عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هذه قصيدة العليا للشاعر الحميدي الشمري
علما بأن الشاعر الحميدي الشمري مشارك بمسابقة نجم القصيد على قناة نجوم4
وهي مسابقه مشابه لمسابقة شاعر المليون
اترككم مع القصيدة
………………………………………….
بس بالنظر صرت من نظرات مفتونها
من النظره الأولى طحت باقصر حبالها
ملعونـةٍ صابـت النيشـان بجفونهـا
خلتني أصعد سلالم شـوك واسعالهـا
كبّيت فنجال كـلّ اللّـي .. يقلدونهـا
وشبّيت جمر الهوا وشربـت فنجالهـا
بنـات حـوّا عمـومـاً مايحبّونـهـا
والكره يقلب دبل ليـا رمـت شالهـا
مابالـغ إن قلـت خواتـه يحسدونهـا
ماشفت لـي بنـت بالخيـر تمنّاهـا
ماقـول تسواهـم أو آقـول يسوونهـا
آقول هـي السّـوات بكافـة أشكالهـا
ليا مشت يادخيـل الله علـى هونهـا
ومن يحترق يحترق طيب وهي مالهـا
تمشي دلع والقلوب الخضـر يتلونهـا
بنت الحلال إبتلت تمشي علـى فالهـا
يحلالها إنـي مسنتـر عنـد دربونهـا
إنـي آتلـوّع بنـار الحـب يحلالهـا
يقول وش علـق الطربـان بلحونهـا
مايدري إنـه نبيـل شعيـل غنالهـا
مادام حلـوه ياقلبـي والبنـي دونهـا
دلوعة لازم تصيـر وشايفـه حالهـا
إن قلتو مجنون أنا بالعشـر مجنونهـا
وخل العرب تضرب الأمثال بامثالهـا
المشكلـه مانـي بعـارف تليفونـهـا
ولاني ولد عمها ولانـي ولـد خالهـا
ماغير أسمّي عليها أخـاف يرمونهـا
ياليت لي حيلـةٍ فيهـا وانـا احتالهـا
أغـار مـن أمهـا لاقالـت شلونهـا
وأغار من كـل شـيء يقعـد قبالهـا
واغار من عطرها ومن كحلة عيونهـا
واغار من ثوبهـا الأزرق وسلسالهـا
تكفـون يااهـل العليّـا لاتغرونـهـا
أنتم مواتر وانـا ددتسـن واعزّالهـا
عليهـا شـد الغنـم ورايـح لونـهـا
معووج شاصيّهـا ومكسـور شيّالهـا
خلوني ليـن آتمكـن جعـل تفدونهـا
واكبر حظـي إذا مرّيـت فـي بالهـا
لو هي تسلـم علـي آكـون ممنونهـا
لو بس تحط إسمي على جدول أعمالها
هي بـس تشّـر انـا لبيّـه ياعونهـا
هي بس تامر آنـا امـوت وأحيالهـا
أشوفهـا شـي أمثـل أن يسمّونـهـا
أسمى مـن إنـي أسمّيهـا بأسمالهـا
مدينتـي الفاضلـه وانـا افلاطونهـا
قوميتـي العربيّـه وانــا جمالـهـا
مقدّمـه خالـده وانـا إبـن خلدونهـا
رقـي نرقابهـا وشمـوخ نرقالـهـا
هي دولة الحب والاحسـاس قانونهـا
هي جايزة نوبل اللـي ماحـد نالهـا
صحيـح بـدري عليهـم لايطولونهـا
لكني أول وانا أوّل شخـص يطولهـا
بالطيب بالغصب واللي خالـق كونهـا
طقـت براسـي ودبّرهـا ياحلاّلهـا
والبدو لاعشقوا الحاجـات يشرونهـا
وعند المهور الأصيلة ترخص أموالها
وان كانهـا ماتـسـام ولايبيعونـهـا
والله وانا راعـي الطـولات خيالهـا
