في شباب وايد خاطرهم ياخذون سياره بس بسبة الديون البنوك ما توافق لهم
تلاقي عنده مصدر دخل ثاني غير راتبه
حلاق ولا بقاله ولا دوبي ويدخل له مبلغ حلو كل شهر بجانب الراتب بس البنوك ما تهتم بالرخص التجارية اللي مالها كشف حساب شهري
حاليا الرنج سبورت بدون سوبر موديل 2008 سعره 299 الف درهم
ضمانه
1) 5 سنوات أو 250 الف كم
2) خدمة مساعدة الطريق 5 سنوات او 250 الف كم
3) عقد صيانه 3 سنوات او 60 الف كم
اللي عليهم ديون وخاطرهم برنج وعندهم مصدر دخل ثاني يساعدهم كل اللي اباه دفعه اولى
100 الف درهم وان شاء الله احاول اييب له الموافقه على تمويل السيارة لمدة 5 سنوات
الدفعه الاولى بتكون 100 الف درهم مثل ماهو مذكور بالعنوان
والاقساط بتكون 4130 درهم لمدة 5 سنوات
ولكن اي شخص عليه مبالغ وسلفيه متعثره بالبنك ويبا رنج بهالقيمة ما انصحه ويتم يسدد ديونه ابرك له
على العموم هاي فرصه للي يبا رنج سبورت بدون سوبر
الاوراق المطلوبة
1) صورة الجواز
2) صورة الليسن
3) شهادة راتب
ومابا كشف حساب
طبعا الموافقة تخضع لشروط البنك بس من ناحيتي بسوي اللي اقدر عليه
وفي حالة وجود اي استفسار انا حاضر
اخوكم
حسن
7 6 5 5 4 3 2 – 0 5 0
طبعا حتى محد يطلع لي فيها عنوان الموضوع يعتبر نوع من انواع الجذب للجمهور وهو نوع من انواع الماركتنج او التسويق 
مرحبا الغالي
ممكن ارد عليك
الاخ دار زايد ما حاول يغري حد ولا شي
الريال حاول يساعد الاخوان الي يبغون يشترون السياره لكن البنوك ترفض التمويل
فكثر الله خيرك يا دار زايد وعليك بالقوة
اخوي ممكن اعرف جهة التمويل؟؟ اسلامي ولا ربوي؟
شكرا
لا تزعل من كلامي يادار زايد انا انصح الاخوان دائما بعدم الاقتراض من اجل الرفاهيه وخل هذي القروض تنفعهم في العيش يعني الاقتراض من اجل العيش وليس الاقتراض من اجل الرفاهيه ولاتغريهم بهذي العروض
انا اتمنى منك تعرض على الشباب سيارات بكل المستويات دون قروض
اتمنى ان تكون هذي القروض من اجل الاستثمار التجاري او العقاري
ساعد الشباب دائما وانصحهم كل واحد حسب ميزانيته اللي عنده 100000 واللي عنده 500000
ومنك المعذره
التجارة شطارة …..
موفق و عروضك دووم متميزة