عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اهلين بالفراشات 😆 idea:
العلاقه مع خالة الزوج (اخت ام زوجك) كثير بنات يعانون من خالات ازواجهم او ان خالات زوجها طيبات معها
وام زوجها تحبها لكن اصغر خالاته تكرها وتتعمد تحرجها قدام الناس .
والسبب اما الغيره من البنت لانها حلوه او كشخه و انيقه ومدلعها زوجها
او ان خالة الزوج تكون عندها بنت قريب سنها من سن زوجة ولد اختها و كانت تبغى ولد اختها لبنتها وحقدت
عليها .
من البنات الي يعانون من خالات ازواجهم:
للاسف انا عندي حاله مشابه لتدخل خالات الزوج
بس انا خالاته يشيشون خالتي علي
وبالفتره الاخيره صار موقف بيني وبينهم كلنا غلطانين فيه قومو الدنيا علي
بس اشوه ريلي صج ريال والنعم فيه قالي مالج روحه لهم وخليهم يولون ولو عليه جن ما اروح لهم نهائي بس علشان اكسب خالتي لي وما اخسرها
في حالات مشابهه واجد
صديقتي نفس الحاله
ام زوجها تهبل ذهبه طيبه حيل بس مع الاسف اختها اللي اهي خالة زوجها شريه ومتدخله في حياتها
حتى اذا بتسافر صديقتي لازم خالة زوجها ترز عمرها معاهم بالسفره
وتدخل حتى في قعدتها من النوم ليش توج تقعدين ؟؟وليش تطلعين ؟وليش وليش وليش وتشيش ام زوجها عليها
للعلم خالة زوجها ماتجيب اعيال ومسويه اعيال اختها مثل اعيالها بس المشكله ضاره نسوانهم ومن ضمنهم صديقني بعد قلبي
يا بنات ترا خالة زوجك مو زي امه مو مهم تحبك تكرهك اهم شي انتي
افرضي احترامك على الناس وهم بيحترمونك .
انا صارت لي مواقف مع خالة زوجي بعد انا كنت اطنشها واجي لديراتهم اوسع صدري واسولف مع بنات
خال وخالات زوجي وهي كانت تعطيني نظرات حاقده وحتى بنتها بنتها عمرها 22 وانا 24 ما تسلم علي
وبطقاق ما اعطيهم وجه واكشخ اخر درجه واروح في اجتماعاتهم والحين تغريت معي شكلها ملت
وغير كذا حملت بتوم وتعبت في حملها وحتى ولادتها كانت قيصريه والحين انشغلت بتربيتهم جابت بنتين
توم واحده هي ماسكتها والثانيه اختها (الي ما تسلم علي) ماسكتها.
كيف علاقتك مع خالات زوجك؟
يحبونك والا يكرهونك؟
انتظر الردود 😛
