بالبداية احب اقول اني مب يالس اعرض وظيفه حتى محد يطرش الCV ماله 
اعتقد الكل عرف بخصوص المذيع الاجنبي اللي تكلم وسب الذات الالاهية في برنامجه الاذاعي وصارت عدة مواضيع ونقاشات بخصوص هالسالفة ولكني ابا اتكلم عن موضوع ثاني
من خلال الحديث الصحفي اللي نزل في الامارات اليوم بخصوص هالقضية
http://www.emaratalyoum.com/Articles…739234589.aspx
هناك جمله استغربت منها
وتابع «هذه الواقعة خطأ فردي، ويتحمل مسؤوليتها كاملة المذيع؛ لأنه هو الذي يعدّ، وينفذ، ويذيع برنامجه». ولفت إلى أنه «قدم إلى الدولة منذ ثلاثة أشهر فقط، وغير ملم بطبيعة المجتمعين العربي والإسلامي».
يعني الحبيب دخل الدولة من ثلاثة اشهر واشتغل خلال ثلاثة اشهر
وربعنا مواطنين وعندهم ثانوية ودبلوم عالي وجامعيين مب محصلين وظيفه
السؤال اللي يطرح نفسه ….!!!
كيف قدر هالاجنبي انه يشتغل خلال ثلاثة اشهر ونحن عيال البلاد نخيس لين ما نحصل وظيفه ؟؟؟
انتظر نقاشكم
اخوكم
ابو شوق
عسى ربي يفرجها عليج اختي
^_^
ممكن تخبرينا من وجهة نظرج سبب هالظاهره ؟؟؟
ممكن تخبرنا شو السبب من وجهة نظرك ؟؟؟
الله يكون في العون ..
اخوي أنا بخبرك شي و هو واقع ..
مسؤولينا “الموااااطنين” ما عندهم ثقه فينا نحن أنه نقدر ننجز و عشان جي تشوفهم طايحين في المستشارين من برع الدوله …
وين تبي مسؤول وافد في اي دائرة يعطيك انته ثقه دامك مواطن و ما عندك خبره صعب انك تحصل وظيفه, معليك ترا معارض التوظيف هذا كلام فاضي بس عشان يجمعون سيفيات و يزقرونك حق المقابله هذا اذا كان حظك ضارب السما, ويسوون مقابله معاك في نفس اليوم مع ولد عمهم “طوني” عشان يقولون انه المواطن ما يبي الوظيفه بس و ياخذون ولد عمهم.
شو ها الحاله.. انا قلت الحين خلاص 3 شهور وانا متوظفه اهى اهى..
ياللاه الله كريم..
نصيحه خلها على الله والكل عارف شو السبب
وتسلم على طرح الموضوع