عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
اتمنى تكونون بخير
سالفتي يابنات انخطبت وتملكت والحمدلله والشكر
ويوم جاء موعد تحديد الزواج وطريقته صارت مشكله
قالوا اهلي احنا بنقوم بالحفله ويكون عائلي ببيتنا او اهل العريس يجيبون عدد لايتجاوز عن 100 من اقاربهم واحنا كذلك
وقالت الوالدة من باب التقدير بتصل على ام العريس واشاورها >> ياليتها ماصارت
قامت تقول لامي مانبي حريم حتى احنا ماراح نجي ومن هالكلام وخساير ومالها داعي وخلوها بس رجال واذا مصرين على حضورنا لاتحددون لنا عدد معين عطونا 500 كرت ويمكن يجون ويمكن مايجون !!!>> راي غير منطقي
معقوله بنعمل حساب 800 شخص ويمكن مايجي منهم الا 400 !!!
لويحددون لنا معازيمهم كان مايخالف مو نعمل حساب الي يجي والي مايجي حرام هالنعمه والخساير احنا اولى فيها
قالتلها امي يصير خير وربي يكتب مافيه الخير ماودها امي تطول الكلام معها فقالت كيذا وقفلت السماعه والوالدة متضايقه من ردها بالرغم ان احنا الي بنقوم فيه ليش يتحكمون في طريقتنا واستغربت امي طريقتهم وتوقعت التقبل فقط لاننا ماطالبناهم بشئ!!
ومن بكره اتصلت اخت العريس الكبيره طبعا ماتزوجت
وكلمت امي وعادت نفس كلام امها لامي وتقول لامي ماراح نحضر واذا تبين تعزمين اهلك اعزميهم بالرغم حتى كلمة مبروك ماقالتها لامي وامي مندهشه من تصرف اخته وجرائتها وليش كل هذا التهديد
ومستغربه وشلون مايحضرون دخلة ولدهم لوكان عائلي يعني لازم زواج كبير وتكاليف ولا مايبون يحضرون المسئله تعجيز!!
ردت عليها امي وقالت شوفي يااختي اذا تبون كبير وانتم مستعدين ترانا مستعدين والنص بالنص وبعدين قامت تقول ابوي وامي يبونه رجال وبس حضراتهم يبونه علينا كله !!
قالتلها امي تشاوروا وعطونا علم علما بانها متصله اخته ومن دون علم العريس
والحين العريس يقول لابوي سووا الي تبونه واهله يقولونله ماراح نحضر وتحيرنا مررره
يعني مااتفقوا مع ولدهم مصرين على رايهم الغلط
وانا تعبانه نفسيتي بس اصيح ومتضايقه حسبي الله على من كان السبب
ولالي خلق اشتري ولاشي وبس خايفه منهم واهلي مساكين بس يدورون على قاعه صغيره يجمعون فيها اللازمين والاقارب لان بيتنا مايحتمل بسبب فيه عمال ويشتغلون فيه
ومتذبذبه ام العريس يوم سئلها ولدها بتحضرين قالت مدري اذا جت معي عماتك رحت ومرات تقول لا واخواتك مايبون عرس ويبونه كبير لانهن متحسفات يفصلن على عائلي تخيلوا ويبون يعزمون صديقاتهن على حسابنا !!
بصراحه ماعندنا استطاعه ندفع 40 الف اقل شي على زواج كبير وانا اساسا ماراح اسوي زفه واغلب اهله خارج المنطقه الي بنسوي فيها الحفله وولدهم يقول لاتكلمونهم بس عطوني الكروت ويكفي وعلاقته مع اخواته مهيب زينه غايرات منه لانه بيعرس وبس يقولون له انت خسرتنا ومن هالكلام
على اننا ماوافقنا عليهم على طول بس النصيب سبحان الله لانهم خارج منطقتي وامه واخته الصغيره تقريبا عمرها 23 سنه جوا وخطبوني واصرت امه اننا نوافق بالاتصالات والسؤال وقالت انها بعيوني
وللاسف يابنات شوفي بدايتها وشسووا :059:
وشسوي انصحوني تكفون
وش الحل
عن mahmoudadam
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …