عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مستجدة وحابة تعرفين ايش الستايل اللي يناسبك..!
أو مليتي من استايلك القديم وحابة تجددين..!!
طيب خلينا نشوف اهم واغلب الاستايلات اللي ممكن تكون مجموعة طلات لك في الكولج
بس أول شي راح تجيبين معاك ورقة وقلم..لأننا راح نساعد البنات المستجدات
واللي ماتعرف ايش ممكن اشياء تشتريها قبل الكولج وماتتحسف
ترا الدعوة فيها كرف..!
لا تستغربين..لأني كنت مثلك احب التغيير وفجأة صرت بزي..ومقدر اطلع كثير بحكم الدراسة ووقتها
بس اذا طلعت السوق اخذلي كم قطعة تنكرف..!
صدقيني كل البنات من الملل..يصير مالهم خلق..فلا ترهقين نفسك ولا اهلك
الجامعة ابسط مما كنت انا اتخيلها ايام المراهقه خخخ
جهزتوا الورقة والقلم..!
يلا نبدا..!
أول شي لازم تعرفون ايش نظام جامعتك لو تمنع اشياء معينة عشان ماتتوهقين باللبس المخالف…!
أنا كنت سنة تحضيرية وكنا جامعتين..الاميرة نورة مع بنات سعود
فكانت الانظمة نوعا ما اهون بكثييير مو عشان سواد عيون بنات نورة خخ – مثل ما اتوقع –
عشان بنات سعود ..والطاقم التدريسي الاجنبي..!!
والله يستر هالسنة شكلهم بيقلبون علينا..!!!
المهم
اكتبي اللحين ايش الاشياء الضرورية واللازمة ..!! واللي ماتحسينه مهم بالنسبة لك مو شرط تتقيدين باللسته 
– التنورة السوداء
طبعا اغلب بنات الجامعة..يلبسون التنورة السادة..! اللي مافيها ولا خربطة..!
قولوا ليش..؟؟
– تناسب اغلب القمصان والبلايز..اي اغلب الستايلات..!
– النوع اللي نختاره بارد وخفيف ويخلي الهوا يهفهف..!
– تعطي مظهر عملي اكثر وشبابي – بنظري –
وفيه كثير بنات اعرفهم لما جا الترم الثاني اشوفهم خلوها سادة..! مدري ليه توهم يغيرونها
والصراحة صارت طلتهم احلى..!
امم يمكن احد يخالفني الراي…!؟
عندك المجد وطيبة يبيعون تنانير حلوة وبـ 20 و 25
وكمان كوتون بـ 99 على خبري..!
وصف محل المجد اللي يبيع تنانير سادة – مو دعاية مجرد مساعدة –
بوابة 4 ثالث محل ع اليمين..،
فيه عنده 3 انواع..ميدي..وعادية .. واستريتش
الاستريتش شريتها وخليتها في البيت ماحبيتها مررة
والعادية اخذت اربع وناسبوني..
الميدي ماعجبتني لانو فيها قصة..!
محل طيبة مااعرف وصفه والله..! البنات مايقصروا ان شاء الله
سري
والله مدري هو سر ولا يقاله اكشن خخ
لما تلبسون التنورة بتحسون انكم لحجيات جداا..وعادي جدااا
انا اخذها للخياط واخليه يقصرها لفوق الكعب..كذا تمام؟
ويخليها ستريت اهم شي..لانها تجي واسعه زي كذا ^ بس ع خفيف..!
بس لازم هالحركة
– قميص ابيض
مدري ليه البنات المستجدات نشوفهم لابسينه اول يوم..!؟
مع اني انا كنت لابسه لون غير الابيض ..
بس احسه ضروري يكون فيه خزانة كل وحدة فينا..!
زارا عنده تشكيلات جمييييلة جدا..بس العيب تشوفينه ع نص بنات الجامعة
و قاب ينزلون دايما..القمصان اللي موديلاتها معروفة..
واذا كنتي مما يهمك البراند الكبيرة..!
ممكنت تاخذين من بربري..أو باولو سميث..أو رالف لورين..أ الخ
وهالله هالله بالكرف 
– بولو
اذا جامعتك تسمح بالنص كم ممكن تاخذين لك منه..و احيانا كمان تلقين اكمام طويلة
تلقينهم عند زارا ..وسنتر بوينت الوان كثيرة بس اللي شفتهم نص كم
مدري اذا لسا موجودات..!؟
ومعروف انو هالستايل منتشر جدااا في لاكوست ورالف لورين..واخونا بربري
– تي شيرت
في الفترة الأخيرة صرنا ننافس محلات الرجال..بما ان الموضة كانت الوسييييع
والصراحة احلى شي لما تاخذين من قسم الرجال تضمنين انها مابتكون منتشرة..وغير الرسومات اللي عليها رهيبة
بما اني نحيفة فاخذ سمول من قسمهم ويطلع رايق..بس اهم شي اصفطي الكم حبتين..!
لطلة رآيقة
واللي تحب الضيق.. مالها الا القسم النسائي اكيد ..
عندك في قسم الرجال.. محلات توب شوب..وريفير ايلاند..وسنتر بوينت وماكسفورت
الوانها حلوة واسعارها احلى
اما البنات..فبيرشكا..وسترادفيروس ..ونيولوك الخخ
– البلوفر
مدري اذا صح التسمية..!
