يا جماعه انا جاد بالموضوع
وهالعرض لأهل ابوظبي وبتعرفون السبب
عندي مطعم بالخالدية والحمدلله شغله ممتاز ومدخوله زين
حبيت اتوسع شوي وازيد من دخل المطعم بس مشكلتي ماعندي وقت اجابل الدوائر الحكومية والقطاع الخاص حتى اسوي عقود وياهم
تعاقدت مع جهه حكومية واطرش لهم عدد معين من الوجبات بشكل يومي والحمدلله مستانسين ومرتاحين من الاكل لأنه طازج والاسعار زينه
كل اكلنا عباره عن سندويشات بس بطريقه غير
يعني تطلب الوجبه ونسوي كل شي فرش جدامك
السندويشات عباره عن فاهيتا وفلادلفيا وستيك ونقانق …. الخ
يعني وجبات سريعه بس طازجه ومب مثلجه
حاليا ابا اتوسع شوي واتعاقد مع جهات ثانيه حتى يكبر البزنس ونكبر شوي شوي وياه
اللي ييب لي عقد سنوي بعدد فوق ال100 وجبه باليوم له 10 الاف درهم ضربه وحده
^_^
وطبعا كل ما زادت عدد الوجبات بتزيد النسبة
تخيل انك بكم من اتصال يبت لي 3 عقود وكل عقد ب100 وجبه …!
على طول 30 الف درهم بتكون عندك
شدوا حيلكم وياي شوي
على الاقل نساعد بعض
البعض بيعطيني اقتراحات وجزاكم الله خير بس والله مب قادر أدور على الدوائر وارمس احد لأن شغلي ماخذ كل وقتي
وفي انتظاركم
2345567 – 050
اخوكم
ابو شوق
بالتوفيق أخويه أنا عاد أبى اسم المطعم وقائمة المنتجات والاسعار
عندي مناسبات في الفتره اليايه وبجربكم لو عيبتوني ابشر بالدعايه الطيبه عند العايله وصديقاتي(يعني تبارك الرحمان ) زباين باعداد كبيره
ولا ابى اي مقابل
والشغل الطيب بروحه يسد والمهم انه يبيض الويه
الله يوفق الجميع اخوي
شيك على الخاص
ولا تنسى تخبرني عن انطباعك ورايك
نتريا اسم المطعم عسب نيربه… بالتوفيق
بو شوق، كيف حالك.
عطني إسم المطعم و رقمه، شوقتني آكل من عندكم.
الله يوفجك بشغلك.
ماعرف شو المطعم اللي يا على بالك
على العموم شيك الخاص
لا تنسى تعزم الشباب بالدوام
^_^