عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ليت الوجع بعروق قلبي ولا فيك…
وليت التعب غلطان ساهي ولا جاك. …
ياحبيبتي
مافيه انسان متعافي ولايعاني من هموم وامراض
الدنيا ماهي ملك احد فيه المر والحالي
بس انتي غاليتي
ملك نفسك
تقدرين تذوقينها ماتشتهين
كل انسان يمر بفتره ضيق حزن طفش ملل
وماهي عارفه وش تسوي
تجي بالمنتديات
انا تعبانه نفسيا ومتضايقه
طيب حنا
يالغاليه وش بيدينا غير الكلام
حنا ماننفعك كثر نفسك
انتي بيدك كلام وافعال وعزيمه واعرف بنفسك منا
اللي بقوله لج غاليتي
=اذا اصابك هم او مرض
فااعلمي انها تكفير ذنوب وتذكري
قال رسول الله -صلى الله عليه وسلم-: (ما أصاب المؤمن من هم ولا غم ولا حزن؛ حتى الشوكة يشاكها إلا كفر الله من خطاياه)،
=لاتعطين همك اكبر من حجمه
حاولي تطلعين نفسك من الهم بشي ترتاحين له مثل تصفح مواقع قراءة روايات مشاهدة برامج ومسلسلات
لاتجلسين للهم والتفكير يزيد عليك
قومي واشغلي نفسك حتى لو مالك نفس
اضغطي ع روحك
واطلعي من همك
الهم ماوراه الا النكد والتعب
=خليك انسانه قويه امام همومك ونفسك لاتستضعفين وتستسلمين للهموم
اول مايصيبك هم او طفش
رددي استغفرالله كثير
استغفري بنية الله يفرج همك
فالاستغفار فوائده لاتعد ولاتحصى
=اقتلي همك بضحكتك وابتسامتك
اقري شي يوسع صدرك اجلسي او اتصلي مع احد يسليك
لاتكونين وحيده فالوحده مرض
=اياك وانت تلفظين بكلمة اناتعبانه انا حزينه
لا انتي مو تعبانه انتي موحزينه
انتي ترجمين هالكلمات داخل لمشاعر سلبيه
وتزيد اوجاعك وهمومك
لاكن لو قلتي
حصل خير عساه تكفير لذنوبي وقعدتي تستغفرين وترددين لاحول ولاقوة الا بالله
ان شالله ربي يفرج همي
وقعدتي تدعين لنفسك وتطلبين ربك
ابرك من انك تلجين للناس
وتحطمين روحك
=وش تستفيدين يالغلا لو قلتي انا حزينه انا تعبانه بيروح حزنك وتعبك هالكلمه تتضاعف داخلك
اذا بتطلعين من همومك ومشاكلك
مالك سوى الله
هو الي بيده كل شي وبيفرج همك بدعاك وقربك منه
مو الناس يمكن تزيد همومك وتتعبين اكثر ومافي يدها شي
وتذكري
قال تعالى : أنا عند ظن عبدي بي
احسني ظنك بالله في مواجهه امورك ومشاكلك
وبتنحل ان شالله
=لاتجعلين للشيطان مداخل ومخارج بداخلك
الشيطان يوسوس لك ليش صار معي كذا انا احس لو كبرت المشكله بيصير كذا الله يستر وش بيصير لي
اخاف يصير لي شي
ومن هالكلام
الي يجر وراه الهموم والتعب
لاكن لو شجعتي نفسك وتغلبتي ع مشكلتك وحاربتي همك بالاستغفار وذكر الله
ذكر الله علاج للهموم والمشاكل
وقعدتي مع نفسك شوي وشفتي وش سبب همك وداريتي روحك بتشجيعك وتغلبك
ان شالله بتشوفين الي يسرك
اما تستسلمين للهم والتفكير وتحطين يدك ع خدك وتفكرين وتبكين
وتدقين ع فلانه وتكتبين بالنت
وكلهم لهم حل مختلف وانتي تتودهين
ومنتي عارفه اي كلام تاخذين به
بهالطريقه ماراح تحلين مشكلتك وهمك
الا بتتراكم الهموم
=عندك مشكله كبيره فيك تعب نفسي ومانك عارفه تطلعين نفسك
ومشكلتك محتاجه احد يوقف جنبك وتستشيرنه
(ماخاب من استخار ولاندم من استشار)
استشيري احد عاقل ويوافقك بالسن وتكونين واثقه فيه وفي رجاحة عقله
مو تستشيرين وحده اصغر منك ولاتفكيرها شوي نازل
لا
وتاكدي استشارتك لنفسك افضل بكثير
لانك تعرفين المشكله وملحقاتها اكثر منهم
انتي ادرى بمشكلتك وبوضعك
لاتستصعبينها ع نفسك
خليك استشاريه نفسك
=لاترددين هالعبارات انا تعبانه الهم ذابحني بموت
لا اجعلي هالكلمات محذوفه من حياتك
ماراح تفيدك هالعبارات
راح تعطيك نقص بثقتك بنفسك
خليك واثقه بنفسك
انك قادره وقويه ع ان تطلعين نفسك من كل شي يصيبك
وتاكدي مافيه بهالدنيا مشكله الا ولها حل
ولامرض الا وله علاج
اجل ليش الهم والتعب
=وحطي بالك يالغاليه
قوله تعالى
إن مع العسر يسرا
ماراح يتمسك فيك الهم والحزن والامراض بقية عمرك كلها فتره او ساعه او ثواني وتنزاح
مافيه شي يدوم ع حاله
=الضحك والوناسه ومزاولة الهويات المفضله ومجالسة الاهل الناس
اعداء الهم والمرض
فاحرصي ع محاربة همومك وامراضك بهالاشياء
= انتي علاج نفسك
انتي استشارية نفسك
انتي ونيسة نفسك
انتي دكتورة نفسك
انتي اعرف من الناس بحالك وبهمك ومرضك
الاطباء والاستشاريين يالغاليه كانو بنفس اعمارنا وبنفس همومنا وافكارنا
والحين شوفيهم يعالجون الناس
بعد ماكانو اناس عايدين
وانتي تقدرين تسوين مثلهم بنفسك وتجعلين لنفسك استشاره وطبيب
الي خلا غيرك استشاري بيخليك لنفسك
تاكدي ياعمري ان التفكير والوحده هم امراض تزيد مابك من هم ومرض
مافيه شي بهالدنيا يستاهل
لاحزن ولابكاء ولاتعب بيرجع لنا شي نفقده او نتمناه
بنت العتيبي
