ايش السبب في كل اللي يحصل معانا.؟؟

السلام عليكم ورحمة الله وبركاته

طبعااااا أنا بعد تفكير وتعب قلت اطرح مشكلتي او مشكلتنا انا واهلي بين ايديكم يمكن مر عليكم مثلها ويمكن عندكم حلول
ويمكن الاقي دعووه بظهر الغيب تخفف عنا مانحن فيه
والشكوى اولا وأخيرا لله وحده لاشريك له

طبعا احنا عائلة كبيره اولاد وبنات ماتزوج منا الا اختي الكبيره وهي متزوجه من سنين طويله
والباقي اولاد وبنات محد متزوج
اللي الاحظه انه فيه شي مو طبيعي يحصل لنا جماعتنا كل سنه ماشاء الله لاقوة الا بالله يزوجون بنت او ولد من كل عائله
واخواني وصل عمر اكبر واحد فيهم 32 ولا واحد قادر انه يتزوج
انا عمري فوق العشرين وطبعا مايتم لي موضوع واختي اللي اصغر مني ولامره انخطبت
بيتنا يوميا مشاكل ومضاربات طبعا ساكنين في بيت اجار الراتب للوالد فقط راتب التقاعد عايشين منه عائله كامله واجار والحمدلله ع كل حال …الراتب يخلص في أول اسبوع
وبعدين ولا نلاقي اي ريال احيان ننام ونحنا ميتين من الجووووع
ومشاكل بين امي وابوي بسبب الراتب
وفوق هذا كله اخواني لا وظايف ولاشي
اخوي الكبير من 6 سنوات صابه مرض نفسي يقولون انه فصام ومشاكل مع الناس في الشارع ومع الجيران يضرب اولادهم ويتكلم عليهم
فيه ناس تقول انه مسحور بس جبنا له شيوخ وقروا عليه بس نفس الحاله
وديناه مستشفى الطب النفسي ووديناه لطبيب نفسي خااص وصرفنا عليه الاف الريالات والله عالم كيف جبناها لكن لافااااااائده الله يشفيه ويرفع عنه

أنا احيان من كل اللي يصير لنا اقول شكلنا مسحورين لأنه مو طبيعي اللي بيصير
الفلوس ماتبقا بيدنا كأنها تطير
مشاكل يوميا واشيااااااااء كثير ماتحضرني
أتمنى من كل وحده تقرا موضوعي تدعي لنا بهذي الايام الفضيله ان ربي يفرج عنا مانحن فيه
واللي مرت عليها مثل هالحالات تقوللي وش الحلول
واللي تعرف شيوخ يقرون على عوائل بالمنطقه الغربيه ياليت تفيدني