فضفضة انا مخنوقة

السلام عليكم احس بتعب وضيقة خلق ودي افضض شوي برتاح
عمري وصل 33 لاوظيفه لازواج اللي اصغر مني واللي اكبر مني متزوجين وظائف وانا احس اني انسان محطم ساعات اقاوم شعور اليأس لكن في لحظات تمر علي صعبه جدا بس ابكي واكره اقابل الناس بس جالسه على الانترنت احاول اطور نفسي بالتصميم لكن احس اني اضيع وقتي واي تطور بالتصميم اللي اعمله احس انه ضياع وقت لايحسب لي بس كنس تنظيف غسيل طبخ وتخيلو صار هذا اهتمامي فقط لدرجه ان مصروفي اشتري فيه اغراض للمطبخ وللبيت وانسى نفسي مافكر اشتري لنفسي شي غصب عني اروح اشتري لغيري او للبيت استخسر على نفسي اي شي اشوف سعر بلوزه 300 او 200 اقول لاغاليه وليش اشتري وين بطلع ماله داعي وبس اطلع للسوبرماركت اشتري اغراض للبيت من مصروفي ساعات توصل ل300 ريال
تعرفت على بنات من النت لكن اغلبهم انشغل وتركني وبقت وحده معي كانت اقربهم لي كل شي اقول لها احس انها قريبه مني وفاهمتني لكن لها تقريبا شهر ماتدخل ولااشوفها ارسل لها رسائل بالجوال اسئل عنها كل يوم وتتعذر بانشغالها بداخلي احسها انها تتهرب مني يمكن لقت ناس جدد بحياتها ولاطفشت وتبغى تغير كل يوم ارسل اسئل واعاتبها ليش متغيره تقول مشاغل وان شالله نتقابل حسيت اني خاطري مكسور واني اهنت نفسي كل شوي كاني اترجاءها وابين لها انها مهمة عندي قبل امس ارسلت لها انه ماتشوفين شر ردت علي وش فيك ومارديت عليها قلت يمكن تحس اني زعلانه
لكن مر يومين ولاسئلت ولافكرت ترسل شي قلت ماراح ارسل لها خلاص لكن للاسف ارسلت لها اليوم نكته 😎 الطف الجو قلت مابغى اخسرها ولاابغاها تتعود غيابي لكن ماردت علي حسيت اني اهنت نفسي اكثر حقيقة هي تدخل الانترنت ولاهي مشغوله ولاشي لكن تتهرب مني وهذا اللي شفته نفسيتي تعبت زياده احس اني احاول ماخسر احد اهتم بمشاعرهم وساعات احطهم قبل نفسي لكني اقابل بالعكس مالي نفس لشي وبنفس الوقت كرهت نفسي
ساعات ناس يغلطون علي تخيلو اخاف ارد اجرح مشاعرهم!
او اخسرهم مع انهم غلطو علي !
تصرفي يكون اني احاول ارضيهم كرهت شخصيتي وضعفي كرهت عدم احترام الناس لمشاعرهم غيرهم اما وضعنا بالبيت صراخ ومشاكل على اسخف شي ضغط نفسي بكل الحالات ساعات احس اني ودي اركض بالشارع اهرب اي مكان ماشوف اي مخلوق وش اقول وش اخلي بس قلت افضفض لكم