بسم الله الرحمن الرحيم
غالبية الناس يرغبون بعمل بعض المشاريع التي تدر عليهم اموال اضافيه بجانب رواتبهم الشهرية لتعديل مستواهم الاجتماعي والعيش بحياة كريمة , فكلنا نطمح لمستوى معيشه افضل لنا ولابنائنا وعائلاتنا خاصة بأن الغلاء مستمر والحياة متسارعة والراتب لوحده ما يكفي ولهالسبب ومن الضروري ان الشخص يفكر بالتجارة على قدر عقليته وتفكيره ورأس ماله
والتجارة قد تحتاج بعض المرات الى مخاطره وقد تربح وقد تخسر ولكن لن يتعلم الانسان الا ماخاطر وقد يخسر
العيب ليس بالخسارة ولكن العيب ان لا نتعلم منها شيء
والتجارة قد تحتاج بعض المرات الى مخاطره وقد تربح وقد تخسر ولكن لن يتعلم الانسان الا ماخاطر وقد يخسر
العيب ليس بالخسارة ولكن العيب ان لا نتعلم منها شيء
…
الخطوة الاولى
رأس المال
تقريبا 100 الف درهم اعتقد بأنه مقبول نسبيا والبعض يقول ياخي 100 الف ما تقدر تسوي فيها اي مشروع واحب اخالفه الرأي واقوله اذا كانت الخطوات صحيحه ال100 الف درهم كافيه وزياده بعد واهم شي التخطيط وحتى في مشاريع الشخص يقدر يسويها برأس مال اقل من هذا وكمثال بالسوق المركزي بأبوظبي يأجرون اكشاك حاليا بقيمة 5000 درهم شهريا يعني لو شخص اخذ كشك وباع فيه اكسسوارات اخذهم من سوق الجملة بدبي ماراح يكلفة هالمشروع اكثر من 40 الف درهم قيمة الاجار والرخصة والموظف والبضاعة بعد
…
الخطوة الثانية
المعرفة
يفضل دائما ان تكون على دراية كامله بالمشروع وبطريقة عمله وفي حالة عدم المعرفه سؤال اصحاب الخبره بالمجال حتى تتعلم الخبايا وطريقة العمل.
دراسة المشروع من الناحية المالية والجدوى الاقتصادية مهم للغاية ويمكن يكون تعب شوي بس بالنهايه راح يكون عندك المام كامل بالعمل وهالشي راح يفيدك بالنقاشات اللي بتصير مع المصدرين والموزعين.
بهالسبب سؤال اهل الاختصاص والخبرة والقراءة والبحث في الانترنت هي اول خطوات البحث والتقصي عن المشروع
دراسة المشروع من الناحية المالية والجدوى الاقتصادية مهم للغاية ويمكن يكون تعب شوي بس بالنهايه راح يكون عندك المام كامل بالعمل وهالشي راح يفيدك بالنقاشات اللي بتصير مع المصدرين والموزعين.
