يا جماعه انا جاد بالموضوع
وهالعرض لأهل ابوظبي وبتعرفون السبب
عندي مطعم بالخالدية والحمدلله شغله ممتاز ومدخوله زين
حبيت اتوسع شوي وازيد من دخل المطعم بس مشكلتي ماعندي وقت اجابل الدوائر الحكومية والقطاع الخاص حتى اسوي عقود وياهم
تعاقدت مع جهه حكومية واطرش لهم عدد معين من الوجبات بشكل يومي والحمدلله مستانسين ومرتاحين من الاكل لأنه طازج والاسعار زينه
كل اكلنا عباره عن سندويشات بس بطريقه غير
يعني تطلب الوجبه ونسوي كل شي فرش جدامك
السندويشات عباره عن فاهيتا وفلادلفيا وستيك ونقانق …. الخ
يعني وجبات سريعه بس طازجه ومب مثلجه
حاليا ابا اتوسع شوي واتعاقد مع جهات ثانيه حتى يكبر البزنس ونكبر شوي شوي وياه 
اللي ييب لي عقد سنوي بعدد فوق ال100 وجبه باليوم له 10 الاف درهم ضربه وحده
^_^
وطبعا كل ما زادت عدد الوجبات بتزيد النسبة
تخيل انك بكم من اتصال يبت لي 3 عقود وكل عقد ب100 وجبه …!
على طول 30 الف درهم بتكون عندك
شدوا حيلكم وياي شوي
على الاقل نساعد بعض
البعض بيعطيني اقتراحات وجزاكم الله خير بس والله مب قادر أدور على الدوائر وارمس احد لأن شغلي ماخذ كل وقتي
وفي انتظاركم
2345567 – 050
اخوكم
ابو شوق
الله يوفقك يارب
ياليت إسم المطعم وموقعه بنزووووركم إن شاء الله هالاسبوع
هلا اخوي ممكن التواصل ع الخاص
لأسباب التفصيل ويا ريت لو ارجنت
ان شاء الله بكتبه على العام بس ارتب الموضوع شوي وفالج طيب
نحن صار لنا 10 شهور تقريبا والتوسع والفتح بالمهرجانات ان شاء الله بيكون على السنة اليايه
شاركنا في احتفالات العيد الوطني على الكورنيش في ابوظبي ونافسنا كنتاكي وهالمطاعم السريعة والحمدلله والحين الناس قاموا ييون لأنهم جربوا أكلنا بالمهرجان
والله يوفق الجميع ان شاء الله