عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ياملا الساحق والماحق والمرض المتلاحق
<< أعوذ باللهياملا المرض اللي ماله علاج
<< ولامرض ماياكلها غيرك إنتي اللي بتقابلينه وتدارينهدعااااااااااااوي أسمعها ويمكن أغلبكن تسمعها كل يوم
وللأسف نسمعها من أم لولدها أو لبنيتها
ياأمهات اللي خلاني أكتب هالموضوع اليوم هو الدعاوي المميته والعياذ بالله
تجيكي الوحده معاها قاموس بالدعاوي الشينه ولا الزينه ماتعرفها
لاكسر ولدها الصحن قالت كسر الله ضلوعك
<< ليش كل راسه صحن وبداله صحنلانثر العصير ولا المويه على الموكيت ولا السيراميك قالت نثر الله دمك<<
طيب ليش مانجرب لاكسر ولدك شي قوليله
الله يصلحك ياوليدي لاعاد تعيدها
ولا نثر شي ع الموكيت إمسحي على راسه وقوليله
عيب يايمه مايصير تسوي كذا وخليه يجيب فوطه ويمسح العصير
ترى شطانة عيالنا وطفاقتهم من إسلوبنا وتعاملنا معاهم ودعاوينا عليهم
ويمكن تكون إستجابة الدعوه على عيالنا سبب في زيادة العقوق والفساد
جاء رجل على عبد الله بن المبارك رحمه الله يشكو إليه عقوق ولده
فسأله ابن المبارك: أدعوت عليه ؟ قال:نعم. قال اذهب فقد أفسدته.”
وهذا الجواب منه يدل على سعة علمه رحمه الله
فإن الدعاء على الأولاد لن يزيدهم إلا فسادا وعنادا وعقوقا ،
وأول من يشتكي هذا العقوق هو من تسرع بالدعاء على الأولاد.
ولا تجيكي الوحده وتدعي على بنتها بالموت<< هالدعوه سامعتها بنفسي
روحي يابنتي ياجعلني أبكيك؟؟؟؟؟؟؟؟؟؟؟؟؟؟؟؟؟؟؟لييييييييييييييييش
ترى وربي أول من ينكوي بنار دعوتك لو إستجابها ربي إنتي,,,
أخبر النبي صلى الله عليه وسلم عن ذ لك بقوله:
” ثلاث دعوات يستجاب لهن لا شك فيهن…” الحديث
وذكر منها : “ دعوة الوالد لولده” وفي رواية : “على ولده” .
ترى الموضوع كبييييييييييييير
تخيلي دعوتك تصادف وقت إستجابه!!
وحده تحكيلي هالموقف تقول صار عند جيرانهم
تقول توهم فارشين البيت جديد
وجا الولد عمره بحدود ال7سنوات أو9سنوات مو ذاكره والله
المهم تقول حطو العشاء وولدها معاه علبة بيبسي رجها وفتحها
طاش العصير ع السجاد الجديد قالت الأم بغضب وبصراخ “طاش دمك”
الولد من الخوف جرى على برى وهو يجري تقول قال آميين وهو يضحك
تقول والله ماأمداه يطلع مع الباب إلا السياره صادمته وفعلا طااااش دمه بالشارع وماااااااااااااااااااااااات:)
تقول أمه في حال مايعلم به إلا الله وجالسه تلوم نفسه وإنه هي اللي دعت عليه
ولو دعت له بالصلاح والهدايه ماكان أحسن لها..!!!!<< ولكن لافات الفوت ماينفع الصووت
<< طبعا اللهم لاإعتراض وأكيد هذا يومه وهذا المكتوب له
ولكن دعوت الأم كانت سبب من الأسباب وصادفت دعوة إستجابه
تخيلي ياأخيتي موقف الأم بتعيش طول عمرها تأنب نفسها وتلوم نفسها
يعني وش بيضرها لو قالت الله يصلحك ياوليدي
ولكن قدر الله وماشاء فعل…
وثانيه تقول
كم أم دعت على ولدها وإنشل
ويكفيكم للعظه والعبره اللي صار للداعيه عبدالله بانعمه يوم دعاء عليه أبوه بالشلل………….