بهالسبب سؤال اهل الاختصاص والخبرة والقراءة والبحث في الانترنت هي اول خطوات البحث والتقصي عن المشروع
…
الخطوة الثالثة
مقر
للاسف بعضنا ياخذ مكتب في ارقى حي تجاري ويطبع افخم الكروت ويسوي دعايه كبيره وعنده مدير مكتب وسكرتيره واوفس بوي وهو اصلا ماعنده الخطوة الاولى للبداية وبهالطريقة خسر تقريبا نص راس ماله على امور قد يحتاجها لاحقا… ياخي انت سوي كل هذا وحتى الشاي والقهوه انت سويه واذا حبيت توفر خذ مكتب في بزنس سنتر كبداية حتى تطلع عليه رخصه واعتقد البزنس سنتر بيغنيك عن العديد من الموظفين
…
الخطوة الرابعة
اغتنام الفرص
.jpg)
تقام في دولتنا الحبيبة العديد من المعارض الرائدة في جميع مجالات الحياة مثل الهندسة واليخوت والسيارات والمواد الغذائية والالعاب والملابس والالكترونيات …. الخ وحاليا عند حضور اي معرض من هالمعارض ستجد العديد العديد من الشركات التي لا يوجد لها وكلاء بالمنطقة وما عليك الا انك تتقرب من الشركات وتاخذ عينات منهم وكاتلوجات واسعار تقريبية ولف المعرض كل يوم لين آخر يوم واذا عجبتك شركه معينه سولف وياهم وشو انطباعهم عن الزوار والمعرض وكيف طرق التعامل معهم وبهالطريقة بيشوفونك جاد وبيساعدونك زياده وبيعطونك معلومات اضافية بتحتاجها بالمستقبل واهم شي انك تسجل كل شي
…
الخطوة الخامسة
التوزيع
هاي تعتبر من اصعب المراحل في البزنس او العمل … بهالسبب حاول تشوف شركة تنتج منتجات معقوله وبسيطه وبأسعار مناسبة حتى توزيعها يكون سريع وبسيط.
وراح اقولكم شي انا سويته بمعرض Gulf Food واللي رحت له كزائر فقط وانتهى من ايام بسيطه … اخذت كتلوجات من بعض الشركات المختلفة وماكان عندي غير مكتب صغيرون وبزنس كارد واهتميت بعدة شركات وكان منها شركة تروج للشبس وكانت اسعارهم مناسبة للغاية واخذت منهم عينات وبعد انتهاء المعرض اخذتها على شركة توزيع وعرضت عليهم كل منتجات الشركة واعجبوا بنوع معين وطلبوا منه كمية .. اتصلت بالشركة الام وبالشخص اللي عطاني العينات وطلبت منه قائمة بالاسعار للمنتج المذكور مع السعر واصل لجبل علي وحسبت كل المصاريف طلع علي حبة الشبس الوحده تكلفني تقريبا 80 فلس وزودت عليها 15 فلس وعطيتها للموزع اللي طلبها. فطلب مني عدد 4 كونتينر … بحسبة بسيطه طلع الكونتينر الواحد يكلفني لين ما توصل البضاعة 7500 دولار يعني تقريبا 27 الف درهم .. فسويت حركه اعتبرها ذكية نوعا ما … طلبت كونتينر وارسلت لهم الفلوس عن طريق الاعتماد البنكي
وبعد ما وصلتني اوراق التصدير طلبت الكونتينر الثاني وارسلت لهم الفلوس … وطبعا انا على اتصال مباشر مع مدير التصدير … وطلبت بعدها بيومين الكونتينر الثالث … وقدرت اكسب ثقتهم وعلى طول قلت لهم محتاج 4 كونتينر كل اسبوعين والدفع بعد وصول البضاعه ب45 يوم لان الموزع يدفع لي كل 30 يوم وانا عطيت لعمري اسبوعين احتياط لاي تأخير وخلال اسبوعين او ثلاثه راح اكون وكيلهم بالدولة وبهالطريقة صرفت تقريبا حول 90 الف درهم ولكن عندي بضاعة خلال اسابيع تسوى فوق ال500 الف وحاليا عندي مقابله ثانيه مع موزع ثاني يبا كميات والحمدلله الشركة وافقت على نظام الكردت او الدفع المؤجل والموزعين راح يدفعون لي كل 30 يوم.
