عالم البنات النسائي كل ما يخص المرأة العربية من ازياء وجمال والحياة الزوجية والمطبخ
Hi everyone
بالبدايه هذي مو بس فرصتي الذهبيه عشان أعتني بنفسي هذي بعد فرصتكم الذهبيه
أنا جايه هنا أقول لنفسي stop
يعني أنا مسويه موضوع لنفسي لأني قرفاااااااااااااااااااااااانه أتعب وأنا أقول قرفانه من الإهمال اللي ظالمه نفسي فيه
فـ عشان كذا قلت بسوي لنفسي موضوع يحسسني انو هذي فرصه لاتعوض عشان أشد على نفسي وأقلبه تحدي لنفسي قدام الملايين << سااااادّ
لأني ( مابقى ) طريقه إلا وسويته مع نفسي عشان أنتظم بعنايتي فـ نفسي بس على قولة الكويتيين >>>>> ماااااااكو فاااااااااايده
اللي بتمشي معي أهلاً وسهلاً اللي مب ماشيه معي الله موسعه
(( طبعاً مو شرط اللي تمشي معي تنتظم بجدولي ومش عارفه ايه …… لا ، تنتظمين بتحدّيك لنفسك ))
” بس شرط عليك تدخلين هنا يومياً : تقولين شسويتي من قمتي لين حزة نومك وإلا موضوعي يتعذرك << مو ناقصه تحطيم
يلا بسم الله ابدا مع نفسي وحيّا الله اللي بتقول لنفسه stop وتبدا معي تحمسني وأحمسه تنافسني وأنافسه
.: هذا جدولي اللي بمشي عليه بحول الله وقوته .:
الوجه // صابونة الكركم ، خلطة تفتيح ، كريم ترطيب ، قناع الحلبه ، قناع الورد ، بخاخ الورد ، اسكينول الليمون
الرموش // زيت الخروع
الهالات // خلطة د جابر ، فازلين + كركم
الشفايف // مسحة عسل قبل النوم
الجسم // خلطة التفتيح ، خلطة التقشير ، ترطيب
الركب والأكواع // خلطة د جابر ، فازلين + كركم
الحلوه // خلطة تفتيح
القدمين // فازلين + زيت اللوز المر
الشعر // حناء ، خلطة السدر ، زيت ، خلطة الطلعه
~
Ok .: طيب نبدا بالتفصيل الحين .:
الوجه ~
خلطة تفتيح الوجه :: أفالون الأزرق والوردي + ريتن A + بتنوفيت الوردي << مآخذته من وحده تمدحه هنا بس نسيت اسمه ـ يومياً قبل النوم
قناع الحلبه :: نص كاس حلبه حب تُنقع بكاس ماء ليله كامله راح تتخمر وتكثر – اطحنيها بالخلاط بموية النقع وحطيها بعلبه خاصه بالثلاجه – ملعقه من عجينة الحلبه + ملعقه من الزبادي << يومياً لحد ماتنشف ثم تغسل بماء ثم بخّي ماء الورد المبرّد على وجهك
قناع الورد :: 4 ملاعق كبيره نشاء + 4 ملاعق كبيره ماء ورد + كوب صغير ماء + ملعقه كبيره جليسوليد = تخلط المكونات بقدر صغير على نار هاديه لحد ماتثقل شوي ثم تضيفين الجليسوليد وتحفظينه بعلبه وبالثلاجه << عليه مدح مو طبيعي ـ مره يومياً
اسكينول الليمون :: علبة اسكينول ليمون مضاف له ملعقتين كبار نشاء ـ قبل الإستخدام ترجينه زييين وتمسحين به وجهك بقطنه 3 مرات باليوم
الجسم ~
خلطة تفتيح الجسم :: علبه كبيره جليسوليد الأحمر + علبه صغيره فازلين + علبه صغيره فكس + علبه وسط بودرة أطفال + عصير ليمونتين + فنجان ماء ورد + كأس حليب سايل = تخلط بالخلاط ثم بعلبه زجاجيه وتحفظ بالثلاجه << مآخذته من وحده تمدحه هنا بس نسيت اسمه ـ يومياً قبل النوم
خلطة تقشير الجسم الخياليه :: علبتين مقشر المشمش + 4 ملاعق كركم جسم + 4 ملاعق زيت اللوز المر + 4 ملاعق زيت جنين القمح + 4 ملاعق طحينه + ملعقتين ملح = تخلط وتوضع بعلبه كبيره وبالتواليت ، يشطف الجسم بمويه ثم يدهن بخلطة التقشير ويترك 10 دقايق ثم يقشر الجسم من تحت لفوق بشوية عنف وبحركه دائريه ثم يغسل بشاور جل أو صابون بابايا
خلطة تفتيح الحلوه :: :: فنجان حليب بودره + فنجان زيت زيتون + فنجان ماء ورد + عصير ليمونه + ملعقتين كبار جليسوليد + ملعقه كبيره نشاء << برضوا وحده تمدحه ونسيت اسمه ـ يومياً قبل النوم
الشعر ~
خلطة السدر :: بصله مقطعه أنصاص + فصين ثوم مقطع نصين + فنجان زيت + سدر = تغلين البصل والثوم بقدر فيه كوبين مويه لحد مايصفر وتسكرين النار تصفين المويه ثم تضيفين الزيت والسدر واذا برد حطيه على شعرك واتركيه 5 ساعات مع لبس الكيس .
خلطة الطلعه :: سميته كذا لأني أحطه قبل أي عزيمه لأنه تعطي لمعااااااان ، ملعقتين فاشكول بالثوم أو الجرجير + ملعقتين باناويل بالقمح أو المشمش + ملعقتين زيت = خليَه على شعرك اقل شي 3 ساعات مع لبس الكيس
~
