عالم البنات النسائي كل ما يخص المرأة العربية من ازياء وجمال والحياة الزوجية والمطبخ
طبعا فيه كثير ودهم تصير رجولهم ناعمة وزهرية صح؟؟
وكانت هذي هي مأساتي من سنوات وصرت اجرب واجرب الين استقريت على هالطريقة
انتم جربوها وداوموا عليها وشوفوا بعد شهر وش بيصير
وطلبتكم ادعوا لي ربي يسهل حملي وأولد بالسلامة يارب ويسخر لي زوجي
اول شي بأقولكم وش المطلوب
سنفرة جسم والأفضل تكون بالخوخ تنباع بالصيدليات وعند العطارين
وبالسوبرماركت يعني بكل مكان
حجر سنفرة .. هو ملون يعني فيه اخضر وازرق وزهري واصفر وشكله
زي الاسفنجة لكنه يابس مرة ينباع بالمحلات واللي ما تلاقيه تقدر
تعوض عنه بالعصا اللي على شكل رجل موجودة بالصيدلية ويفضل
إنها تشتري نوعين الخشنة والناعمة
كريم فازلين الأزرق الخاص بتشققات القدمين
وترى باقي شغل بس خلونا بالمهم
طريقة الاستخدام:
بعد ما تتروشين قبل لا تطلعين اجلسي وجيبي كل رجل وافركيها بالسنفرة بيدك اول
ثم والسنفرة عليها جيبي حجر السنفرة واقعدي افركي وافركي خصوصا الاماكن الناشفة
بعدين غسلي الرجل بالماء ثم جيبي صابونة واغسلي رجلك بصابون لكن لا تشطفينه
خلي الصابون فيه وجيبي العصا اللي قلت عنها الخشنة ثم افركي رجلك
بعدها اشطفيها بماء.. ثم جيبي صابون مرة ثانية وحطيه على رجلك وجيبي العصا الناعمة
وافركي رجلك بها بتحسين وانتي تفركين ان رجلك صارت ناعمة وتحسينها نظيفة
اشطفيها بماء وابدي بالرجل الثانية
المهم بعد ما تطلعين من الحمام حطي أي كريم على رجلك ويفضل الفازلين حق التشققات
استخدمي هالطريقة من مرتين الى مرة بالأسبوع على حسب مدى حاجة الأقدام
المهم نجي للشي الثاني والمهم جدا.. عاد شوفي الوقت اللي يناسبك لكن حاولي قد ما تقدرين
يوما تسوين الي بأٌولك عليه وبتشوفين النتيجة بعيونك
جيبي اكياس حقت اللحم تعرفونها طبعا.. تلاقينها بالمطبخ.. أو جيبي النايلون اللاصق
حق حفظ الطعام.. وجيبي فازلين حق التشققات أو أي كريم انتي ترتاحين له
لكن من تجربتي فازلين هو الممتاز.. المهم حطي الكريم على القدم وافركي وكثري كريم
يعني كثريه بمعنى الكلمة ثم جيبي الكيس ولبسيه على رجلك وجيبي شراب قطني والبسيه
وسوي نفس الطريقة للقدم الثانية
خلي الشراب والكيس على رجولك مدة ساعة ونص الى ساعتين وإذا مشيتي ترى بيزلق
مع ان الأفضل انك تمشين حتى تعرق رجلك وتختلط بالكريم ويتشربه الجلد
بعد كذا شيلي الكيس بتلاقين رجلك كلها كريم ورطبة ما عليه البسي عليها الشراب القطني
وخليه على رجلك كم ساعة لكن لا تنامين فيه ترىالنوم بالشراب خطر على العيون
المهم بعد ما تشيلين الشراب بتحسين رجلك طرية وكرري هالطريقة وشوفي النتيجة
مع السنفرة والكريم اللي مع الكيس بتصير رجولك ناعمة وطرية ولونها أبيض على زهري
بعد ما توصلين للنتيجة اللي انتي تبينها قللي استخدام الكيس حسب ما انتي تشوفين
بالنسبة لي استخدم السنفرة كل اسبوع إلى اسبوعين.. والكريم مع الكيس مرتين بالأسبوع
عن amirat elwady
شاهد أيضاً
كريم اولاي بالتوت مين جربته ؟؟
مساء الخير سمعت كثير عن كريم اولاي بالتوت مدح .. انا عادة اخاف اجرب اشياء …