عالم البنات النسائي كل ما يخص المرأة العربية من ازياء وجمال والحياة الزوجية والمطبخ
عزيزاتي الفراشات ….. أنا عندي مشكلة متعبتني كتير كتير و نفسي انو حد ينصحني مزبوط شو أتصرف….
أنا مشكلتي طويلة و ما فيني أكتبها بس بإختصار مشكلتي هي :
أنا متزوجة من 5 سنوات و عندي ولد عمره 4 سنين ، و للأسف اني إكتشفت السنة الماضية انو زوجي إله علاقات عالأنترنت مع بنات في بلدان مختلفة ( كنت احس انو متغير علي بس ما عمري شكيت فيه لحظة) طبعاً في البداية واجهته بالموضوع و أنكر و لكن لما واجهته بالدليل ( ايميلات و غيره) إعترف و قال لي بأنه حر ما فيها شي انو يعمل علاقات عالإنترنت ……. دخلت أهلي بالموضوع و انا خبرتو انو انت حر فيك تعمل اللي بدك ياه بس انا بروح بيت أهلي ….. كان ردة فعله انو روحي الله معك …….. للأسف أنو أناني ما فكر بلحظة بالطفل اللي بينا !!!!!!! و بعدها بفترة جلسنا و تكلمنا و إعترف بغلطته و انا قلت له انو انا سامحتك بس انت جرحتني كتير و إنشاء الله الايام الجاي تكون حلوة و تنسيني اللي صار ……….. بس للأسف بعد فترة دخلت عالشات بإسم ” س” علشان بدي أعرف انه هل هو مستمر بالشات و لا تركه ؟؟؟؟؟ للاسف انه اندمج مع “س” كتير( اللي هي أنا) و كان كلامو للأسف جريئ كتير …. و في هاي الفترة عزمته على العشاء( انا زوجته بالحقيقة) بمطعم راقي جداً على أساس نحكي بهدوء و سألتو كيف أنا معك بصراحة ….. و جاوبني انو انا كتير متغيرة عن أول و هو مبسوط مني كتير ( في هاي الفترة كان يعمل شات مع “س” اللي هي أنا، ووصلت معو انو طلب ييجي عالبيت عندي) آه آه آه شو جرحني …… انا أعطيتو كتير بالمقابل كان أناني ما يفكر الا بحالو ……. المهم مشي الفلم عليه و استمريت بالشات بس اتهرب شوي شوي منو، و في رمضان الماضي تزاعلنا ووصلت بيننا للطلاق و من كثر قهري منو خبرتو انو “س” اللي بتعمل معها شات هي أنا !!!!! طبعاً انصدم مني بس بنفس الوقت حكالي انا بعرف انو انت هي “س” و علشان هيك أعطيت ايميلي لصاحبي يكمل معك !!!!!!!!! طبعاً هو بدو يبرر اللي عمله بس ورط حالو بالمشكلة أكتر …….. المهم بعدها تصالحنا و تمشكلنا كتييير …. اللي نسيت أحكيلكم إياه اني أنا موظفة و اشتريت سيارة جديدة بس للأسف كنا لما نتمشكل أول شي يحكيلي بيعي السيارة أنا مو موافق على شرائها ( مع انو هو كفيلي بالبنك يعني لو مو موافق من البداية كان ما كفلني أصلاً) ….. المهم صارت السيارة هي وسيلة يقهرني فيها ( عارف اني بموت في سيارتي و شغلي) ……. المهم يئس مني اني أبيعها و حكيتلو لما أموت ببيعها ……. و كل مرة بنتمشكل بيحكيلي بيعي السيارة و اتركي الشغل و طلب مني مرتين أقدم إستقالتي و كنت أحكيله اني قدمت إستقالتي ( مع اني بالحقيقة لم أقدمها ولا مرة) و بعد ما تخلص المشكلة بيندم وبيحكيلي اسحبي الإستقالة .. و لحد اليوم و هو بيفكر انو انا قدمت استقالتي مرتين و سحبتها مرتين !!!! و آخر مشكلة صارت على موضوع تافه جداً و سبني و شتمني و ما خلى كلمة شينة الا حكالي إياها و أنا ساكتة و ما جاوبتو ( المشكلة صارت بالسيارة) و لما وصلنا البيت ضلينا نحكي بالسيارة أكتر من نص ساعة و اعتذرت عن الخطأ ( مع اني والله على ما أقوله شهيد ما غلطت ) و كانت أختي و زوجها عندي بالبيت( علاقة زوجي مع زوج أختي أكثر من أخوية) و أول ما دخلنا البيت ( كنت مفكرة انه خلص انتهى الموضوع بعد ما اعتذرت له) بس تفاجئت انو أول ما دخل البيت بدأ يسب عالحريم و بعدين بدأ يسبني أمام أختي و زوجها و أنا زعلت كتير و صرخت علية و حكيتلو ما تغلط