عالم البنات النسائي كل ما يخص المرأة العربية من ازياء وجمال والحياة الزوجية والمطبخ
طريقة عمل حمام مغربي مرره روعــــــه
——————————————————————————–
السلام عليكم ورحمة الله وبركاته
اليوم انا جايبه لكم طريقة عمل الحمام المغربي بالمنزل بدون عناء او الذهاب الى الصالونات وبحطلكم طرق وخلطات الجسم تستخدمونها وانشاءالله تستفيدون منها وتطبقونها وتشوفون النتيجه الحلوووه
اولا:قبل ماتقررين تسوين الحمام المغربي يفضل انك قبله بيوم او حتى دايما تستخدمين للجسم خلطه جلسرين والليمون وهي عباره عن الجلسرين السائل الشفاف اللي عند العطار وتخلطين معاه عصير ليمونتين وتحفظينه وتدهنين جسمك كله من والحين تجهزين المقادير او الصابون المغربي وينباع عند كل العطارين بكل مكان
ثانيا:ليفه بودي شوب اللي على شكل قفازات حق الأيدين واذا ماقدرتي جيبي ليفه مغربيه تلاقينها عند اي عطار
ثالثا: مفركه ظهر وهي عباره عن عصا خشب طويله بنهايتها مفركه وموجوده عند العطارين
والسوبر ماركت
رابعا: صحن حاطه فيه عصير نصف ليمونه مع ملح خشن لتشكيل مزيج سنفره يعني هالخلطه بتكون بمثابة سنفره واذا مافي ملح خشن حطي ملح عادي بس كثري عشاان لا يذوب
خامسا:تقدرين تحطين فيه ماء مغلي او جهاز بخار للوجه واذا عندك غرفه بخار بالبيت احسن
سادسا: كيس نايلون على طولك تقدرين تستخدمين حق ملابس الرجال اذا رجعت من المغسله ولا تستخدمين كيس زباله لانه مو زين فيه ماده مو زينه اذا مالقيتي كيس طويل خذي كيسين اقصر ولصقيهم ببعض يعني شوفيلك صرفه.
والحين نجي للطريقه:
اول شيي شطفي جسمك بماء ونشفيه بالفوطه وخذي الصابون المغربي ودهني جسمك كله فيه من فووق لتحت موفرك لا بس دهان
وبعدين خذي كيس النايلون اللي عندك وافتحي فتحه لراسك بس وخلي الكيس يغطيك من فوق لتحت بس راسك برى وخلي الجهاز البخار او قدر الماء تحتك داخل الكيس يعني بين رجولك وانتي داخل الكيس عشان البخار يصعد ويظل داخل كأنك بفرفة سونا وظلي على هالوضع ربع ساعه يكون جسمك متفتحه مساماته وكل شي
بعدها شيلي الكيس وروحي للدش وشطفي جسمك بالماء ولبسي الليفه بأيدك اقعدي افركي جسمك كله من فوق لتحت وراح تشوفين الجلد الميت يطلع من جسمك والسواد والقذرات كلها.
الحين تاخذين سنفره الليمون والملح وفركي جسمك فيها زين عشان تنظفيه من الخلطه والوسخ وكل شي لأنه الملح والليمون يعتبر معقم ومنظف عميـــــــــــق
………………………………………….. ……………….
عقب كل هذا اذا تبين تقدرين تستخدمين شاور جل عشان يعطيك ريحه حلووه حلوووه وبس خلص الحمام المغربي روحي غرفتك وتنشفي وتدهني ببدي لوشن او اي كريم للجسم وتمتعي بنظافه ونعوووومه اللي يحبها قلبك وجسمك ..
وهاذي الطريقه اذا كررتيها كل اسبوع بتشووفين الفرق الشاسع باللون والنعومه ولأثاار وكل شي يشوه الجسم يروووووووووووووح…
اتمنى تكون اعجبتكم واستفتدوا منها حمام الهناء انشاءالله
