للبيع
مقهى بكامل معداته
جاهز وشغال
بمنطقة الخالدية
( دائرة المياه )
أبوظبي
وكلنا يعرف الخالدية وشهرة المقاهي اللي فيها
المقهى قديم ومعروف وله سمعته وناسه
الرخصة فيها ( شيشه + مرطبات )
وبعد فيها تصريح يفتح للساعة ثلاث الفجر يوميا لمدة 6 شهور وقابلة للتجديد
أجاره السنوي 83 الف درهم
6 عمال ( 4 مصريين + 2 هنود )
رواتبهم ( 1700 درهم للعامل والسكن عليهم )
تم تغيير جميع الكراسي والطاولات بالمقهى بالاضافه لتغيير المطبخ بالكامل حتى يكون مطابق للمواصفات الصحية المطلوبة من قبل رقابة الأغذية
3 تلفزيونات بلازما 42 بوصه
لعبه بلي ستيشن 2 مع تلفزيون كبير
لعبة بلي ستيشن 3 مع تلفزيون كبير
ثلاث العاب تسالي
60 شيشه جديده ماكملت شهرين
مساحه خارجية خلفية كبيييييره بس يبالها تصريح من البلدية بقيمة 7 الاف درهم سنويا
المقهى شغال بصوره جيده جدا ومدخوله اليومي بعد التجديد الشامل اللي صار له شهر تقريبا 1200 درهم باليوم يعني تقريبا 36 الف درهم بالشهر ولا ننسى بأننا في فترة صيف والمساحه الخلفية الكبيره ما استغليتها يعني اذا ترتبت شوي بتدخل اضعاف المبلغ هذا بكل سهوله بالشتا
بصراحه المقهى يباله تقريبا حول ال40 الف درهم وراح تكون بالشكل التالي
1) تغيير الحمام ( أكرمكم الله ) ( 3500 درهم )
2) تصريح للمساحه الخلفية ( 7000 درهم )
3) اضافة جهاز تكييف 2 طن ( 3000 درهم )
4) كراسي وطاولات للجلسة الخلفية ( 16500 درهم )
5) اضافة سور وتنظيف المنطقة الخلفية ( 10 الاف درهم )
شغلات بسيطه للغاية
تجديد عقد الأجار بيكون على شهر 10 ان شاء الله
بصراحه المقهى شغال صح بس يباله واحد متفيج ويتابعه اول بأول وراح يكسب من وراه ذهب وخاصه اننا مقبلين على رمضان والشتا على الابواب
اعتقد 20 الف درهم صافي ارباح شهريه وبالصيف مبلغ اكثر من ممتاز ولا شو رايكم ؟
انا والله لو كنت متفيج له ما راح ابيعه بس والله ما عندي وقت اتابعه
المهم
المطلوب مليون درهم قابل للتفاوض بشكل معقول
يمكن البعض يقول والله المليون اقدر افتح فيها قهوه يديده واسوي لها دعايه وبتشتهر وبتغطي مصاريفها اول بأول والرد عليه بالآتي
1) ما بتحصل مكان أجاره مقبول في ابوظبي في ظل الارتفاعات بالأجار والبناية اللي نحن فيها للحين على الدائرة او بالاصح على بنك ابوظبي التجاري العقاري واذا بتاخذ نفس الساحه في اي منطقة ثانيه او حتى بالخالدية مابتحصلها بأقل من 200 الف درهم سنويا
2) بناء سمعه حتى الخلق تتعنى وتشيش عندك يبالها سنين ومب يوم وليله
3) ممنوع رخص مقاهي ( شيشه ) بالبلدية
على العموم هذا ردي على اي استفسار يتعلق بالمقهى واللي جاد بالموضوع اعتقد انا موضح لكم كل التفاصيل والمدخول للمقهى والجادين فقط يتواصلون
للتواصل
2345567 – 050
حسن
ملاحظه: قبل لا شخص يفتي بالحلال والحرام ياليت يتصل على دائرة الأفتاء ويسأل عن حكم الشيشه وتدخينها والإتجار بها لأني اتصلت وسألت وقالوا حلال واللي عنده اي اعتراض على مفتيين دائرة الأفتاء يتواصلون مع وزارة العدل
^_^
والله اللي افتى دائرة الافتاء مب أمي
وبعدين ياخوي حتى الانترنت مضر لأنه ييب رواتزم للاصابع ويضعف النظر
^_^
حلاته السلوم تالي الليل والجو هادي وشاي الكرك وياك
يا سلاااااااام
اقرب صوبنا ياخوي
^_^
يامرحبا بك ياخوي
بخصوص دائرة الإفتاء قالوا لي بالحرف الواحد بأن بعض علماء المسلمين حرموه وبعضهم أحلوه ولكن مكروه بشرط اني ما ابيع الشيشه لمن هم اقل من السن القانوني المصرح به بالبلاد
هذا كلام دائرة الإفتاء وتقدر تتصل عليهم وتسألهم ومابيقصروا بالرد ان شاء الله
ويامرحبا بك
( الساكت عن الحق شيطان أخرس)