عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الخير خواتي الغاليات
شخباركم ؟؟!!
ندخل في الموضوع على طول احسن صح ؟؟
اوكي خدمة Back2MAC موجوده في كل محلات ماك ،، لكن الغالبيه مايعرفونها ومايستفيدون منها
والسبب ان اللي يشتغلون في ماك مايعرفون الزبون عليها http://www.3roos.com/forums/images/smilies/J_sad.gif يمكن نحاسه مايبون الزباين يستفيدون او انهم ما يبون يتعبون روحهم
في هالموضوع بعرفكم على تفاصيل هالخدمه من البدايه لين النهايه وشلون تستفيدين منها
خصوصاً ان اغلبنا مدمنات ماك ،، وعلب ماك عندنا بالهبل ..
بسم الله نبدي
Back2MAC بشكل مبسط للي ما يعرفها ،، انج ترجعين علب ماك لهم ..
ليش ؟؟ هم شنو يستفيدون وانتي شنو مستفيده هذا كله بنعرفه من خلال هالموضوع
MAC من احد الشركات اللي ملتزمه بأعادة التصنيع ،، يعني تساعد على حماية البيئه
وعشان جذي هي تطلب من الزباين يرجعون العلب الفاضيه لهم ،، عشان يقللون من تصنيع العلب ..
انتي كـ زبونه شنو تستفيدين ؟؟
على كل 6 علب ترجعينها لـ MAC
يعطونج روج Free مجاناً
والاحلى ان الروج تختارينه بالدرجه اللي تبينها
بس بشرط ما يكون من ضمن ارواج كولكشن الـ viva Glam
واللي موجوده بهالصوره
http://www.macaidsfund.org/who/images/img_viva_glam_v_multi.jpg
يمكن لأنهم من احلى الدرجات و مطلوبين وايد عندهم http://www.3roos.com/forums/images/smilies/J_sad.gif
بهالطريقه انتي تساعدين ماك انهم يحمون البيئه وبنفس الوقت تستفيدين من العلب الفاضيه وتاخذين روج
الحين الشروط اللي لازم تكون موجوده في العلب اللي بتردينهم عشان تقدرين تستبدلينهم ::
– لازم تكون على علبة المنتج اشارة اعادة التصنيع ،، وهي موجوده في اغلب منتجاتهم
http://cbll.net/misc/recycling.symbol.gif
– علبة المنتج نفسها هي اللي تتبدل ،، يعني العلب البلاستك و الورق ماتنفع
يعني العلبه الخارجيه او الكرتون مو مطلوبه ،، حتى ورق التغليف والاكياس ماتنفع
– علب الـ mini setes اللي يكون فيها مثلاً 5 قلوسات صغار ،، او 5 درجات من الـ pigments هذي ممكن تتبدل ،، لكن تنحسب لج كـ غرض واحد وهني اقصد العلبه الخارجيه وماقصد الشغلات اللي داخلها
-علب السامبلز او العينات ،، غير مطلوبه او ماتنفع ،، مثلاً تاخذين منهم عينة pigment او درجة كريم اساس في علبه صغيره هذي ماتنفع للتبديل
-ادوات المكياج كذلك ماتنفع للتبديل
يعني مثل البرايات ،، الاسفنجات ،، المقصات،، الملاقط ،، عاقصة الرموش ،، وغيرها
-الاكسسوارات مثل شنط الفرش،، شنط المكياج،، حزام الفرش،، الرموش هذي بعد ماتنفع للتبديل
– لو عندج علبة ماسكارا ،، وباقي فيها شوي وماتبينها ،، او نشفت ،، مو شرط تكون فاضيه تماماً تقدرين تستبدلينها
-كل محلات ماك تقدرين تستبدلين فيها ،، حتى كاونترات ماك اللي تكون فرع داخل محل ،، لا يقصون عليج ويقولون لج مايصير ..
– في بعض محلات ماك تقبل اي عدد من العلب المسترده ،، لكن في محلات ثانيه ماتقبل في الزياره الوحده الا 12 علبه يعني يعطونج روجين 2 بس
-لو عندج علبة شادو او بودره ،، باقي فيها شوي وماتبينها تقدرين تردينها ومب لازم تكون نظيفه ومخلصه تماماً
-الحين الشي الاهم وهم علب الشادو وياكثرهم عندنا
تعرفون الحركه اللي اغلبنا سويناها الـ Depotting
واللي هي تشيلين الشادو من العلبه وتركبينه في الباليت مالت الشادوات
http://www.specktra.net/images/depotting2.jpg
تقدرين ترجعين هالعلبه ويقبلونها ،، واغلبنا بنستفيد من هالحركه
http://www.specktra.net/images/depotting4.jpg
حتى لو كان هالجزء ذايب او مخترب ،، رجعي العلبه الكبيره بدونه ويقبلونها
كان هذا موضوعي اليوم واتمنى ان الكل يستفيد منه
واللي قطت علبها من قبل لا تزعل http://www.3roos.com/forums/images/smilies/J_sad.gif انا كان عندي علب يمكن تجيب لي3 ارواج او اكثر من حركة الـ Depotting http://www.3roos.com/forums/images/smilies/J_sad.gif http://www.3roos.com/forums/images/smilies/J_sad.gif
بس من بعد اليوم لازم كلنا نحتفظ بالعلب ونستفيد منها ،، بدال ما ينقص علينا ونخلص كل فلوسنا في ماك ..
خلونا ناخذ شي ببلاش مره وحده على الاقل http://www.3roos.com/forums/images/smilies/Ta_clap.gif
الموضوع جهدي الشخصي ،، واللي تحب تنقله حياها الله عشان تعم الفائده
بس ياريت ذكر المصدر عند النقل
منقووووووووووووووووووووووووول
