عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صيقتي تزوجت من شهرين هي من البنااات الطيوبات لابعد حد اللي تستحي حتى من امها وابوها تزوجت ولد عمها اللي تشوفه ملك جمال الكون ولو انه يلوع الكبد بس لو ما اختلفت الاذواق لبارت السلع بالاسواق المهم ملكت تقريبا اربع شهور وكان يكلمها عشر دقايق بالكثير ويسكر كانت تشكي لي وانا اقولها شكله مؤدب وذوق ويستحي والسااالفه مصخت وطالت وطبعا هي كانت تقارن بين زوجي وبين خطيبها لاني تزوجت قبلها وبحكم انها اقرب صديقاتي فكانت تشوفني ايام الملكه حالي حال اي انسانه مملكه اكيد خطيبها يكلمها اربع وعشرين ساعه وهي حتى عشر دقايق مايكملها معاها وفي يوم من الايام السوووود زل لسانه باسم وحده وهو يكلمها(اسمها يفشششل) عاد الحبيبه سكتت وماقالت له شي قال ايش بسوي نفسي على نياتي واكيد هو بيستحي على وجهه وماراح يعيدها وينتبه لتصرفاته واكييد لو كان له علاقه بيتركها بعد العرس ومتأكده اختنا في الله..
ثمن ماذا حصل دقت على خطيبها الكريه وصرفها بكل ذوووق وادب وقال لها انا معزوم بعرس واحد من الشباب قالت طيب مع السلامه..
طبعا معروفه عروس الرجال الساعه 11 بالكثير منتهيه دقت عليه الساعه 2 الليل طلعت لها نغمه دوليه اثاري الحبيب مسير على الديره مغيرها اللي هناك الله خلني ساكته بس وش سوت الجميييله سكتت مره ثانيه قلت لها ليش ما تقولين له ؟؟قالت لا اكيد بيدري اني عرفت وبكسر خاطره وبيستحي على وجه ويرحمني ويقول هذي ماتستاهل اسوي فيها كذا الاخت متأثره بالمسلسلات المكسيكيه..
وانا ساكته ابي اشوف وش اخرة غبائها المهم تزوجت وانقطعت عنها على بالي فترة عسل وش اللي صاااار في العسل؟؟؟
تزوجت صديقتي وما سافرت شهر عسل مع ان زوجها ماخذ اجازة شهرين وحالته تسمح له يساافر اثاري فيه ساالفه اكبر…
وش صااار في ايام العسل حقتهم طلعت السالفه اكثر من مكالمااات طلع يقابلها وعشااان كذا ماسافر قعد عشانها عشان ما تشتاق له يا حبة عيني جعلها تشتااق للعافيه طول عمرها..
من رابع يوم عرس صار يطلع بالليل يبي يشم هوا مو زوجته رئتها رئة فيل تشفط هواء البيت كله.. ويقعد يشم هواء ساعه ساعه ونص والله اللي صارت رئته مصفاة هواء حسبي الله عليه هو وياها..
ودايم يقنعها يوديها لاهلها تنام عندهم وهي تستحي تروح تخاف يشكون اهلها وش اللي جابيها الحين وهي توها عرووس..
واقنعها مره بالقوه ووداها لاهلها ولما جا ياخذها على الفجر نزل المحطه وفتحت هي درج السياره لقت حجز بشقه ذيك الليله…
وبعد فترة جابها عندي بحكم اني بمدينة ثانيه بعيده عنها مررره انا اسغربت انه هو اقترح عليها يجيبها عندي وقال لها لا يدروون اهلي؟؟؟؟
المهم المكان اللي انا فيه توه بادي يتطور يعني ماعندنا شقق مافيه الا فندق واحد بس تراه خمس نجوم ماني بهجره مدينه مالت عليها مدينه وفيه شقق جديده توها طازه بس مافيه غير هالمكانين عاد زوجها المصون قبل مايجيبها عندي سوى نفسه مضيع و مر يشوف هالشقق من برى وقال لها الشبااب يمدحون الهشقق ويقولون قيمتها الليله الوحد بكذاا وماشاء الله على هالشباب اللي كل شي براسهم ويعرفون كل شي!!!!!
عاد ضيع صدق واتصل على حبيبة قلبه تدله الطريق وخويتي المسكينه تسمع صوتها مع انه موطي الصوت وملصق جواله بالدريشه… وبعدها جابها عندي..
يوم جاتني استلمتها اسئله لاني ما اطيييييييق هالحركاات ابد اكره الرجال اللي كذا المهم اخونا في الله قال لها قبل يطلعون من البيت جيبي كرت العايله معاك؟؟؟؟؟؟؟؟
قاالت له مانحتااااجه قال لها الا اخاف التفتيش يطلبونه ولا الشرطه عاد بذمتكم هذا عذر؟؟؟
تفتيش وش يبون بكرتكم العااايله؟؟؟
هي سوت ذكيه الله يهديها واخذته معاها وحطته بشنطتها قام يقنعها تخليه بدرج السياره اءمن وختله هنا قهرتني قهرتنيييييييييييييييييييييييييييييييييي كان ودي اذبحها يعني خلته على كيييفه..
هو نزلها عندي وراح لحبيبته حجز لها شقه وزوجته اللي عطته الكرت بيدها..
والقهر انه كل يوم بالليل يكلمها وخويتي تخاف تقول له شي تقول لي مابي انصدم !!!!!!!!! تنصدمين بايش وانتي عارفه كل شي؟؟
وعاد جيت انا ام الفزعااات وادق على تسعميه وخمسه الاستعلامات واخذ رقم الهيئه وادق وادق وادق وادق وادق ولا احد رد انقهرت زياده دقيت على اخواني قلت لهم كلموا الهيئه ولا شفنا شي شوي الا زوجها يدق عليها مبسووووووووووط على الاخر يقول لها يلا حبيبتي نمشي؟؟
وراحت!!!!!!!!!!
وعلى هالحال كل يوم تدري انه يكلمها تدري انه يقابلها لا وشافت صورها بجواله صور بملابس وصور بدون ملابس وحركاااات زي وجهها حسبي الله عليها وفوق هذا كله سااااااااااااااااااااااااااااااااااااااااااااااااك ته؟؟
وش الحل معاها تكفون بنات والله ضغطي ارتفع وهي ماهي داريه من وين تبدى قالت لي انتي عطيني حل وانا قلت لها تقول لابوها ودامها مسويه كنها مو شايفه ولا داريه تكمل على كذا احسن وتخلي ابوها يتصرف معاه..
حسبي الله على كل رجال ياخذ بنات الناس ويقهرهم ويحرق اعصابهم الله يبتليه في نفسه اللي نفسه وصخه ودنيئه يقعد مع اشكاله وماله داعي يتزوج لان الزواج امانه ومسؤوليه والله لا يبارك ولا يسامح اللي يسوي كذا سوا كان رجال او بنت حسبي الله ونعم الوكيل فيهم….
