ادخلو وريحوني من الي انا فيه

كيفك

اليوم قررت بعد ما شفتكم اسره وحلولكم توسع الصدر اني اشارك واطرح مشكلتي الي مضيقه خلقي

بسم الله اول شي ما ابي ردود جارحه تكفووووووووون

بس ابي ردود تريحني انا مشكلتي ما ادري قد ماهي معقده قد وربي كل يوم احس بضيق

انا انصدمت من نااااس كثير
من يوم ما دخلت الثانويه اولى ثانوي وياليتني ما عرفت الحياه
بديت الصدمات تهل علي احس اقل صدمه اموت خلاص كل يوم اقوم على ضيقة صدر وانام على ضيقت صدر احس ما احد قلبه نظيف خلاص ماتو القلوب النقيه

اول صدمه صديقتي ما ابي اظلمها بس الي صار اني كنت احب ولد خالي وقلت لها جربي كلمي شوفي يكلم
قالت لي طيب وانا عارفه راح يعطيها وجه كلمته وما اعطها وجه اتصلت عليه مرتين وبعدها قطعت اتصالها على كلامها

بعدها بكم شهر جاتني في العيد الكلام كلمته في شهر 8 في العيد يوم الاربعاء اتصلت علي قالت ولد خالك جنني بس يتصل علي
وانا ما ارد عليه من رمضان واتصل من رقم غريب ورديت عليه وقلتله الحين في العشره الاواخر ما اقدر اكلمك وقفل والحين بس يتصل واهلي شكو

قلت طيب كلمي قولي له اي شي غلطانه شي زي كذا قالت اسمعي يا تتصلي انتي عليه ولا والله لا انا اتصل عليه واقوله فلانه راسلتني
قتلها طيب واتصلت عليه وانصدمت انه يقولي وربي اهي الي بس تتصل علي وانا ما اتصلت غير مره وحده ابي اعرف مين راسلها لي ومن ذا الكلام

وانتهت السالفه

ولمن واجهتها جلست تبكي تقولي تبي ولد يفرقنا انا احترت كلهم كلامهم صح اهي قالت مرا وحده رديت عليه واهو قال مرا وحده اتصلت عليها
واهي تقول اهو يتصل علي كثير واهو يقول اهي تصلي علي كثير وقال انا اطلع برنت من الشركه لو تبي وتشوفي الاتصالات وكان ما ادري وين كان جاي بس عشان يوريني الرسايل
الي ترسلها له

ماني عارفه اصدق مين وتركت الموضوع ونسيته < ولانه اهو لعااب بنات تناسيته نوع ما

وبعدها بفتره

كلمت واحد عرفتني عليه قريبتي الله يهديها < دعواتكم لها بالهدايه

وكنت دوم اكلمه وحبيته لانه انسان حبوب صح يكذب وعارفه بس فيه صفات تغطي على كذبه

ومسكتني امي وصارت سالفه وبعدها باسبوع رحت اتمشى ولقيت صاحبتي هناك واخذت جوالها واتصلت عليه ابي اشوف اخباره كلمني بدون نفس ما عرفت وش فيه

بس بعد ما وصلت البيت اتصلت علي صاحبتي وقالت يقولك فلان الي بيني وبينك انتهى قلت وش عرفه برقمك قالت مو انتي مرا قلتي اختبريه
اتصل وقالي قولي لفلانه الي بيني وبينك انتهى استغربت طيب كيف عرفك قالت ما ادري قلت ما قال شي ثاني قالت لا بس استهبل شوي معاي وقفل قلت بكيفه
وبعدها بيومين اتصلت صاحبتي الثانيه نفس الكلام تقولي يقولك فلان الي بيني وبينك انتها قلتلها طنشي < هذي يعرفهها

وربي نسيت الموضوع وقلت بكيف خله

بعدها بشهر اتصل على صاحبتي الثانيه قالها قولي لفلانه عندها يومين لو ما اتصلت بعد الاختبارات راح تندم < كان باقي اسبوع على الاختبارات

اتصلت عليه وكان كلامه شبه تافه بس حلف انو ما يعدوها ويهدد
وقالي سالفت صاحبتي الي ماكنت ادري قالي اتصلت عليها وقالت لها تعرفي فلانه قالت له فلانه الفلاني
قلتها ايوه قالت ايوه اعرفها انت عبود قالها ايوه وسالها ليه ذيك المره اتصلتي قالت فلانه كانت تبي تختبرك

وقالي انو جلست تضحك معايا واستهبلت ويايا وقفلت

< استغربت انها ما قالت لي وثاني يوم يوم رحت المدرسه وسالتها عن الي صار

بكل برود قال انا لو تسألين امس ايش تعشيت اقولك ما ادري انسى وما اذكر …< احد ينسى شي زي كذا

