اعجبني رد الإخت ( المحرومه ) على موضوع عرس احد الاعضاء وقالت لي ( انت همك كرشتك وبس )
خخخخخخخخخخخخ
بصراحه تذكرت كل حفلات الاعراس اللي حضرتهم بالفتره السابقة
.jpg)
وجدت بأن غالبية الحديث اللي يصير عقب العرس بالنسبة لنا نحن الشباب يدور حول الاكل وحركات المعرس
واتذكر لما اشل اهلي من اي عرس غالبية الحديث يكون حول لبس العروس ومكياجها ولبس خواتها والموضة والمعرس اذا دش على العروس
غالبية الحديث عباره عن انتقاد لاذع
الشباب
والله الاكل بارد
الاكل ما ينفع
حد ييب تبوله بالعرس ؟
حد ييب صالونه ؟
بشت المعرس كبير عليه
تحليقة المعرس مب ضابطه
شوفوا شقا يضحك المعرس كإنه مب مصدق
…
هاي سوالف الشباب
اما السحالي
اوه آسف
اقصد البنات
سوالفهم
فستانها حلو بس تسريحتها مب ضابطه
فستانها مب حلو وموديله قديم
فستانها ماخذتنه ايجار
الكوشة استايلها جديم
مكياجها مب حلو
خوات المعرس وايد شايفات عمارهن
لبس خوات المعرس مب شي وغالي على الفاضي
وايد يتفشخرن بحركاتهن
…
طبعا لو اكتب كل تعليقات السحالي ( آسف ) البنات ما بخلص الا عقب ثلاث ايام
خخخخخخخخخخ
…
المهم
ليش تحولت فرحتنا بهالعرس الى مجمع للإنتقاد والقراض
او بالاصح الذم والنميمه ؟؟؟
هل لاحظتوا هالامور ؟
انتظر حواركم.
وكل معرس احب اقوله
( كُلُّ نَفْسٍ ذَائِقَةُ الْمَوْتِ )
خخخخخخخخخخخخخخخخخخخخخخخخخخخخخخخخخ
عن نفســي ما حضرت عرس من 12 سنـة تقريبا الا نادرا و مجاملـة.
بالصراحة احنا الشباب ماعندنا هذه السوالف الي قلتوها وخاصة الأكل مايهمنا ومانأكل الا خبز ومقبلات شوي وسفن آب وأوقات ما نتعشى بعد ، بس بعض السحالي ايتم لسانهن على جتوفهن بس هوب كلهن ، الي تخاف الله واخلاقها عالية ماتفج حلجها باي كلمة ،اما ضعيفة الإيمان الحاسة بالنقص اتم تعلق على كل صغيرة وكبيرة الله لا كثر منهن ولو يتمن في بيوتهن احسن لهن العقارب .
نحن صارت عندنا ضرابه .. اهل المعرس .. واهل العروس
عاد شوفوا السبب التافه
دخل اخو العروس يسحب اخته لين الكوشه …. استغفر الله تقول يسحب عنز .. وهي فرحانه
يلسها ع الكوشه .. واول مادخل خالي ( المعرس ) شل حرمته ع طول .. يعني ما وحالها تيلس
عااااد قامت خالتي وتضاربت ويا اهل العروس <<<<< والمشكله عند المدخل
اونه ليش تروح .. والحريم للحين ماشافنها لووووول
فضحووووونا
يالله يوم وعدا
هي بعد انا انتقدت عرس << بس مره وحده
ليش ماعطوني عصير هههههه كنت عطشانه
خخخخخخخخ
صح كلامك
يعني انا مفصله فستان ومخلتنه مفاجأه .. وانصدم يوم العرس وحده لابسه مثلي
اسميني بتضارب وياها هههههههه
اقتباس من غلا بو خالد
فطوم : شوفي آلمعرس ..!
مريوم : اتصدقين آلمعرس أحلى عن آلعروس ..!
فطوم : لآ آلعروس أحلى ..!
مريوم : فطوم شوفي أخو آلمعرس وآلله انه غآوي ..!
فطوم : لآ شوفي آلثـآني اللي ورآه ..!!
مريوم : شو تبين فيه هذآ متزوج ..!
هههههههه والله اني ظحكت من خاطري