يا جماعه انا جاد بالموضوع
وهالعرض لأهل ابوظبي وبتعرفون السبب
عندي مطعم بالخالدية والحمدلله شغله ممتاز ومدخوله زين
حبيت اتوسع شوي وازيد من دخل المطعم بس مشكلتي ماعندي وقت اجابل الدوائر الحكومية والقطاع الخاص حتى اسوي عقود وياهم
تعاقدت مع جهه حكومية واطرش لهم عدد معين من الوجبات بشكل يومي والحمدلله مستانسين ومرتاحين من الاكل لأنه طازج والاسعار زينه
كل اكلنا عباره عن سندويشات بس بطريقه غير
يعني تطلب الوجبه ونسوي كل شي فرش جدامك
السندويشات عباره عن فاهيتا وفلادلفيا وستيك ونقانق …. الخ
يعني وجبات سريعه بس طازجه ومب مثلجه
حاليا ابا اتوسع شوي واتعاقد مع جهات ثانيه حتى يكبر البزنس ونكبر شوي شوي وياه 
اللي ييب لي عقد سنوي بعدد فوق ال100 وجبه باليوم له 10 الاف درهم ضربه وحده
^_^
وطبعا كل ما زادت عدد الوجبات بتزيد النسبة
تخيل انك بكم من اتصال يبت لي 3 عقود وكل عقد ب100 وجبه …!
على طول 30 الف درهم بتكون عندك
شدوا حيلكم وياي شوي
على الاقل نساعد بعض
البعض بيعطيني اقتراحات وجزاكم الله خير بس والله مب قادر أدور على الدوائر وارمس احد لأن شغلي ماخذ كل وقتي
وفي انتظاركم
2345567 – 050
اخوكم
ابو شوق
الجامعات من اول السنة الدراسية ان شاء الله
لأنه ماشي وقت حاليا لأنهم في منتصف العام الدراسي
^_^
والله ياخوي
انا ان حصلت لك عقد مع اي جهة
بعطيك اياها بالمجان
و ماريد درهم واحد منك
لانك تستاهل كل خير 🙂
فرضا صار عندك 1000 طلب او اكثر باليوم كيف بتقدر تسويلهم كلهم طازج لانه الطلبيات تقريبا يبونها على وقت واحد يا اما للريوق ولا الغداء
؟؟
الله يوفقك ان شاء الله
احنا دائرتنا بصدد التطوير عندنا
ومحتاجين على ما اظن كافتيريا او كانتين للموظفين او حتى المراجعين
وشكلك يا اخوي ما بتييب 100 وجبه
بتييب ظنتي 1000 وجبه وما بتكفي
ع العموم اذا تبا اي دائرة يا ليت تتواصل وياي ع الخاص
وحياك الله
اطرح موضوعك عالجامعات والكليات بتستفيد من هالشي يحبون الاكل الفريش
وبالتوفيق ياربي .. تستاهل كل خير
خاطري اجربه ^^