شوفي حبيبي معايا

كيفكم ياحلوات انشاء الله تمام التمام

يمكن شدكم العنوان

وتبون تعرفون وش السالفه؟

طيب حبيباتي,راح اقولكم وش صار

ابشركم انخطبت

والحين قاعده اجهز لزواجي

اخيرا عجبت لجنة التحكيم خخخخخ

المهم انا داخله هنا عشان انقل لكم تجربتي
لأني اعتبركم عائلتي الثانيه

فياما استفدت منكم وبثيت لكم همومي

شوفوا انا طول عمري واناادعوا ان الله يرزقني بالرجال الكامل المكمل

كنت احسن الظن واتفائل

بس مااخبي عليكم

بعض الأحيان يوسوس لي ابليس

يقول من انتي عشان تحلمين بهالشاب الي راسمته في دعوتك

وفي السنوات الأخيره بعد ماكبرت بالسن خخخخخ

صار يقول_اقصد ابليس_هاه شفتي بتعجزين وانتي مااعرستي

بس ابي اقولكم نقطه
انا ماعمري رديت صاحب الخلق والدين,بالعكس قبلت بالفقير وووو ,يعني اقبل بهم مع انهم مو نفس دعوتي,

بس هم الي مايقبلون بي,يالله مافيه نصيب.

وكمان جاني الكامل المكمل ونفس الحاله مافيه نصيب

وياما بكيت و تعبت نفسيتي ووو خلوها مستوره بس الحمد لله على كل حال

على فكره انا لي موضوع بهالمنتدى عن الخطاطيب الي يجون ويروحون بعنوان(ام الزوج اخت الزوج تسمحون ادعي عليكم)ههههههه عنوان قوي,لا تلوموني من الحره الي ذقتها منهم

المهم مرت بي الايام والسنين وانا انتظر فارس احلامي

ومااخبي عليكم ترى الفتره الأخيره وقفوا الخطاب

لين جاذاك اليوم وقالت لي امي اني انخطبت

صراحه خفت مافرحت مره
خفت يصير زي الي قبل,يجون الحريم ويشوفوني ويتقهوون بعدين يروحون ولا حس ولا خبر

بس تعوذت من ابليس

واحسنت الظن بالله

وقلت كان فيه خير لي انشاءالله بيتم

اوقات وانا اصلي صلاة الاستخاره ,والله اصيح اقول خلاص مو لازم يكون خير لي عادي مليت ابي اجيب عيال وبس مايهمني الرجال

بس اتعوذ من ابليس واقول يارب اكتب لي الي فيه الخير

ويوم عرفنا كل تفاصيل الرجال,ماادري جاني احساس انو نصيبي,لانو سبحان الله نفس دعوتي الي من زماااان وانا ادعي بها,ماشاء الله تبارك الرحمن

والحمد لله تم كل شيء بسرعه,والحين قاعده اجهز لزواجي,وعقبال كل العزابيات يااااارب

ختاما

احب انصحكم ياخواتي بعدة نصايح

1-عليك بالدعاااااء, الحي على الله بالدعاء, ادعي بكل الي خاطرك فيه احلمي تمني, ترى والله والله ربي كريييييييم ورحيييييييم يكفيك انو ارحم بك من امك الي طول الوقت وهي تدعي لك بالرجل الصالح,بس ربي حكيييم سبحانه,راح يحقق لك مرادك بالوقت الي يراه هو سبحانه مناسب لك,فارضي وسلمي امرك له

واهم شيء احسني الظن بالله,ولا تنسين ان الله سبحانه قال في الحديث القدسي انا عند ظن عبدي بي فليظن بي ماشاء

ولا تقولين انا شينه ولا كبرت بالسن ووو وتقعدين تعددين عيوبك,لا والله اساليني الرزق ياحبيبتي لا جا من ربي مايرده اي شيئ واي عيب فيك مايأثر لأن الله سبحانه اذا اراد شيء قال له كن فيكون سبحاااااانه

2_طبعا مايخفى عليكم اهمية بر الوالدين واثره الكبير في استجابة الدعاء

3_واكيد اداء الصلاة على وقتها وحذاري من تأخيرها عن وقتها صلاة الفجر او العصر وكذا باقي الصلوات,وعموما الفرائض لابد على الإنسان ان يحرص عليها اكثر من اي شيء ثاني واكيد تعرفونها الصلاة والصيام والزكاة والحج على القادر يعني اركان الاسلام

4_الاحسان الى الناس ,وطبعا صلة الرحم فمعلوم ان وصلهم واااجب

ومن نصى ربه ورجاه وطلبه والله والله مايخيب

(على فكره حتى المطلقات ابي اقولكم سالفة وحده من جماعتي والله مااكذب عليكم تقريبا لها ثمان سنوات او تسع مطلقه, وكبرت مررررره بالعمر وماشاء الله تقريبا لها ست شهور متزوجه من احسن الشباب,قايله لكم ربي كريييييم وماينسى احد سبحانه)

وانشاء كل الي يبون الزواج يرزقهم الله بالرجال الي يتمنونه

ونقول كلنا

اخيرا تحقق منايا شوفوا حبيبي معايا

يالله حبيباتي طولت عليكم

استودعكم الله التي لا تضيع ودائعه

اختكم المحبه