حاجة مهمة ويفك ازمات..خوذيلك للصيف والشتاء
فيه نوعية باردة وتصلح في الصيف..نزلوا منها سنتر بوينت الوان رايقة..وكانت ب 60 وايام التخفيض بـ 30
والبنات ماقصروا قشوهم..لأنها بجد تطلع مرة كول
لما تلبسين تحتها تي شيرت فنكي..أو سادة قصته دائرية مابين الا الرقبة..وتلبسينه فوقه
مع اساور ملونه وربط وهيك شغلات مرررة رآآيق
بس بليز مو تقشون كل الالوان مدري ماحبيت اني اخذ كذا لون
احس واحد او اثنين بالكثير يكفي..! مع اني اعشق هالستايل
وع فكرة يفك ازماتك مع الامن ولكاعتهم خخ
– شوز
من ناحية الشوزات فالسوق مليان..اذا كنتي تحبي السبور
فتذكري انو لما تلبسيها اللبس يكون متماشي مع الستايل تبعك
لبس انيق جدااا..انسب شي فلات او صندل
بس الله يعينك ع الوصخ من تمتير الجامعة..خصوصا لو لبستي صندل
بس لازم مع الفلات تلبسين شرابات المخصصة لها
لانو مع الوقت بتطلع ريحة مو كويسة
وفيه في الصيديلة زي الشي تحطينه جوا الشوز ويحافظ نوعا ما ع الشوز انه مايخترب من كثر اللبس من جوا
يعني مايتخفس ويريح القدم..! مدري فهمتوا علي او لا..!
فيه طريقة عشان ما تطلع ريحة شينة..أول شي نظفي رجلك وغسليها بالصابون بعدين نشفيها وحطي بودرة اطفال
راح يقل تعرق الرجل..
ولو طلعت ريحة مو كويسة من الشوز..جيبي ليبتون وحطي جواتها وعرضيها لأشعة الشمس..وراح تروح الريحة
المحلات والبرانداز كثير..! 
– واقي الشمس
اهم شي احسه مهم..لأن الشمس قوية..وتحتاجين تحافظين ع بشرتك ولونها
خوذي شي للوجه..واليدين والرجلين
الأنواع كثيرة
بالنسبة لي اللي ناسبني..كلينك
– الشنطة
الشنط ع حسب انتي وش تبين..!
وع حسب كتبك وقرابيعك..!
فيه الغالي وفيه الرخيص
ماتحبين تغيرين وتبين تكرفين مالك الا الغالي..!
طبعا الماركات الجيدة واللي تتحمل الكرف متفاوته بالاسعار
فيه مثلا قيس وليز كليبورن الخ اسعارهم جيدة وتتحمل الكرف
وفيه دكني وكوتش والفيرو اعلى منهم حبتين وكمان حلوة
وفيه ال في و بربري وغوتشي و و الخ
المحلات العادية واللي تبيع تصاميم حلوة واحيانا تشبه تصاميم الماركات الكبيرة
بارفوا..
اكسسواريز..والدو..ومحلات الملابس كزارا وبرمود ووو وغيرها الخ
– النظارة الشمسية أو الصن قلاسيز
ع حسب اذا جامعتك مفتوحة فتحتاجينها ضروري لأن اشعة الشمس مرة قوية
واذا لا فبلاش
اهم شي خوذوها من محل متخصص بالنظارات
والبراندز ياكثرهم فيه من 200 وطالع
– الساعة
اهم شيي لاتحسبين انك زي المدرسة تنتظرين الجرس..لااا
فلازم تكونين لابسة ساعة..او حتى الجوال صار يغني
وممكن بالجوال تحطين منبه..و سولفي ع راحتك خخ
-الشعر
لا تتكلفين واجد لأنك بتملين وبيتعب شعرك
بمان شعري ويفي ناعم خخ
بعد مااطلع من الحمام..احط نقة بديل زيت..بس نقطة..اوكي
وامسح يدي بعدين اوزعه ع الشعر..وانشفه
وهنا يبدا الشغل احيانا اخليه شينون بسيط نازل..او افكه مع حركة بسيطة
او استشوره…يعني مزاجات..!
بس االاغلب ع طبيعته : )
– الميك أب
خلي طلتك تكون خفيفة..وبنفس الوقت وجه مريح لك ولغيرك
استخدمي الواقي – فيه منها بلون-..أو معاه حطي أولاي بالتوت البري
وكحل لو حابة..ورتبي حواجبك..مع بلاشر وروج رآيق..واذا حبيتي ماسكارا
والافضل تكون مو ضد الموية عشان ماتسبب تساقط رموشك 
– الاكسسورات
حلو تلبسين حلق نعوم وصغير..وانتهينا
واذا انتي راعية تعليقات..بس اهم شي خليها سمبل..ولا تسوين زحمة وتلبسين
كل قراشيع بيتكم خخ
– العطر
عشان تكملين طلتك..ماراح اتكلم عن النظافة الشخصية..لأنو لو تحطي عطر وانتي ماتحممتي الصباح
او ماتتحممين يوميا..فالريحة بتنقلب ضدك..
عطر خفيف ورآيق للصباح ولأجواء الصيف..بالشتاء ممكن تثقلين الريحة بس مو لدرجة تلوع كبودنا
عندكم فلانتينو الجديد حبيته مرررة..ولاكوست رآيق..وفيمي لBoss مرررة رااااايق للشتاء
وكمآن فيه عطورات عند دي بودي شوب اقتصادية وريحتها واو
اممم كثير خيارات عندك
برب
