطوني ما الومهم فشيله ينشاف الشي علي و عليهم 🙁
ياالله يابنات
انا مو متضايقه عشان الطلب الي ابيه
متضايقه من تصرف امي و ابوي
محسسيني اني حمل عليهم ويبون الفكه مني و بنفس الوقت يردون نصيبي و يجو يعايروني 🙁

بنات ابي اعرف كيف اقنع اهلي بااللي ابيه
و ابي دعواتكم لي مره متضايقه اشين شي لما تعيشين في بيت الي فيه ودهم ييفتكون منك ما يمر يوم بدون هذا الطاري
ابوي كل مره يقولي تزوجي و جيبي عيال لا تعنسين عندي
الله يهديك يا يبه المعرس في جيبي؟؟
و امي تقولي لا تطلبين مني شي اذا تزوجتي اطلبي من رجــلك
طيب وشلون اونتي هذي ردودك للناس
بنات انا خايفه اكبر و امي على هالحال وش اسوي 💡