علي و استمر يغلط علي و هم يحاولو يهدو الوضع بالآخر انا سبيتو أمامهم و لا هو هجم علي و صار بدو يضربني بس الحمدلله أختي و زوجها كانو موجودين و ما خلوه يلمسني …. زوجي فوراً كالعادة متعود يكلم أهلي بأي مشكلة صغيرة او كبيرة مع انو عمر زوجي 40 سنة ( أهلي ساكنين في بلد آخر بعيد عني بس أنا و أختي مقيمين في دولة أخرى) المهم إتصل بأهلي و خبرهم بكل شي بيخدم صالحه و كذب عليهم و تبلى علي بأشياء كثيرة. ….. و بنفس اللليه أخدت الموضوع عادي و حضرت عشاء و تعشينا مع أختي و زوجها و كأنه ما تزاعلنا …. تاني يوم الصبح ما تكلمنا مع بعض الا زوجي العزيز و انا عم بلبس فجأه قال لي : اسمعي قدمي أستقالتك اليوم مفهوم و أعطيهم مهلة شهر واحد فقط ……. انا من الإستغراب ما جاوبت …. و هو سحب حاله و طلع من البيت …… هاد الحكي يوم الأحد الماضي …… المهم انا خبرت اختي و زوجها اني قدمت استقالتي ( بس في الواقع ما قدمتها ) و هم خبرو زوجي ( انا و زوجي ما نكلم بعض) عن استقالتي و خبرهم انو اعتبر طالق منو طلقة اولى اذا ما قدمت استقالتي !!!!!!!!! !المهم مديري سافر يوم الأثنين و بعدو لحد اليوم ما رجع …… دلوني شو أعمل هل أقدم إستقالتي ولا شو أعمل ؟؟؟؟ للعلم انا صارلي 9 اشهر بشتغل في شركة اكثر من رائعة و كلهم محترمين و متدينين و زوجي كان مبسوط اكتر مني على هالشغل ( وضع زوجي المادي تعبان ) و هو ما يقدر يتحمل مصاريف البيت لوحدو انا بساعد كتير بالمصروف بس هو دايما بيحكيلي انو انا ما بساعد بالمصروف و الله شاهد علي اني بروح اشتري أغراض للبيت و ما بحكيلو علشان انا بعرف عندو التزامات وما بدي ازيدها عليه…… و أنا والله مو من النوع اللي بصرف……. مو عارفة كيف راح يتحمل مصاريف البيت مع الإلتزامات اللي عليه …. و اذا قدمت استقالتي ما راح يكون الي مجال اني ارجع على نفس الشركة…… انا عنجد ما راح الاقي متل شغلي و الله كتير مرتاحة و بيعاملو الموظف معاملة رائعة جداً و أنا أثبتت حالي بجدارة من أولها و كنت مركز الخلاف بين المدراء لأن كل واحد بدو أشتغل معو …. يعني انا ناجحة في عملي و عندنا بيهتمو بالتدريب و الى مجال كبير اني اأطور نفسي و وظيفتي و اوصل لرئيسة قسم…..!!!!!!! شو أعمل إحكولي ……. ( نسيت اخبركم انو يوم ما طلب مني اقدم استقالتي طلعت انا و زوجي مع اختي و زوجها تعشينا بمطعم و بالصدفة جنب المطعم في محل نظارات دخلنا عليه و عجبتني نظارة و غالية بس ما كنت ماخدة محفظتي و تخيلوا انو زوجي اشترالي النظارة!!!!!!! انا مو قادرة افهم تصرفاته) اللي تفهم هذا النوع من الرجال ارجو انها تنصحني……………………… آسفة على الإطالة بس والله مكتئبة والله يعلم بحالي…. فراشاتي لعلمكم انا زوجي كان طيب و منيييح كتيييييير بس شو اللي صارلو من سنة تغير و صار واحد تاني مشكلجي يحاسب عالكلمة و على كل شي و ما يعجبو العجب ……شو مالو ما بعرف………
أما قراري اللي توصلت له انه زوجي بيحاول يجردني من كل شيئ بحبو اول شي جرحلي كرامتي بتعارفه عالنت و هلا بدو اترك الشغل و ابيع سيارتي و الله اعلم لما اقعد بالبيت يمكن يمنعني اني اشوف التلفزيون ولا استخدم الكمبيوتر………… علشان هيك انا قلتله انا بضحي بشغلي بس مقابل شو؟؟؟؟ انت راح تضل تتحكم و تتجبر علي وانا مو مستعدة ……… انا درست و تعلمت مو علشان اجلس بالبيت و بس …. علشان هيك قررت انو اطلب الطلاق….. انت اكيد بتحكو اني متسرعة بس في تفاصيل كتير كتير كتير للموضوع صعب تنحكى بدها أيام وأيام ……… أرجو مساعدتي……… عندي الم في كل جسمي بسبب الإكتئاب…. الله يسامحه
