عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخواتي الفراشات ادخل في موضوعي بدون تطويل .. انا زوجي عنده بنت من زواج سابق
وعمرها 4 سنوات طلّق امها و هي قاعدة عندها و كل اجازة تجي تزوره و احيانا تقعد تبات
وانا من اول ما شفتها حبيتها و كنت متخوفة لا اعاملها معاملة زوجة الاب
لكن والله يشهد قد ايش حبيتها و عاملتها زي بنتي انا عندي بنت وحدة ما كملت سنة
و تعرفوا كيف الطفل في هالعمر كانت اول ما تجي تبكي و تقول ابي امي ونقعد نراضي فيها
انا مدري شصار لي احيانا اقعد افكر وتجي افكار اني ااعاملها بقسوة عشان تتعود تحترمني لكن اقول
اكسبها احسن والله يا اخوات اني عشت في صراع مع الافكار مرة افكر اعاملها طيب واحسن فعليا
اني احبها لدرجة كل ما تجي تزورنا اصورها بالجوال و لما تروح اقعد اتفرج صورها وقلت لابوها
ليه ما تخليها تجي تعيش عندنا من هالعمر لا تنتظر لسبعة سنين والله حبيتها وهي الحمدلله
كانت لما نخرج ما تمسك الا يدي ما تروح مع ابوها والله احبها قربت اتعلق فيها يمكن اكثر من ابوها
المهم اخر زيارة في اجازة الاسبوع جات و جاتني حالة حسيت اني نفسي اضربها لدرجة انا استغربت من نفسي
اش فيني انجنيت؟؟ اسال نفسي ليه اعاملها كدة وانا احبها؟؟
المهم عصبت عليها وخاصمتها كانت بتبكي تبغى امها كالعادة صارت تبكي زود و مرة خافت مني
وما صارت تبغى تقربني عاد انا بعد ما راحت قعدت اتفرج على الصور و الفيديو مرة ندمت اني نفرتها مني
وما صارت تبيني مثل اول شوروا علي اش اسوي عشان ارجعها مثل اول تبيني الحين هي مرة نافرة
حتى اسمي ما تبي تسمعه ولا تمسك يدي لما نخرج تجري عند ابوها مو مثل اول كانت ما تبي
ابوها وتبيني انا 😉
اعطوني طرق تخليها ترجع مثل اول و تحببها فيني
ومعليش على الاطالة