وبعد ما وصلتني اوراق التصدير طلبت الكونتينر الثاني وارسلت لهم الفلوس … وطبعا انا على اتصال مباشر مع مدير التصدير … وطلبت بعدها بيومين الكونتينر الثالث … وقدرت اكسب ثقتهم وعلى طول قلت لهم محتاج 4 كونتينر كل اسبوعين والدفع بعد وصول البضاعه ب45 يوم لان الموزع يدفع لي كل 30 يوم وانا عطيت لعمري اسبوعين احتياط لاي تأخير وخلال اسبوعين او ثلاثه راح اكون وكيلهم بالدولة وبهالطريقة صرفت تقريبا حول 90 الف درهم ولكن عندي بضاعة خلال اسابيع تسوى فوق ال500 الف وحاليا عندي مقابله ثانيه مع موزع ثاني يبا كميات والحمدلله الشركة وافقت على نظام الكردت او الدفع المؤجل والموزعين راح يدفعون لي كل 30 يوم.
…
الارباح
قليل مستمر ولا كثير منقطع
لو لاحظتوا اني حطيت 15 فلس ربح على كل عينه وقد يعتبر بسيط نوعا ما وماعندي مشكلة لو الموزع باعه باضعاف المبلغ اهم شي اني اكسب فيه مبلغ بسيط ولكن مستمر .
الطمع الزائد ما ينفع لان مصيره ينقطع في يوم من الايام وانا جربت اني اربح وايد وبالنهايه اندقيت على راسي
الطمع الزائد ما ينفع لان مصيره ينقطع في يوم من الايام وانا جربت اني اربح وايد وبالنهايه اندقيت على راسي
…
اساسيات
بالبداية راح تدير المشروع بروحك من كافة النواحي الادارية والمالية ولكن بعد فتره راح تجيب منتجات ثانيه وبهالطريقة راح تحتاج لشخص واحد فقط يدير لك المكتب ويكون مدير مكتب وسكرتير ومحاسب ولكن راح تعطيه راتب سكرتير بس زيده شوي لانه يدير اكثر من وظيفه بنفس الوقت
بعد فتره تشوف الشغل زاد عليك على طول وظف محاسب لان المحاسب مهم للغاية حتى يدير حسابات الشركة ويعرف الموازنة والصرفيات بعدها تقدر تنتقل لمكتب اكبر شوي بمنطقة معقولة وبإيجار معقول وتوظف موظفين زياده
بعد فتره تشوف الشغل زاد عليك على طول وظف محاسب لان المحاسب مهم للغاية حتى يدير حسابات الشركة ويعرف الموازنة والصرفيات بعدها تقدر تنتقل لمكتب اكبر شوي بمنطقة معقولة وبإيجار معقول وتوظف موظفين زياده
…
ابدأ صح وراح تنتهي صح
انا يديد بهالمجال والحمدلله يالس ابني نفسي شوي شوي برأس مال بسيط
اذا كان عندي مليون درهم صدقني لادخل كل 6 شهور 100 الف درهم يعني بالسنة 200 الف درهم يعني تقدر تقول 20 % من راس المال ولكن العين بصيره واليد قصيره ولكني ابدأ خطوه خطوه واحط الفلس على الفلس لين ما اجمع رأس المال اللي احتاجه واقدر عقبها ادخل منتجات يديده ومطلوبه للسوق المحلي
اذا كان عندي مليون درهم صدقني لادخل كل 6 شهور 100 الف درهم يعني بالسنة 200 الف درهم يعني تقدر تقول 20 % من راس المال ولكن العين بصيره واليد قصيره ولكني ابدأ خطوه خطوه واحط الفلس على الفلس لين ما اجمع رأس المال اللي احتاجه واقدر عقبها ادخل منتجات يديده ومطلوبه للسوق المحلي
…
هاي نصيحتي للكل واتمنى اكون وفقت في تفصيلها واذا في اي استفسار ياليت تطرحونه بالموضوع حتى الكل يستفيد وماتتكرر الاسئلة.