سامحتها وربي شوفو لهدرجه كيف كنت غبيه

ومرت الايام تعبت وقسم بالله اني رحت في حاله ما يعلم فيها غير ربي

بنت خالي تقول والله اشوفك احزن عليكي كل الناس تتكلم عني واني تغيرت

نحفت رحت جلد وعظم ما اكل جاني التهاب حاد في المعده

ما اشتهي اكل ابد تعبت دوخات حتى الابلات لاحظو اني صاير لي شي

وثانيه ثانوي غيرت المدرسه ابي اوقف على رجلي ابي اقوي من شخصيتي ورحت مدرسه اهليه

وتعرفت على بنات يثلجون القلب حبوبات بديت صفحه جديده وياهم نسيت الماضي فجاء يوم من الايام

الاقي الي كنت اكلمه متصل على تلفون البيت ويبيني اكلمه حاولت اصرفه بس اهو مو راضي في الاخير قالي اسمحيلي اكلم وحده غيرك

وربي صدمه قلت له ايه وبعدين قال ابيكي في موضوع قلت انت عارف انه مو وقت كلام خلي يوم الاربعاء اكلمك قالي انا ما اقدر اخلي البنت تصبر لين يوم الاربعاء

تخيلو ودي اموت قهر .. ووقفته عند حده بطريقتي كلمت خيو وصار الي صار

وارتحت وكرهت الحب وكرهت كل شي عشت ايامي في عذاب

وبعدها بفتره تتصل علي قريبتي الي عرفتني عليه تقولي انو فلان ترا حب وحده من اعز صاحباتك ويقولك لا تثقي مرا ثانيه في صاحباتك هلكثر

واهو قالي احذري من صاحبتك الي كلمتها وولد خالي بعد قالي ابعدي عنها وبعدت عنها وتركتها وهذا اول جرح الي اعتبرتها اختي الي ما جبتها امي كذا تسوي فيني

هذا اول جرح ايش تبوني احكيكم ايش تبوني اطربكم بالجروح

قريبتي الي عرفتني على الولد بعد ما تركته تغيرت علي اهي واختها ولا يتكلمو معي زي اول صارت رسميات بدون سبب لانو ماصرت اكلم احنا ما نقدر نكلمك عننا

بنات خالي تغيرو فجاءه لانو انا اكره بنت خالهم واهي تكرهني اهم واقفين معاها لانها غنيه وانا مستوى متوسط
ولانه امهم تبيها لاخوهم واهو ما يبيها يبيني < هذا الي سمعته

واهم مع امهم يكونو معايا عسل بس يوم يشوفوها بصصصصصصصصصصصل

كرهت الناس

بنت خالتي الثانيه كانت اقرب انسانه لي طيبه وحبوبه وكل شي فيها حلو وخطبتها امي لاخويا وتزوجو
صارت انسانه ما تحب الى نفسها وربي مرت خيو الغريبه تعرف الاصول اكثر منها

لمن يطلع اخويا يمشينا تطلع واهي كانو احد ضاربها وجايبها غصب مع انه ما نطلع دوم وياهم يعني نادراً اذا قلنا له طلعنا
اخر مره كنا عند امها وقالت بكرا فلان بيطلعنا الملاهي على كلامها
واتصل العصرر اخويا قال يالله نروح الملاهي امي قالت لا انتو روحو وشيلو اختك قال اذا ما نروح كلنا مافي روحه
امي عشان الدخول وندفع فلوس على الفاضي ولا راح نلعب ولا شي قالت انا واختك مو رايحين قال طيب نروح البحر قالت امي طيب

تخيلو سوت القهوه والششاهي وجهزت الاقراض وقومتني من النوم ولبست ولبست اخويا الصغير واهي جايبه بتلبس

اخويا قالها يالله قومي قالت ما ابي راوح تخيلو خلتنا نكنسل الطلعه بعد ما لبسنا فشلت اخوي انقهرت اخوي متفشل من امي وربي

وجاء اخوي الثاني وامي مع القهر قالت انتو ما تحسو ما تطلعون اختكم انكتمت من البيت ومن هذا الكلام

والله راح صحى حرمته من النوم واهي توها نايمه مواصله لها يوم كامل مع ولدها مالها ساعه نايمه صحها وقامت وتضحك وتستهبل ولا كانو صاير

شي وبنت خالتي الي من لحمنا ودمنا ما تبينا نطلع واخوي يمشينا حتى ولا تأسفت ولا اعتذرت ولا شي وبعدها تطلع وبقوت عين رحت البحر وثاني يوم رحت البحر وزي كذا

انا ما ابي اقول شي الله يسعدها بس اخويا متعودين اهو الي يمشينا ويودينا يعني هذي عادتنا ومن بعدها ولا قال يالله اطلعكم < المهم الله يسعدهم

الله يحرسهم اخواني ويخليلهم اهم وحريمهم وعيالهم

انا ما ابي شي بس ليه الناس صارت كذا
ليه القلوب الطيبه راحت

وربي تمنيت اكون انسانه شريره ما اهاب احد ولساني اطول مني

بس طلعت على امي اسامح وانسى

الحين ودي اتغير غيرت كثير من شخصيتي بس لمن اشوف احد منهم يضحك ويايا وربي انسى كل شي صار واضحك واقول خلاص الدنيا رايحه ليه اشيل بقلبي