عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مــرحبــاا
صباحكم روز … و مسائكم مسك
حابه نتكلم عن Body Shop و عن كل منتجاته
يعني كل واحدهـ تدخل تقول لنا شنو جربت من Body Shop و عجبها و تنصحنا نشتريه
و شنوو اللي أخذته و ما عجبها على شان نتجنبه
عموما بودي شوب بشكل عام …. للبنات اللي تحت الـ 25
أما اللي أكبر ما راح ينفعهم أبدا
يعني مو مثل منتجات Dior
بودي شوب ما تخفي لا هالات سوداء ولا خطوط تحت العين و لا شد للبشره
لأن بودي شوب كله من مستحضرات طبيعيه
لحماية البشرة في هالسن
للحمـــــاية فقط …. و حطي تحتها خطين بالأحمر
لأنها ما تعالج هذاك الزود مثل ما قلت لكم من قبل
المهم
اللي جربته أني جزء من مجموعة فيتامين E
و هي أكبر مجمووعة في البودي شوب
أستخدمت مرطب الشفاهـ
فيهـ ريحه شووي .. حلوهـ
و حسيت أن بشرتي رطبه أول ما حطيته
توو أستخدمه فما راح أقدر أتكلم لكم عن نتائجه كثير
سعرهـ … 20 ريال
كريم العين
تستخدميه مرتين الصباح و الليل
ملاحظه مهمه كثير … إذا راح تستخدمي كريم العين تحطيه على العظمه بس
أبدا ما تدخليه على الجفن لا اللي تحت و الا اللي فوق
فوق تحت الحاجب ( على العظمه ) ….. و تحت بعد ( على العظمه )
مثل ما وضحت لكم بالصورهـ
( عند النقطع السوداء …. تضغطي و تحركي إصبعك بشكل دائري )
ولا تخافي راح يوصل الكريم للجفون … لأن هالمنطقه لها المقدرة على توصيل المادهـ لفوق
( هذي الطريقة تستخدم مع كل كريمات العيوون )
واقي الشمس
واقي الشمس ضروووري مرررهـ لكل واحدهـ تطلع من بيتها وقت الصباح أو الظهر أو العصر
لأن الشمس مرررره ضااارهـ للبشرهـ مثل ما كلكم عارفين تؤذي البشره وتسبب لها التجاعيد المبكره
سعرهـ …. 57 ريال
كريم لليدين و الأظافر
بـ 44 ريال
كريم مزيل مكياج
يحتاج أقول قد إيش ضروري تزيلوا المكياج قبل النوووم ؟
ما أظن لأن أكيييد كلكم عاارفين أنوو ميصير تنامي و الميك آب بووجهك
هــذا الكريم لازم تأخذيه مع القطن من بودي شوب ما يصير تستخدميه بالمناديل العاديه
لأنها تخدش البشرة
موجود عندهم بعد مناديل إزالة المكياج .. لكن الكريم أفضل منها
حتى لو تسألي العاملين بالمحل بيقولوا لك هيك
و هذي هي المناديل
كريم النهار
موجود عندهم ثلاثة أنواع من كريم النهار
1. عادي للبشره العاديه
و آخيرآ ….. التونيك
وهو …. أهم أهم أهم شي
لو ما إستخدمتي التونيك قبل الكريمات … راح تطلع لك بثور على المدى القصير
يعني لازم كل ليله
تنظفي وجهك بغسول الوجه فيتامين E
جففي بشرتك من الماي … شووي بس مو كثير … خليها رطبه
و بعدها تأخذي قطن دائري مضغوط من بودي شوب
بـ 117 ريال
و أستخدمت مبرد الأظافر اللي من أربع جهات .. خطيييييييييييييييييييير
و الله من أستخدمه أجلس لي ساعه معجبه بإيدي
هو مبرد و هو ملمع و الله كأني حاطه مناكير لماع على يدي
و يظل فتره طويله يعني أيام
يخلي اليد جـذااابه … حتى لو أظافرك مو طووويله تصير حلووووهـ
و إستخدمت نوعين من الفاونديشن … مرره أعجبوني
يعطوا شوية إضائه
و هذا الثاني فيه كمان واقي الشمس و فيتامين
وبــس
ملآحظهـ … الموضوع من مجهودي الشخصي
تعبت عليه كثييير … فما أسمح لأي أحد ينقله بدون ذكر المصدر رجــاء
ويلا بإنتظار مشتريات الـ Princesses 😡
علمووونا كل شي إشتريتوهـ من بودي شوب
سواء إشتريتوهـ أمس ولا قبل سنتين ❗