واتمنى من الجميع دعواكم لي وللجميع بالتوفيق
اخوكم
ابو شوق
تسلم اخوي على الحوار الجميل معاك
والسموحه منك بأني ما قدرت افيدك زياده
والله يوفقك يارب
طولي بعمرك بوشوق ما قصرت على المعلومات الطيبه
وابشرك المكان اجاره طيب الحمد لله …. وهذا اللي شجعني
مشكور مره ثانيه على المعلومات
اللحام تحت البحر تقريبا عند شركات البترول
معروف هالشي وغالي مب رخيص
وعندهم موظفينهم
بخصوص دراسة الجدوى
في شركات معتمده متخصصه بهالمواضيع
وبعد في نفس الوقت تشوف مين اللي محتاج هالنوعية من اللحام
وتعرف اسعار السوق
هالشي سويه بروحك ولا تعتمد على اي مخلوق
اذا تقدر تنافس بالاسعار مع فائده تغطي رواتب العمال والاجار ومربح يعتبر بسيط بالبداية ابدأ بالمشروع
اهم شغله ونقطه تهدد اي مشروع عندنا هو الاجار السنوي
بصراحه الاجارات عندنا نار
فلو تحصل لك ورشة صعيره وتقدر تعدلها من داخل من ديكور حتى تكون احترافيه ان شاء الله بتنجح
لان المكان اذا كان منظم ونظيف يرفع من قيمة العمل ويعطيه احترفيه اكثر وثقه للعميل
اما بخصوص العمال فخلهم يطرشون على الايميل صورة شخصية وصوره ملونه من جواز سفرهم
وتاخذه الجوازات وتقدر تسوي لهم اقامة
العامل الواحد بيكلفك تقريبا 7800 درهم
شامل الاقامة والضمان البنكي وبطاقة ضمان وبطاقة الهوية
بس قبل لا تييبهم جهز الرخصة حتى تييبهم على الرخصة
الرخصة ما يبالها شي
اوراقك الشخصية وعقد اجار وسير البلدية وبيخلصونك خلال فتره بسيطه
بس لازم تعرف شو مواصفات المحل من طقاية حريق ومدخل ومخرج وهالامور وبتاخذ المواصفات من البلدية والتنمية الاقتصادية وكل هالاماكن موجوده في البلدية الرئيسية يعني ماراح تلف من مكان لمكان
والله يوفقك
ربي ايسلمك من كل شر ويوفجك في مبتغاك
اممم تحت البحر او مره اسمع فيه …. بس اللي انا ابغي اشتغل فيه ان شاء الله ,لحام عادي ولكن بطرق جديده ومكائن ليزر يمكن ف الامارات عندنا قله منهم لان اللي شفته في دول اوروبا بصراحه يبهر العينين وان شاء الله نتوفق من رب العالمين
اشكرك اخوي على تعاونك وطرح الموضوع للنقاش العام
ولكن كيف تكون البداية يعني
1 دراسة جدوى
2 استأجار ورشة والبدايه ورشة صغيره
3 تصريح من البلديه + رخصه
هذا كله سهله ان شاء الله ولكن
4 عمال ف البدايه افكر بـ عاملين والاستاذ موجود ف الامارات يعني المجموع 3
كيف اييب العمال لان الاستاذ مالهم قالي يعرف ناس وهم ف بلادهم
شو الاوراق المطلوبه وين اروح بعدها لانه ما عندي خبره ويا العمال اما الباجي هين ؟؟؟
والله ياخوي يعتمد على نشاط الشركة
يعني اذا انت بتاخذ وكالة شركة خليجيه على مستوى الدولة اعتقد بس مب متأكد بأنك لازم تفتح فرعين
واحد في ابوظبي والثاني في دبي
يعني ممكن تفتح في دبي محل ومكتب في ابوظبي
وعقب تاخذ وكالة الشركة على مستوى الدولة
ولكن اذا كنت وكيل فراح تكون مضطر انك تسحب بضاعة عندهم بنسبه معينه وتشغلها بالدولة
اهنيه يعتمد على ميزانيتك
بخصوص الشروط ما اعرف بصراحه
وان شاء الله الشباب يفيدونك