عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
ابدخل بالموضوع على طول
انا من النوع اللي ما أحب ينقال عني شي شين انا وببنتي اللي عمرها سنة ,,خصوصا عند حمولتي
احرص على بنتي من كل ناحيه
احاول اخليها مرتبه ونظيفه ,,وبس ألقط وراها وانظف ,لو صبت قطرة مويه رحت ومسحتها ,, وبس عيني عليها 24 ساعه ,, واذا فتحت الدروج الحقها على طول,, واذا كلت شي احرص انها ما توصخ الارض ,,
يعني با ختصار حريصه جدا ما حب ينقال تاركه بنتها تحوس او من هالكلام..
خالتي حبووووبه لاقصى درجه وتدلع بنتي وتعطيها حلويات وبسكوت..
المشكله في أخت زوجي هاليومين بس حاطه دوبها ودوب بنتي تحب تحسسني اني غلطانه ومهمله
مثل امس بنتي خذت قطعة كيكة وعلى طول نطت وقالت تري بنتك حاستنا!! لان بالارض كيك من قبل بس انا متاكده انه مو من بنتي.. لانها كانت بالحوش ,ومافيه اطفال غيرها وحاطت اللوم على بنتي!!
انا قلت لا مو منها.. وتروح تلقط الكيك ونفسها فوق خشمها ➡
وكثيييييييييييييييير مواقف
انا من النوع اللي ما يعرف يرد احيانا يعني اتنح ما اتوقع ينقال عني شي لسببين:
1_ لحرصي على بنتي استغرب لو احد طلعني غلطانه او مهلمله
2_ انا لو غلطو اطفال خوات زوجي او وصخو شي ببيتي وتضايقت مستحييييل ابين اني تضايقت بالعكس
يعني اقول مثلا ليه ياماما !! والقط وراهم وانا مبتسمه وكأنه شي عادي ..
انصحوني وش احسن طريقه ارد فيها اذا تكرر الموقف من غير ما تتضايق
مابي اقعد زي الطرما من زوووود الطيبه ما عرف ارد وبس اداري على اللي حولي
