عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الخير
كيفكم يافراشات
انا والده من عشرة ايام وابغى ارضع ولدي طبيعي
وابي نصايحكم
انا جلست يومين بالمستشفى ومارضعت ولدي كان يرضع صناعي
وبعد مارجعت البيت جلست احاول معه لين بدا يرضع مني
بس طبعا ماقطعت الصناعي خاصة انه ماكان ينزل مني كثير واوقات ماينزل
المهم من امس قلت خلاص برضعه بس طبيعي
بس المشكله خايفه عليه احسه مايشبع مني
اوقات اجلس ساعه حاطاه على صدري يرضع شوي ويوقف وبعدها ينام واحاول اصحيه يرضع دقيقتين وينام تعبت صراحه
وبعدها احس بتانيب الضمير واسويله رضعه وعلى طول يبدا يرضع وبقوه باين عليه انه جوعان
واوقات يرجع اللي رضعه مني يعني بعد ماارضعه احطه بسريره وارجع الاقيه مرجع كل الحليب اللي رضعه مع اني اتغره
اما الصناعي لا مايرجعه الا نادرا ؟؟
وش اسوي معه ؟؟
ومادري متى ارضعه يعني الصناعي قالو بعد كل ساعتين رضعه
طيب والطبيعي بعد كل كم ؟؟ معقوله انتظره لين يبكي ؟؟
وهو اذا نام يطول نايم ممكن يجلس سبع ساعات نايم مايصحى انا اسويله رضعه وارضعه وهو نايم ؟؟
ادري بربرتي كثير بس بجد مادري مين اسال
امي تقولي حرام عليك ولدك جوعان خليه يرضع صناعي وانا بصراحه ودي ارضعه طبيعي واخلي الصناعي بس وقت الزنقات
