عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
ياناس صار لي متزوجة سنتين ونص وماني عارفة اتعامل مع زوجي احسه متقلب ومزاجي بقوة وكل يوم اكتشف فيه طبع مايعجبني مع انه فيه اطباع حلوة بس اطباعه الشينه تكرهني بالعيشة معاه
يعني بقولكم عن اطباعة وقولوا لي هل كل الرجال كذا والا بس زوجي
ماعنده احساس بالمسؤولية يعني اعتمادي بشكل كبير اي شي يخترب في البيت مايهتم فيه واتعب وانا اقوله هالشي خربان جيب له مصلح مافي فايدة
الاشياء اذا انقصت في الشقة اتعب وانا اقوله جيب كذا وجيب كذا واذا جا الشقة اقوله وين الاغراض يقولي نسيت
وكل مرة على هالحالة مامرة قلت له جيب شي وجابه بسرعة
ودائما يطرش اخوانه جيبوا هالشي واشتروا هالشي تخيلوا مرة قال لاخوه روح اشتر اولويز????????
واذا قلت له قال عادي وكل شي عنده عادي
فسل لاخر درجة يبي كل شي يجي لمحله مايبي يقوم ولايسوي اي شي
حتى اذا كنت اشتغل وراحت بنتي لشي يقولي تعالي مسكيها اقوله هذا انت يمها امسكها ولا كانه يسمع
في المشاوير بالمووووت يوديني مشوار يقطع قلبي على مايوصلني واغلب المشاوير اخوه هو اللي يوديني كانه سواق لي وين ما اروح قال لاخوه يوديني واذا قلت له ليش قالي مشغول ماقدر تبين والا بكيفج فاضطر اني ارضى
نجي للشي الجديد اللي انصدمت منه
من قبل اذا طلبت منه فلوس يعطيني مو اقل من 1000 ريال او 700
الحين اذا طلبت منه يعطيني بالقطارة مرة 300 ومرة 200 طيب انا بس هذا شغلتي كل شوي اجي اطلب كاني طرارة منه
خاصة في العيد 1000 بالموت تكفي وهو نتفه نتفه يعطيني وانا ابي اعلمه انه يعطيني مصروف كل شهر بس مب عارفة شلون اقوله واخاف يقولي ليش ومايحتاج او يقولي اي شي تبينه قولي لي علموني كيف اقوله
مهمل حيل نظافة الشقة يعني يدخن تشوفون الزقاير في كل مكان ياكل ويلوح القراطيس في الارض وانا تعبت وانا اقوله ولا في فايدة
بعض الاحيان احسه اناني حيل دائما ياخذ الافضل لنفسه وانا يعطيني اللي مايبيه مع اني انا اتنازل له عن اشياء واجد يحبها وهو ولا مرة قالي لاااا خليه لج
من ناحية السفر والطلعات دائما ماله خلق ومو مشتهي واذا بنطلع لازم احد معانا مايبي بروحنا يقول نزهق بس انا وياج حتى المطاعم من زماااان ماطلعنا مطعم تغدينا او تعشينا ودائما اقوله ويطننننش لاخر درجة حتى اذا عزمته يقول ماقدر شسوي قولوا لي
انا احبه واموت فيه بس هالعيوب تخليني اكرهه
اهو اساسا مايستمع لي ابدا مايسمع الا لنفسه وبس دائما يشوف نفسه انه الصح وغيره الخطا
هل رجالكم فيهم هالصفات علموني عطوني خبراتكم كيف اتعامل مع هالشخص الغريب الاطوار
