عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام على من اتبع الهدى :
متزوجة لي ثلاث اطفال ولدين وبنت .. معلمة .. العمر 28 سنة ..
نمت وانا في حالة طبيعية .. كنت تعبانة شوي كان عندي ضيوف اللي هم اهل زوجي .. مانمت الا الساعة 3 الفجر
اليوم الثاني كان اول يوم لي بدورة رياضة اتكلت على الله ودخلتها .. نمت وانا مستعدة نفسيا للدورة ..
حلمت ان فيه مثل الحريق .. نار ودخان وصياح واصوات وصراخ .. رحت بشوف عيالي وينهم جبتهم .. الكبير بس اللي سمعت صوته يناديني بس مدري وين وصيت وحدة تنتبه له بس ماذاكر من هي ..
شوي هدت النار والاصوات وفيه ناس تجمعوا واخذوا الموتى ودفنوهم .. مكان الدفن لا مقبرة ولا شي لما اكون عند الباب الخارجي لاهلي اطالع على فوق اشوف جيرانهم اللي هم من الجماعة .. عند بيتهم بالضبط حفروا هناك ودفنوا الجثث ..
شوي كذا قعدت ادور على ولدي الكبير .. < تو سجلته بصف اول ابتدائي > .. وجلست اصارخ وابكي وادور عليه
بس بدون فايدة .. ملقيته .. قاعدة اتكلم واقول اني سمعت صوته مامات ولدي انا سامعه صوته بس اكيد دفنوه
وهو حي ع بالهم ميت .. ورحت ناديت على عمال باكستانيين .. شلون شكلهم .. وكيف عرفتهم .. مدري لا تساليني
خبري بنفسي اسالهم اقول لهم روحوا دوروا عليه بالمقابر اللي هناك واشرت لهم حتى يعرفون الموقع ..
راحوا يدورون عليه ومرت عمي تنصحني تقول ماله داعي وتصبرني بس انا اصريت قلت اكيد دفنوه وهو حي
يعني لسا مامات .. وجالسة اناظرهم وشوي دخلت داخل البيت مدري وش ابي .. تغير الحلم وكنت بحفلة وكنت
كاشخة مرة بس بالحفلة كنت فاقدة ولدي بس مصبرة نفسي انه رايح عند ناس او اي مكان وبيرد .. رجعت من
الحفلة اللي وين وكيف ولمن .. مدري .. بسرعة ركضت للباب بشوف العمال وش سوو .. لقيت محلهم شرطة وخفت
وجلست ابكي قلت اكيد انهم مسكوا الباكستانية وما قدروا يدورون ولدي .. بعدها واطالع الا الشرطة كانوا يبكون
ويصبرون بعض لانهم دفنوا بنفس المكان اللي فيه ولدي دفنوا واحد من اصحابهم ..
الا واللباكستاني جايني قال لي لقيناهـ بس ولدك ميت ومدفون .. جلست ابكي واصارخ .. وانا بالحلم قمت
وبصقت عن شالي واستغفرت وتعوذت من الشيطان وقلت الله يحفظ لي ولدي .. شوي الا يجي ابوهـ من السفر <
للعلم اوبه مسافر صدق > قال وين ولدي وجلس يناديه باعلى صوته > قلت له تعال بخبرك السالفة ..
وجلس يصارخ ويناديه ..
قمت وانا خايفة على ولدي وجري عليه ابوس فيه واضمه وبصقت عن شمالي وكبرت واستغفرت وكنت ارتجف من
الخوف .. بالله فسرووا لي هالحلم ..وربي خايفة على ولدي قلبي بيتقطع من الخوف ..
جزاكم الله خير ..
.
