تعالوا انصحوني …


السلام عليكم ورحمة الله وبركاتة ….

خواتي مالي غيركم استشيركم …

انا مررا نفسيتي عدمانة هاليومين واحس باحباط متراكم من سنين … ابي احس اني كائن بشري منتج له قيمة بالحياه ➡

مليت من البيت بس نوم اكل نت … والله اجلس فترة حتى ما اتكلم مع احد

نفسيتي انعدمت على الاخر … المهم ابيكم تنصحوني …

انا عندي دبلوم سكرتارية سنتين قبل الاختبار الشامل

وخذت دورة معارف ودورات ثانية ما احس لها قيمة

وادرس انتساب …حاليا بس احباط كل مااجتهد واشد على نفسي ارسب واعيد المواد اففف لدرجة حاليا ماودي ادرس ماعدت اهتم

المهم هل ينفع اتوظف باللي عندي

او لا

؟؟؟؟

هل الدبلوم اللي عندي قادر ان يخليني اتوظف ؟؟؟

هل فيه وحدة معها دبلوم سكرتارية توظفت ؟

هل صحيح ان هالدبلوم موقادر يوظفني الا استقبال في مستشفى ؟

هل تنصحوني اسوي شيء غير اللي قاعدة اسوية ؟

هل ادرس دبلوم ثاني ؟

ما عندي مانع ابي ازيد شهاداتي … بس كيف ووين ماني عارفة الطريق ؟؟

كنت بقدم انتساب مطور في تخصص مطلوب بس ما قبلوني يبون الشهاده الاصلية … وشهادتي الاصلية في الجامعة اللي ادرس فيها ولو سحبتها راح انفصل 🙁 وموقادرة اسوي هالخطوة

وش التخصصات المطلوبة حاليا بالسوق ….؟؟

انا ما ابي اتوظف فقط اي شيء مادام اني قادرة اني ازيد من قدراتي واخذ مرتبة اكبر فهمتوا علي بس كيف ازيد شهاداتي ومرتبتي وش اسوي ….؟
اجمع دبلومات … دورات … او ادرس انتساب ورا انتساب وبعدييييييييييييين وش الدبرة 😀

مرا محبطة لا تخلوني …. ودلوني على الطريق الصحيح


عن uventus1986

شاهد أيضاً

بنات مساعده في اكمال بيانات حـافز

السلام عليكم ورحمة الله وبركاته يسعد صباحكم بكل خيـر بنات وش الحل اعبي بيانات حافز …