وبنفس اليوم طاح وإنكسرت رقبته وإنشل!!!!!
إدعو لعيالكم بالصلاح والهدايه
لازعلك ولدك قولي الله يصلحك ياوليدي
لازعلك قولي الله يهديك
لاتدعون عليهم إدعو لهم يمكن دعوتك تصادف ساعة إستجابه ويصلحلك ربي ضناك ويهديه 😆 idea:…
وقفه…
أمس قريت على شريط قناة بدايه وحده تقول
إنه ولدها عمره 5سنوات دعسته سياره قدام عيونه قبل 6شهور ومات
الأم سلت عن الولد وعاشت لعياله الباقين
ولكن اللي صار إنها بعد 6شهور من وفاة ولدها
وأمس بالتحديد طلعت ملابس الشتاء وكان من ضمنهن جاكيت شتوي لولدها اللي ماات
وحست إنه فيه حاجه في الجاكيت فتشت فيه ولقت حلاوه وريال!!!!
يالله كيف كان شعور الأم لحضتها
القدر ماأمهل الصغيرون ياكل حلاوته 😥 ولايشتري برياله
الأم تقول إنها من أمس تحس روحها ذايبه
لاتدعين على وليدك ولاتخلينه ينام وهو زعلان منك
يمكن القدر مايمهلك تعتذرين منه ولاتضمينه مره ثانيه
يمكن تكون آخر مره تشوفينه أو تصرخين عليه
يابنات عيالنا أماااااااااانه في أعنااااااااقنا
عيشو لهم وعيشوهم طفولتهم خلوهم يعيشوها بالطول والعرض
لاحقين على الهم والغثاء
العمر واااااااااااااااااااااحد ياأمهاااااااااااااات
…
فياأمهاااااااات إتقين الله في أطفالكن وتخيرن الدعوات الطيبه حتى ولو كنتي غااضبه منهم 😆 hy:
وإذا غضبتي منه تعوذي من الشيطان الرجيم:)
ولاتنسيييييييييييييييين ياأم ترى دعوة الوالدييييييييييييين مستجااااااااااااااااااااااااااااااابه
فإدعي لولدك هداكي الله ولاتدعين عليه
ولاتنسي إنهم زينة الحياة الدنيا وزهرتها وبهجتها:
( الْمَالُ وَالْبَنُونَ زِينَةُ الْحَيَاةِ الدُّنْيَا )(الكهف: من الآية46).
ويجب علينا الإقتداء بسنة الرسول عليه الصلاة والسلام
فقد نهى عليه الصلاة والسلام عن الدعاء على الأطفال فقال:
” لا تدعوا على أنفسكم ولا تدعوا على أموالكم ولا تدعوا على أولادكم ،
لا توافقوا من الله ساعة يسأل فيها عطاء فيستجيب”.
ترى ماأعرف أكتب مقدمات ولاأعرف أنمق الكلام ولاأبهرجه
ولكن حصل إني سمعت أم تدعي على بنتها اليوم
وجاء على بالي إني أكتب هالموضوع<<أول مره أكتب موضوع بحياتي خخخ
كلمات طلعت من قلبي
بدون تنميق ولاترصيصويارب تكون وصلت لقلوبكن
ترى كتبت الموضوع الآن بهاللحظه ونزلته على طول
فإعذروني إن وجدتم بعض الأخطاء
وأعذروني عن الإطاله
لقد أحببت أن أشارك بحملة الأخت الغاليه ” توفي المنتوفي “
وبسبب إعجابي بقلمها المميز أحببت أن أكون ضمن الأخوات
اللاتي شاركن بحملتها
فأتمنى أن أكون قد وفقت في ذلك
وجزاها الله كل خير وحقق لها ماتتمنى..
فإذا وفقت فمن الله وإذا أخطأت فمني والشيطان
هذا وصلى الله على أفضل الأنام محمد عليه الصلاة والسلام
هدى الله أولادنا وأصلح لنا ذرياتنا وجعلهم قرة عين لنا في الدنيا والآخرة،
والحمد لله رب العالمين.,.,.
…
