محتاره في ساااعدوني…….

مرااحب على العسولات هذا أول موضوع ليا في القسم وان شاء الله الاقي المساعده منكم اللي تريحني يارب انا مملكه وحاليا ابغا أبدا بتأثيث الشقه هيا ملك تقريبا لأني بعماره اهل زوجي مالكم بالطويله طبعا أنا عندي معتقدات ان الشقق ماينفع معها التعتيق والزخرفه والجبس والشغل الزايد لأن كذا حيضيقها ويصغرها ويخليها مكتومه فتوصلت بعد البح والتحري اني اسوي فقط مجالس الرجال فلفت سكري والأثاث يكون الألوان الفخمه مثل البني اللي داخل فيها الذهبيات والشقه من الداخل تكون اللون الكريمي طبعا الدرجه المتوسطه مو مره فااااتحه ولا الكاتمه بماأني أميل للكلاسيكيات وشفت بمنتدى من المنتديات صور لأستكرات مررره أشكالها خيال شي يجي من الركن اللي تحت وبعضها من فوق تنزل وبعضها من منتصف الجدار فقلت اجيب رسام محترف ويرسمها بالبويه مو تكون استكرات فأخترت للصاله اللون التفاحي المايل للزيتي قليلا أشرايكم وأخترت لغرف المعيشه الخاصه وهذي حتكون مفتوحه على غرفه النوم لون اليلكي ولغرفه النوم اللون الاحمر وحتبقى غرفه لسه محتاره فيها ……عارفه طولت عليكم والمطبخ ابغا أفصلو خشبي درجه متوسطه مو غامق ولا فاتح وتكون الأكسسواريز لون اورنج ياليت يابنات تساعدووووووووووووووووني مرره محتاره